ESEKIELI 14:15 - Biblía Axweesantá Hhohho' ar Mungú 2004

¹⁵ «Barnaxes makaá sla/a awa xaraaslá' in ya/aawa muu nguwa /ayiya', na/ii'ín ngiri hayohiyá', yaamu niri deewaaiyá', nee heé waarahhamuú baraá yaamuudá' gu qiítl tumu wák iri kaahh as makaydá' xaraaslá'.

ESEKIELI 14:15 Iomraidhean Croise

1 WAAWITÁ 20:36

Inós guri báy, «Asma kuúng afór AAKOÓ MUNGÚ iialooeesaro kawa sí', hám daxta, bara diirí wa tleér, kuúng diraangw un oh.» Nee hamtidár kilae iwa didá' wa tláy, nee diraangw tari doogiyé', kuri óh.

2 WAAWITÁ 17:25

Qoomár mukduú geera iwa baraadá' i dáh, inooín AAKOÓ MUNGÚ ngwa haratlinti'i'iiká, gawaá adoorihe Mungú direeri giri ya/aáw, nee direeridá' muu bahh'ale nguri ohiné'.

ISAYA 51:19

Muruuwí tsár oo tlákw kiíng iga sláy, heé kiíng i gurtláw? Baraá hhitiru'uumaro nee qwanaywo, nee qwari nee tsu/utaaro Heé kiíng i gurkwa/ás a heemá?

YEREMIA 15:3

Anuú AAKOÓ MUNGÚ aga tsabiím mukwí nguwa hhaamiis ar muruuwí tsiyáhh: Inooín kin tsuu/ baraá slaqwara, bahh'alé seeaawe gin karslamís, kookaariya' kin /aay nee tsir/o, nee makaá sla/a, sleémeero kiri hhaamiis.

YEREMIA 9:10

Aníng an /aa/aá áw gawaá sagér tlom'i, nee an tsuunqumiís as qawtantá hikwa ar baraá darma, asma yaamu naa xaanxay tleehhitiyé', tam gár baraadár waaraahh i káhh. Baraadae afór hikwa a axaská nee ar tsir/ooro, nee ar makaá sla/to, asma sleémeero naa diyaa/atiyé'.»

ESEKIELI 14:21

«Ala anuú Aakoó MUNGÚ a kah, qoomár bar Yerusalemu aga slaáhh ar muruuwí tsiyáhh oo sakwasleemar'eé' tidá' ló'wa xaraasl, ngiri sakwasleemuút ar slaqwara nee qwari, nee makaá xaraaslá' nee tiqtír pu/i, as muu nee makaywo ngiwa hhaamiis baraakae.

ESEKIELI 5:17

Aníng kiíng u qwárkwí huúw, nee makaá xaraaslá' kudá' na/iiwók ngi /ayá', nee tiqtír pu/i, tsu/uta nee slaqwara in hardát as iwa hhaamiis. Anuú AAKOÓ MUNGÚ tí aga oó'.»

TLAHHOÓ LAÁWI 26:22

Nun makaá xaraaslá' i tleés awa na/iihúng ngi xampoamiisá', nee hikwaahúng ngiri /ayiyá' nee faarorhúng iri /aaruúr, nee lohduuhúng niri warqayá' tari adór xaanxaay.

FAARO 21:6

AAKOÓ MUNGÚ dayshér qarkú koom gari huúw baraá tla/ángw múkwí ale, múk yaariír oo Israeli kuri kikiíhh nee tari qaátl.