ESEKIELI 14:18 - Biblía Axweesantá Hhohho' ar Mungú 2004

¹⁸ Mukwí tám geera bar in baraá yaamuuká' i dirii'i, looeemaawo tam na/oó wák baraá na/ii'ine ba/amiisaro ngu aleeslayká, tam na/oó garma laqaá oo dasi. Inooín aqo har slafingw'ín kilós tu/uto ngun aleeslayá'.

ESEKIELI 14:18 Iomraidhean Croise

YEREMIA 27:18

Barnaxes inooín an aaruuse, nee kinga ya/aáw nee AAKOÓ MUNGÚ, gimáy, inooín AAKOÓ MUNGÚ Aleesleemusmo ngu harhheehhe'eesiye', as xoslaadá' aa met baraá Doó AAKOÓ MUNGÚ, nee baraá doó waawutmoó Yuda, nee baraá gixsár Yerusalemu, makawa ar tláy ay yaamaá Babuloni.

ESEKIELI 12:15

«Qoomár bira diyaá/ baraá tla/ángw xoordaá hatlá', nee yaamaá saaw, an didá' aníng iwa tsaahhiya' adór tar AAKOÓ MUNGÚ.

ESEKIELI 14:14

tam geera Noa, nee Danieli, nee Yobu in baraá yaamuuká' i diri'iia, inooín mukwí /iisaro ngu aleeslay'aaká, aqo har slafingw'ín ngun ba/amisiyá', as gan'amuuín kudá' i koná'. Anuú Aakoó MUNGÚ tí aga oó'.

ESEKIELI 14:16

Tam geera mukwí tám bar in deero baraá yaamuukae, lo'o an /aáy ar umuueé', anuú AAKOÓ MUNGÚ, tam na/ii'ínaá kilá' /iisaro ngi aleeslay'aaká, tam na/oó garma laqaá oo dasi, aqo har inooín kilooín kin ba/amis, ala yaamuudá' aqo in deewaaiyá' adór panmo.

ESEKIELI 14:17

«Barnaxes aníng slaqwara an iimu/uuma dír yaamuukae ar muu nee makaywo kiwa hhaamisi.

ESEKIELI 14:19

«Laqaá barnaxes pu/i ngin huwa gawaá daanduú yaamuuká', nee buhhtaaeene muu nee makaywo ngiri tsuú/,