ESEKIELI 14:3 - Biblía Axweesantá Hhohho' ar Mungú 2004

³ «Heewí, mukwí muner'ín kaa óh nee slaqsa'aá munguaá hatlá', munguiiká' muu ngun gan'amisiyá' baraá tlakweema. Xáy, iqo hariínda tiwa hara'ayárí leehhi nee mukwí?

ESEKIELI 14:3 Iomraidhean Croise

2 WAAWITÁ 3:13

Elisha waawutmoó Israeli guri yaahaás, «Aníng nee kuúng dinku'uumár ta koomaan i deéro? Tláw amór aaruusedár baabuúwók nee aayoorók.» Waawutmoó Israeli iri oó', «Aasla'áy AAKOÓ MUNGÚ an heé ateéká' tám awa waawitá taa ateet, as tiwa qaasi baraá dabaá waawutmoó Moabu.»

WARA'AMI 101:3

Gár tlaakw a i qaytsitaaká. Gadiyér múk muruú tlákw tlehhahhiít a sla'aaká. Aníng nee inooín a alqaatusanaaká.

WARA'AMI 66:18

Geera bar muruú tlákw un inslaasláw baraá muunaáeene, AAKOÓ MUNGÚ geera iga axaasiiká.

AXWEESANOÓ SAGALOOA 15:29

AAKOÓ MUNGÚ ku saáw dír heé tlaakwe, Ala firór heé hota ganaá' gan axamiis.

AXWEESANOÓ SAGALOOA 15:8

Ilahhooár muruú ta tsu/i ar heé tlaákw AAKOÓ MUNGÚ ga waak, Ala firór heé hhoó' gun qwal/atimís.

AXWEESANOÓ SAGALOOA 21:27

Ilahhooár muruú ta tsu/i ar heé tlakusmo ka waak, Heé inslaway tlákw ilahhooarós kan ak slaiiká.

AXWEESANOÓ SAGALOOA 28:9

Heé dabe gaa artá wa may tam firoorós sleeme ka waak.

ISAYA 1:15

Kuungá' bar dabaahúng iga gáwtí tlesé' as iwa fiririinda', aníng ilaaeé' in luú/, as munduwa ár, tam firór yaariir bar firirindá', a axaasaaká. Asma dabaahúng naa hatsiyé' tseerduuwo.

ISAYA 33:15

An heé hota ganaá' nee oo axweesani hhó' kudá' slaasláwár /ayta ga waaqaqaá', an kudá' slukma ga baloó i qaytaaká. Kudá' kángw tseerdaá muu kiwa ku'umiisi axamisuuwo gu sla'aaká, nee kudá' ilaawós gaa gumamaa' as gár tlaakw mingiwa ár.

YEREMIA 11:11

Gawaá adoorihe AAKOÓ MUNGÚ i kaahi, «Ga/aawaak, aníng i amotlakweérií huúw ar i baloó kwirhhitiiaaká, tam ni amor'eé' /aa/iia i baloó iiárií qaasaaká.

YEREMIA 17:9

Muunuú hee a ló'wa al/aymusmo ta umuú gaaro, hungu/uusaro ku aleeslayká. Heé tsaahharo gu aleesláw a heemá?

YEREMIA 21:2

«Na'ás, ti aleefiriin dír AAKOÓ MUNGUHE, asma Nebukadnesa waawutmoó Babuloni slaqwara gaa iimu/ún daanduurene. Doóqa AAKOÓ MUNGÚ tlehhmuú waa/oo/amo gu tleehh, adoodá' ngur tlehhaahhiti, nee daqaní Nebukadnesa doóqa atén ti máy, iri tláy.»

ESEKIELI 11:21

Ala kudá' muner'ín aldinkwa nee muruú slasla/arén nee oo i buhhtamís, i sakwasleemuút ar har qoomoó tlehhmi'ii'ín kudá' naa tleehhiyé'. Anuú Aakoó MUNGÚ tí aga oó'.»

ESEKIELI 14:2

Naagáy axweesantá AAKOÓ MUNGÚ ana axaás, i kat,

ESEKIELI 14:4

«Inooín baweek, anuú Aakoó MUNGÚ a kah, Heé baraá tla/ángw múk Israeliwo oo muunaáwós ta hatsís nee slaqsa'aá munguaá hatlá', nee gari ló'wa ya/án kuwa gan'amisi nee munguiiká tleehhmaá' tlákw ngiwa tleehhi, aluuwo tari daqáy dír aarusmo as iwa hara'ayár leehhiya', anuú AAKOÓ MUNGÚ in mu/aywaáts, ar mu/aywatstá qoom tam dír slaqsi'ii'ín kudá' yaariire.

ESEKIELI 14:7

«Umuú qoomaaro, hee tam gaalá dír múk Israeliwo, laqaá dahaaymo oo yaamaá Israelír wa hoót, birta paraátl dir'eene, nee barnaxes slaqsa'aá munguaá hatlá' giri haratlintií' ar ilakaahara, nee tlakweemaaká' tari dukuutsmo dír án nee inose, aluuwo iri daqáy dír aarusmo as ngiwa xu'utír wa slai gár aníng ni kah, naagáy aníng AAKOÓ MUNGÚ, inós un mu/aywaáts.

ESEKIELI 20:16

Adoorí ana tleéhh asma inooín daber'eé' ngina si'íyé', nee naa hooti'iiká ar baraá kaahir'eé', Sabaátor'eé' ngina meetagaasiyé', asma inooín slaqsi'iidaá munguaá hatlá' ngina gurií ba/iyé'.

ESEKIELI 20:3

«Garmoó heewí, bariiseesír Israeli ka beer, anuú Aakoó MUNGÚ a kah, ‹Xáy, kuungá' naa hardatí'i as aníng iwa yaahasa'? Tí ar ló', adoodá' anuú Aakoó MUNGÚ nir hotaatima, aníng yaahasarhúng a baloó ya/amaaká.›

ESEKIELI 20:31

Barnaxes kuungá' aga kumité' ilahhooa hanmisuwo, nee na/iihúng kiwa da/a/aanda' ar asla, tin meetagaamisá' tam ay laarí. Xáy, kuungá' aníng iqo gurbu'útí lehhá'a, kuungaákaá múk Israeli? Ala anuú Aakoó MUNGÚ adoodá' nir hotaatima, lo'o aga /aáy, aníng a ya/aamaaká iwa gurbu'útí lehha'.

ESEKIELI 3:20

«Slám malé alé heé gan'amuú koóm, bar gan'amuwós gwa máy nee tlakweema gay tleéhh, aníng nguri dukutsamoó i qaás, heewí iri gwaá', asma kuúng kuwa naanaqiká heewí i gwaa' as tlakweemaawós, tam tlehhmi'iiwós kudá' hho' ki inslayká. Ala tseereerós a iinuús gawaawók i alé.

ESEKIELI 33:30

«Heewí, mukók i daanduuwók axwees, ta tlintaá maray'ín i iwiit ta kilooín axwees, ta kaahi, ‹Gusé', axweesantá AAKOÓ MUNGÚ a iiaárií qaasár awaán.›

ESEKIELI 36:25

Aníng kuungá' nun ma'áy tsiririxiís, ma'aá hhohho', nee tari hhoohhoaaeerá' baraá slasla/aruhúng kudae, nee dír slasla/aruú slaqsi'iihúng kudaá mungui sleémeerowo.

ESEKIELI 44:12

Asma inooín múk Israeli nguwa geerahariyé' firór munguaá hatlae, nee muu nguri tlakweemár ayé', aníng dakw'eé' ugwa gáwtí tleés as ngiwa muux. Anuú Aakoó MUNGÚ tí aga oó'. Inooín muxtar'ín ngi slayá'.

ESEKIELI 6:9

Amoodaádae aníng in inslayá' baraá tla/ángw xoorduudá' nay diya/ati'i. Ngiri inslayá' adoodá' ngira slaáhh, asma inooín nina inkihhimu wasleesiyé', niri warqayé', aníng harahhifooro iri mayé', niri warqayé' amór slaqasi'iidá munguaá hatlá', ngiri harahhifiyé'. Gawaá adoorihe inooín tari kilooín aahhiyá' asma tlakweemaín kudá' sleémeero naa tleehhiyé'.

ESEKIELI 7:19

Peésar'ín ngiri kwahhiya' baraá lohdu, nee sahaábuín tari adór gár meetagaamiis. Inooín ti tu/iiaakaá ar peésa nee sahaábuuwo baalaadár buhhtaá anuú AAKOÓ MUNGUHE. Inooín slám ta axiiká, laqaá gur'er'ín ka dala/iiká peesaaro nee sahaábu ta burumbuuri. Asma daqaari'iimar'ín an gár gaa tlakweemá i hup.

HOSEA 4:5

Kuúng dukuutsmo u tuu' qoomár tlaatla/aango, aarusmo dukuutsmo gu tuu' dinkwa nee kuúng qoomár xweeraawo, aníng aayorhúng a gaás.

SEFANIA 1:3

Hee nee makiito'ooro in qwaareés nee tsir/ór gáwtí tlatlaawa nee siyoó baraá tlawto, dukuutse nee kudá' tlakwe sleémeero in qwaareés. Hee un amór saáw i kwaáhh as miwa deeruút baraá yaamuwo. Anuú AAKOÓ MUNGÚ tí ngina oó'.

SEKARIA 7:13

Adoodá' anuú AAKOÓ MUNGÚ Aleesleemusmo inooín ngira ateetiím niri axasi'iiká, inooín sleeme aníng i ateetiyá', ala aníng i iiárií qaasaaká.

Luka 20:8

Yesu inooín giri báy, «Aníng sleeme aleesleemuú muruuwí ngur tlehhiit ngu dirhúng i ooaaká.»

Efeso 5:5

Kuungá' /aymuuwí u xu'uti hhe'esá', adór heé tsaatusmo waawuti'iimár Kristo nee Mungú ngir baloó aaliiká, laqaá tam heé slafiingós slasla/arén, laqaá tam heé ilatleerusmo sleeme, asma inós i munguaá hatlá' kón.

1 Petro 2:8

Nee kaa malé gooín, «tlaa/ár inooín gi dukuuts, nee tlaa/ár inooín ta i huui.» Inooín Axweesantadá' haratlintaaooro kan siaasii'. Gawaá adoorihe axweesantadá' iri dukuutsmo tleehhít dir'ine, asma gaarí an gár Mungú aa qoomeés daandeemooine iimír iimu/uungo.

Geehhoeemaá 2:14

Ala aníng axweesanoó niiná u koóm daanduuwoge. Kuúng mukko u koón diroge, oo intsaahhatimisuú Bala'amu gu eeharahaár. Inós an kudá' Balaki gwa intsaahhatimis adór múk Israeli ngur al/ayi, as masók inooín fu'unaydá' kiwa /ayi, kudá' taa ilahhooár wa hanimiís dír munguaá murslaaqat, nee tawa fuquusi.

1 SAMUELI 28:6

Saulo AAKOÓ MUNGÚ guna firín gawaá daanduú tihe, AAKOÓ MUNGÚ gwaa mu/aywatsiiká ar loohír tlata laqaá ar iso nee ar aaruuse.