ESEKIELI 14:14 - Biblía Axweesantá Hhohho' ar Mungú 2004

¹⁴ tam geera Noa, nee Danieli, nee Yobu in baraá yaamuuká' i diri'iia, inooín mukwí /iisaro ngu aleeslay'aaká, aqo har slafingw'ín ngun ba/amisiyá', as gan'amuuín kudá' i koná'. Anuú Aakoó MUNGÚ tí aga oó'.

ESEKIELI 14:14 Iomraidhean Croise

IIMU/UUNGW 6:8

Ala AAKOÓ MUNGÚ Noa guna i qaytsiít ar gurtleemu.

IIMU/UUNGW 7:1

AAKOÓ MUNGÚ Noa guri báy, «Dáh baraá miringamií alé, kuúng nee múk do'oge, asma aga ár adór kuúng kilók tar gan'amuú koon dír geeraaeene baraá qartihe.

1 QOM'I 1:4

Lameki ina laqwaál Noa, Noa ina laqwaál daaqaay tám, a Shemu nee Hamu nee Yafet.

YOBU 1:1

Heeko i deer, oo baraá yaamaá Usi. Inós a heé hhoó', oo gan'amuú tlehhahhiít, heé Mungú ilaiwawaá/, nee oo tlakweemaá sla'aaká. Heewí umuuwós a Yobu.

YOBU 1:5

Alaá umuúqo deelór ur bira sa waaraáhh, Yobu na/iiwós gin ateet giri hhoohhooees. Matlaatlér boo/ deelór ur bira sa waaraáhh, in tláy ilahhooár da/a gan haniis as umuúqo na/aywós. Yobu gár adoorí ngis tlehhiiti in kaahi, «Wane na/iieé' Mungú ngwa tlakweemí tleehhiyé' nee baraá gur'er'ine ngwa /oosliné'.»

AXWEESANOÓ SAGALOOA 11:4

Daqaari'iima hee gu gaa wa bu'uká qoomár qwanaywo, Ala hotaá ganaa'á' hee ngu tu/iyá' dír gwa'araro.

YEREMIA 11:14

Gawaá adoorihe, kuúng Yeremía, mukwí mu aleefiriirimaar, nee mi alee/aa/amimaar, mi aleefiriimaar, asma aníng i iiárií qaasaaká, tam i ateetia qoomár slahh'amuuine.»

YEREMIA 15:1

Naagáy AAKOÓ MUNGÚ aníng iri báy, «Tam geera Mose nee Samueli i sihhitiia dír geeraaeé' as iwa firina', tam adoorihe aníng mukwí u baloó gurtlawaaká. Dir'eene amór saaw tay hiinges, diirihe ni quutliye'.

YEREMIA 7:16

Ala kuúng Yeremia, mukwí mu aleefirimaar, sleeme án mi i /aa/amimaar as inooín, nee mi aleefiririmaar, nee án mi harhheehhe'eemisaar as inooín, asma aníng kuúng u iiárií qaasaaká.

ESEKIELI 14:16

Tam geera mukwí tám bar in deero baraá yaamuukae, lo'o an /aáy ar umuueé', anuú AAKOÓ MUNGÚ, tam na/ii'ínaá kilá' /iisaro ngi aleeslay'aaká, tam na/oó garma laqaá oo dasi, aqo har inooín kilooín kin ba/amis, ala yaamuudá' aqo in deewaaiyá' adór panmo.

ESEKIELI 14:18

Mukwí tám geera bar in baraá yaamuuká' i dirii'i, looeemaawo tam na/oó wák baraá na/ii'ine ba/amiisaro ngu aleeslayká, tam na/oó garma laqaá oo dasi. Inooín aqo har slafingw'ín kilós tu/uto ngun aleeslayá'.

ESEKIELI 14:20

tam geeraawo barnaxes Noa, nee Danieli, nee Yobu in baraá yaamuukae, adór anuú Aakoó MUNGÚ nirqo hotaatina, ar ló', tam na/oó wák oo garma laqaá oo dasi oo ta ba/amiisi i kaahh. Aqo har inooín slafingw'ín kilós ngun /iisiyá', asma gan'amuuín kudá' ta kon.

ESEKIELI 16:18

Inqwaruú mardaádi una slaqsi'iidár uuntsús, di/taeé' nee mooyangw'eé' kudá' kuri hanís dír slaqsi'iidá'.

ESEKIELI 16:20

«Slám daaqaywók nee dasuwók kudá' naa aníng i laqwál ina hanís tawa ilahhooár muruú ta tsu/i dír slaqsi'iiwók kudá'. Xáy ka xu', sli'imaarók tí aqo gár waaqa'atíta?

ESEKIELI 18:20

Heé tlakweema gaa tleehh an heé gwaá'. Na/aay tlakweemaá baabuúwós ngu gaasiaaká, laqaá baabá tlakweemaá na/aywós ngu gaasiaaká. Gan'amuú heé ganaá', heé i gaa wa bui aqo har inósuú kilá'. Heé tlaákw aqo inósuú kilá', inós tlakweemaawós gin gagaar.

ESEKIELI 28:3

Áx gimáy, baré ka xu' kuúng Danieli u bá/ sagalooaro, kuúng ka xu' naaqór ta xu'uká i káhh.

ESEKIELI 3:19

Ala kuúng barnaxes heewuú tlakusmo ugwa naanáq, nee tlakweemawós gaa mayká, laqaá loohirós tí tlaakw gaa mayká, heewí i baraá tlakweemawós i gwaa', ala kuúng slafiingók ugwa ba/amís.

DANIELI 1:6

Baraá daaqaywihe baraakarka a ín Danieli nee Hanania nee Mishaeli nee Asariya awa tlahhoó Yuda.

DANIELI 10:11

«Irí báy, ‹Daniéli, kuúngudá' ta sla'aa'an nee Mungú, sihhtanoro galala'aát axweesantí ni kah, iiárií qaaseek ló'wa alé, asma aníng taa amoorók i ya/aáw.› Qoomár iwa axweesantí babay aníng ana sihhiít a hara kitlkiítl.

DANIELI 9:21

heedaádá' ta bay Gabrieli, kudá' aáng naa geerií ár baraá iigu'utuwo, niri gaanslár /eét ay didá' aníng nay dirii'. Qoomaadá' an qoomár ilahhooár muruú ta tsu/i ar tsiindo kawa hanmaamisi.

DANIELI 9:23

Qoomár firo kawa iimu/uún, Mungú mu/aywatsa ngina haniís, aníng nina hardáh as mu/aywatsa ngiwa huuw, asma kuúng tu ló'wa slaa'. Gawaá adoorihe mu/aywatsatadá' iiarí qaaseek nee gár iigu'utudá' ka tsáhh.

Ebrania 11:7

Noa a heé haratlintaaór koóm. Inós kuna gurbuú' nee Mungú daanduú muruú hardáh oo geetlaákw qoomaadae. Adoodá' Mungú aa oó' gari ilaiwawaá/, miringamo guri tleéhh as múk do'ós nguwa ba/amisi. Múk aa haratlintii'iiká kuna sakwasleemuút as haratlintaaoorós. Inós gan'amu guri sláy as haratlintaaoorós.

2 Petro 2:9

Tí ga laqaqaán adór Mungú múk gu ilaiwawaá/ ngur aleesláy ba/amisaro baraá iiara'aduwo. Slám ga aleesláy múk tlákw nguwa baraá tseegamór i ilaa/i, ay dír sakwasleema ngay slaya' bál deelór sakwasleemaro,