ESEKIELI 14:19 - Biblía Axweesantá Hhohho' ar Mungú 2004

¹⁹ «Laqaá barnaxes pu/i ngin huwa gawaá daanduú yaamuuká', nee buhhtaaeene muu nee makaywo ngiri tsuú/,

ESEKIELI 14:19 Iomraidhean Croise

2 SAMUELI 24:13

Gadi iri daqáy amór Daudi, kaangwí guri ooár áy, guri báy, «Xáy, gár ta sla' a giyér kureeraá faanqw nin tleéra baraá yaamuuwoge? Laqaá kuúng wakuuseerók an ilagwaagóp slahheeraá tame, iwa kuúng slakaatiya'? Laqaá baraá yaamuuwoge tiqtír tlakw nin ti'ít ar pu/i deelo tám? Kaangwí alqaytsiteek, daqaní ngu mu/aywáts kángw ni ooár aw amór kudá' aníng iga ya/aaw.»

2 SAMUELI 24:15

Naagáy AAKOÓ MUNGÚ múk Israeli guri tiqtír tlaákwi huúw ar pu/i, iimír matlaatlér wa tleemu ay qoomaadá' taa oó'. Múk kumér mibeeraá faanqw iri qaátl baraá yaamuwo, iimír yaamaá Danír wa tleemu ay yaamaá Be'er-sheba.

1 WAAWITÁ 8:37

Barnaxes giyeé naa tleér baraá yaamuwo, laqaá tiqtír pu/i, laqaá tluwaay bir kaahh, laqaá ingigi, laqaá karkari, laqaá tam bar mukók kuna harweér nee wakuuse umuúqo gixsar'ine, laqaá slahha tam gaalá ngaa slayé', laqaá tam tiqti gaala,

2 QOM'I 20:9

barnaxes amotlakwe taa sleér laqaá slaqwara, laqaá sakwasleema, laqaá tiqtír pu/i, laqaá giyeé, atén an dír geeraá do'owí sihhitaán nee dír geeraawók, asma umuuwók i baraá do'owí, nee qoomár slahh'amuurene nin amoorók i /aa/aán, kuúng atén ti iiárií qas nee ti ba/amis.

2 QOM'I 6:28

«Giyeé birna tleér baraá yaamuwo, laqaá tiqtír pu/i, laqaá slahheemasi, laqaá danú xaai birnga kahaás, laqaá ingigi birna hardát, laqaá karkari, laqaá barnaxes mukók wakuuser'ín gaa baraá gixsarkárí harwét, laqaá slahh'amu, laqaá tiqti gaalahe,

2 QOM'I 7:13

Aníng bar tluwaay ugwa ilaá/, laqaá bar ingigi ngaa tleés balangwhúng guri /ák, laqaá tiqtír pu/i kuungá' burna sleér,

WARA'AMI 91:3

Asma inós kuúng un tuu/ baraá tsaaxweelír slakaatusmoó wa ale, nee baraá tiqtír pu/ito.

WARA'AMI 91:6

tam pu/tidár baraá giwti, laqaá tidá' tlaatla/aango hhitiim.

ISAYA 34:3

Tu'uuín kin tsee/ií kwakwaahh, tsutsuír tu'uuín yaamu giri tsatát, Tseerduín niri gawaá tlom'i wá wa/iyá'.

ISAYA 37:36

Naagáy malaykamoó AAKOÓ MUNGÚ xweeraawo ina tláy slaqwaruusér Ashuru ar kume tsiiruú wák nee mibeeri dakaát nee kooán gari slururu'uús. Matlaatleero looa niwa tleér naxés mukwí sleémeero an tu'u.

YEREMIA 14:12

Tam ta gwaawin, firor'ín a baloó iiárií qaasaaká, tam barnaxés iga ilahhooár dá/tí haniisiyé', nee tam ilahhooár balaango, aníng ilahhooar'ín a ya/aamaaká. Inooín aqo in hhaamiís ar paánga nee giyeé nee pu/i.»

YEREMIA 21:6

Aníng yaamuloouusér gixsarí an tsuú/, muu nee makaywo, sleémeero in tsuú/ ar pu/i.› »

YEREMIA 21:9

Heé baraá gixsarí meét ku gaas ar paánga, laqaá qwari gun gaas laqaá pu/i gun gás. Heé aa tsee/ií ti'iit, dabaawós giri haniís dír múk Kaldayo, kudá' gixsa ngaa harweeriye', heewí ku gaasiiká, eeít slafiingós gu tuu/.

YEREMIA 24:10

Aníng inooín in hhaamiís ar slaqwara, nee qwari nee tiqtír pu/i ay dír nay hhana' baraá yaamuudá' aníng naa haniís dir'ín nee dír baabi'ii'ín.› »

ESEKIELI 14:18

Mukwí tám geera bar in baraá yaamuuká' i dirii'i, looeemaawo tam na/oó wák baraá na/ii'ine ba/amiisaro ngu aleeslayká, tam na/oó garma laqaá oo dasi. Inooín aqo har slafingw'ín kilós tu/uto ngun aleeslayá'.

ESEKIELI 14:20

tam geeraawo barnaxes Noa, nee Danieli, nee Yobu in baraá yaamuukae, adór anuú Aakoó MUNGÚ nirqo hotaatina, ar ló', tam na/oó wák oo garma laqaá oo dasi oo ta ba/amiisi i kaahh. Aqo har inooín slafingw'ín kilós ngun /iisiyá', asma gan'amuuín kudá' ta kon.

ESEKIELI 14:21

«Ala anuú Aakoó MUNGÚ a kah, qoomár bar Yerusalemu aga slaáhh ar muruuwí tsiyáhh oo sakwasleemar'eé' tidá' ló'wa xaraasl, ngiri sakwasleemuút ar slaqwara nee qwari, nee makaá xaraaslá' nee tiqtír pu/i, as muu nee makaywo ngiwa hhaamiis baraakae.

ESEKIELI 21:31

Aníng nun i buúhh, asltá buhhtaaeé' an gawaahúng ar ufaáhh. Nu qaás gawaá dabaá wakuuserhúng tidá' xaraasl, múk kuungá' nu lo'wa baál tsu/utaaro.

ESEKIELI 36:18

Inooín ina i buúhh asma tseereedá' naa ku'uusiye' baraá yaamuwo nee munguiidá' hatlá' kudá' yaamuuín ngaa slasla/areesiye'.

ESEKIELI 38:22

Aníng Gogu un slaáhh ar tiqtír pu/i nee qatlór yaariir. Aníng tluwoó yaariír ngu huúw, nee tluwoó tlaa/eewo, nee asla nee kibiriíti i gawaawós nee gawaá slaqwaruuseerós nee dír xoorduudá' sleémeero kudá' nee inós dinkwaárií diriiá'.

ESEKIELI 5:12

Daqtá wák gawaá daqooroó tám oo baraá Yerusalemuro i qátl ar tiqtír pu/i nee qwari. Daqtá hatlá' ka tsuu/ baraá slaqwaraaro. Daqtá tám ar alhhe'eesáy a diyaá/ baraá daanduú yaamu sleémeero, nee ngiri hhaamiís ar paánga.

ESEKIELI 7:8

«Hamír kilá' ilooeemaá xarasleemaá daanduuhunge i axasá'. Án kuungá' nun i buúhh. Nun sakwasleemuút ar har qoomoó tlehhmi'iihúng kudá' taa tlehhité'. Nun sakwasleemuút ar har qoomoó muruudá' buhhtamís taa tlehhé'.

AMOS 4:10

«Aníng kuungá' nuna pú/tií tleés adór tooaáng naa tleés baraá yaamaá Misri. Aníng masoombarhúng ana tsuú/ baraá slaqwaarár wa ale, farsuuhúng oo slaqwara una ar tláw. Tu'u baraá marayhúng ngiri dalaa/iyé', tsuts'ir'ín baraá duungerhúng gay hatsís. Tam adoorihe kuungá' naa amor'eéní ki/i'iiká. Anuú AAKOÓ MUNGÚ tí ngina oó'.

FAARO 14:12

Aníng i slaáhh ar tiqtír tlákw nee aalir'ín ngiri hingeés, ala aníng kuúng un xoorór ur tleéhh ar /uuruú koom, inooín ba/a.»

Matayo 24:7

Asma xooro i slaqwarár eér amór xoororqá'. Nee waawuti'iima i slaqwarár eér amór waawuti'iimár hatlá'. Slám giyeé ni tleér, nee yaamaá yaariire kunseeli ni ti'ít.