ESEKIELI 14:13 - Biblía Axweesantá Hhohho' ar Mungú 2004

¹³ «Heewí, barnaxes xoororka tlakweema gaa tléhh as inkihhimu wasle dir'eene, aníng dakw'eé' nguri tleés gawaaín i aleeró, as ngiwa sakwasleemuut. Muruú /aymar'ín kudá' na amohhe'esiyé' un hhaamiís nee ngiri giyeédií huúw. Muu nee makay'ine ngiri tsuú/,

ESEKIELI 14:13 Iomraidhean Croise

IIMU/UUNGW 6:7

AAKOÓ MUNGÚ iri oó', «Mukdá' naa tleéhh u fiíts baraá yaamuwo, hee tam nee makaywo, nee muruú gur'eér hi'iimiít nee tsir/ór gáwtí tlatlaawa a fiíts sleeme. Asma muruuwí sleémeero naa tleéhh, aníng iga gurhaamír i qaás. Masók una tleehhiiká.»

ESRA 9:6

Niri oó', «Aá Munguúeé', án aga amooqwaár, a muruumiít gitse/aaeé' ngiwa amoorók i tlees, Munguúeé', asma tlakweemaarén ki yaariir nay hardihiyé' gawaá sageerén, tlakweemaarén nina dooginé' nay hardihiyé' gawaá doori.

ISAYA 24:20

Yaamu i ta/amiitiyá' adór heé aa ooniit, yaamu i taa/aná' adór islaangw, asma kaa al'iilooúy nee huwár tlakweemaaín. Inooín i huuiyá' sleeme i baloó sihhitiaaká.

ISAYA 3:1

Ga/aawaak Aako, AAKOÓ MUNGÚ Aleesleemusmo, baraá Yerusalemu nee Yudawo nu harahhifo hingees, nee haraxu'utír muruú /aymaro, nee ar muruú wahaangw sleémeero.

YEREMIA 32:43

Qamu kin tlaaxw baraá yaamuuká' kuúng tawa kat, ‹Yaamaá dewa'ame, múk gi hoót laqaá makaá ngi hootá' i kahhiyá', nee kaa haniís baraá dabaá múk Kaldayo.›

YEREMIA 36:29

Nee daanduú waawutmo Yehoyakimu waawutmoó Yudawo ta o', anuú AAKOÓ MUNGÚ a kah, kuúng kitaábuudá' una dá/, a didií kat, ahaá waáy gár kángw waawutmoó Babuloni ngusa gooín, iwa kaahi, ‹Yaamuuká' gi hhitín, muu nee makaywo giri hhaamiis.›

YEREMIA 52:6

Bál slahhángw tsiyáhh tawa gwaleél, qwari ina ló'wa tsimaamiíhh baraá gixsaro, asma muruú /aymár mukós i /ayi iwa faák.

YEREMIA 7:20

Gawaá adoorihe anuú Aakoó MUNGÚ a kah, «Buhhtaawo aníng an daa/atúw dír yaamuuká' gawaá muu nee makaay, nee xaa'aá baraá qamu, nee balángw baraá yaamu. Sleémeero asltá ta baloó gaasiiká gin al'ót.»

WA/AA/I 1:20

«Aá AAKOÓ MUNGÚ, ga/aaweek, adór aníng nir baraá slahh'amuú i dirií', guruueé' /ur/uri gwa eér, muuná i ló'wa amoqwaqwadín, asma aga ló'wa dee/aanuút. Baraá lohduuwo muu ku tsuu/, baraá do'o muu i qaatl.

WA/AA/I 1:8

Gixsár Yerusalemu tlakweemaá ur gaa tléhh, gawaá adoorihe iri slasla/aruúr. Mukdá' geeraawo gaa ilaiwawaa/ gaa waaqaá', as ngiwa /aankwets ariyé', tam adoorihe inós i baraá /ifo iri alií warqeér.

ESEKIELI 14:12

Axweesantá AAKOÓ MUNGÚ ana axaás, i kat,

ESEKIELI 14:17

«Barnaxes aníng slaqwara an iimu/uuma dír yaamuukae ar muu nee makaywo kiwa hhaamisi.

ESEKIELI 14:19

«Laqaá barnaxes pu/i ngin huwa gawaá daanduú yaamuuká', nee buhhtaaeene muu nee makaywo ngiri tsuú/,

ESEKIELI 14:21

«Ala anuú Aakoó MUNGÚ a kah, qoomár bar Yerusalemu aga slaáhh ar muruuwí tsiyáhh oo sakwasleemar'eé' tidá' ló'wa xaraasl, ngiri sakwasleemuút ar slaqwara nee qwari, nee makaá xaraaslá' nee tiqtír pu/i, as muu nee makaywo ngiwa hhaamiis baraakae.

ESEKIELI 15:8

Inooín dir'eene inkihhimu nguwa dakuusiyé', daxta yaamuuín in deewaameérií huúw. Anuú Aakoó MUNGÚ tí aga oó'.› »

ESEKIELI 20:27

«Hám daxta heewí, múk Israeli baweek, aníng Aakoó MUNGÚ a kah, ‹Baabi'iihúng ina /oosliisliné', asma nina iiawasleesiyé' dir'eene.›

ESEKIELI 25:13

Gawaá adoorihe, anuú Aakoó MUNGÚ a kah, Aníng dakw'eé' u tleés gawaá múk Edomu, nee muu sleémeero nee makaywo ngiri tsuú/. Yaamuuín i deewa'atís iimír gixsár Temani ay gixsár Dedani, muu ku hhaamiis ar paánga.

ESEKIELI 4:16

Iri malé báy, «Heewí, ga/aaweek, aníng muruú /aymár baraá gixsár Yerusalemu u hayóh, yaamuloouuser'ín gár i /ak a muruú /aymár ta qoomeemesi ar dae, ma'aá wahaangw a kudá' ta qoomeemesi ar xure.

ESEKIELI 5:16

Qoomaadae maheerieé' kudá' ngwatsayen awa qwari ngin tlaquút as iwa slaya', yaamuloouuseerók ngari hhaamisiyá'. In tsuú/ ar qwari, asma balangw'ín kudá' naa batsiyé' un hhitiím.

ESEKIELI 6:14

Aníng dakw'eé' u tleés gawaaíní aleeró, nee yaamuuín i hhitiím ngiri taangu tleéhh, iimír amór xaanxoó bihhaá basa ay gixsár Ribla bihhaá /iiko, yaamuuín i taangu tleéhh as dír hota mingiwa slayé'. Inooín sleémeero ngiri tsaahhiyá' adór aníng tar AAKOÓ MUNGÚ.»

ESEKIELI 9:9

Inós iri báy, «Tlakweemaá múk Israeli, nee awa múk Yuda, ki ur ló'wa aleeró. Daanduú yaamu aa haáts tseerdaá muko, nee baraá gixsaro heé gan'amuú tlehhiít i kaahh. Asma ta kaahi, ‹AAKOÓ MUNGÚ yaamu gaa máy, AAKOÓ MUNGÚ i xumisiiká.›

DANIELI 9:5

«Tlakweema iga tleehhaán nee aga dakusaán, muruú tlákw ugwa tleehhaán nee aga dee/anutaán. Hara'ayaarók nee dabeeroge aga siaán.

TLAHHOÓ LAÁWI 26:26

Muruú /aymarhúng un /aareés, tam /ameenár mibaangw tla/afír wák gan wa huuriín, nun i qasmiisiyá' ar qoomaay. Tam alaá /aymaro kuungá' aqo qwaritá'.