ESEKIELI 14:11 - Biblía Axweesantá Hhohho' ar Mungú 2004

¹¹ Adoorí an tleéhh as múk Israeli miwa malé geexáy, tari kilooín slasla/aresiyá' ar tlakweemaaín kiwa tleehhi, as inooín tawa muk'eé' nee aníng tawa Munguúín. Anuú Aakoó MUNGÚ tí aga oó'.»

ESEKIELI 14:11 Iomraidhean Croise

IIMU/UUNGW 17:7

«Alqador'eé' an gawdeés tla/ángw án nee kuunge, nee xwaylarók nee xwaylár na/aá na/iiwók nee xwaylar'ín, as tawa alqadór alhhe'eesay wasle, adór aníng tar Mungú diroge nee dír xwaylarók ar kumiit aluuwoge.

WARA'AMI 119:67

Qoomár iwa muxiká ana dee/aanuút, ala daxta axweesantók a iiárií qamiím.

ISAYA 9:16

Mukdá' mukwí gwa intsaahhatimis, nguna hhitiné', tam kudá' taa geeraharahaár nee inooín sleeme tari qwaár.

YEREMIA 11:4

Tidá' naa hara'ayiím dír baabi'iihúng qoomár ngiwa duúx baraá yaamaá Misrír wa alé, baraá asltá muqsla weeqatamiis. Inooín ina báw, afor'eé' iiárií qamimaak, nee tidá' sleémeero naa hara'ayiím tleehhaak. Kuungá' daqaní tari muk'eé', aníng tari Munguúhúng.› »

YEREMIA 23:15

Gawaá adoorihe, anuú AAKOÓ MUNGÚ Aleesleemusmo daanduú aaruusér Yerusalemuro a kah, «Ga/aawaak, aníng in /aymiís ar xa'anoó qarqaár, ngiri wahaás ar ma'aá qarkú koomá'. Asma aaruusér Yerusalemu Mungú ilaiwa/ameero nguna geerií mayé', tleehhmuuwí iri tsiyaayaxaát baraá yaamuwo.»

YEREMIA 24:7

Aníng in tsaahhárí haniís adór aníng tar AAKOÓ MUNGÚ. Inooín tari muk'eé', aníng tari Munguúín, asma inooín nin amor'eéní ki/iyá' ar muner'ín sleémeero.›

YEREMIA 31:33

Alaá deeloorihe alqadoorí an oó' dír múk Israeli, aníng daber'eé' an baraaínií qaás, nee an gooiím baraá muner'ín, aníng tari Munguúín nee inooín tari muk'eé'. Anuú AAKOÓ MUNGÚ tí ngina káh.

YEREMIA 32:38

Inooín tari muk'eé', nee aníng tari Munguúín.

YEREMIA 50:6

«Muk'eé' a adór bee/ángw aa qwaar, kin qwaareemiis nee de'eemuuser'ín, kina gan'aás gawaá tlom'i, nin gawaá tloomarí wa tláy ay gawaá gongoamooqá', inooín slumtaín ngiri gunqareesiyé'.

ESEKIELI 14:10

Aarusmoowí aníng u sakwasleemuút dinkwa nee heedaádá' kangw'eé' ngwa yaahasár ayi, sleémeero in dinkwaárií sakwasleemuút ar sakwasleemár wák.

ESEKIELI 14:12

Axweesantá AAKOÓ MUNGÚ ana axaás, i kat,

ESEKIELI 37:23

Inooín tin male slasla/aresiaaká ar slaqsi'iidaá mungui, nee muruudá' aníng i buhhtamís, laqaá tlakweemaaín. Aníng i ba/amís as tawa malé dee/anutiiká. Inooín tari muk'eé' nee aníng tari MUNGUÚÍN.

ESEKIELI 37:27

Niri hoót tla/angw'ín wa ale, aníng tari Munguúín nee inooín tari muk'eé'.

ESEKIELI 39:22

Múk Israeli gari tsaahh adór aníng tar AAKOÓ MUNGÚ, Munguúín, iimír baldá' ay aluudae.

ESEKIELI 44:10

«Ala múk Laáwi aníng iga geexáy, qoomár múk Israeli tiwa paraátl dir'eene as munguaá hatlá' ngiwa eehariyé', aníng múk Laáwi u muúx.

ESEKIELI 44:15

«Ala kaahamuusér Mungú ar tlahhoó Laáwi, kudaá xwaylár Sadoki, kudá' gadiyeé nga alkone' dir'eé' tidá' hhoohhooe, qoomár múk Israeli aníng iwa geexáy, kuká' an kudá' aníng i sagadiyusá' nee geeraaeé' hardáh as di/i nee tseere ngiwa haniisiya'. Anuú Aakoó MUNGÚ tí aga oó'.

ESEKIELI 48:11

Baraá yaamuuká' hhoohhooe kaahamuusér Mungú, tidár Sadoki, dir'ín ngi slaye', kudá' aníng iga sagadiyusiye' ar inkihhimu qoomár múk Iraeli iwa dee/anuút, adoodá' sleeme múk tlahhoó Laáwi aa tleéhh.

SEKARIA 13:9

Aníng daqtadár tám ngiri waarahhaás ar baraá asla, aníng in kwahhuút ngiri hhohhoeés adór peésa kar kwahhuumaamiti, aníng i iiár adór sahaábu kur iiara'ari. Umuueé' nguri ateetiyá', án ngiri axaás, aníng niri oo', ‹Mukwí an kwe'eé'› Inooín niri ooiya' ‹AAKOÓ MUNGÚ an Munguúrén.› Anuú AAKOÓ MUNGÚ tí ngina oó'.»

DABE 13:11

Gawaá adoorihe, múk Israeli sleémeero kaangwí guri axaas, tari da'ayuut, nee tlakweemaá adór kuká' tleehharo tari baloó ki/iiká.

DABE 19:20

Múk hatlá' adoorí birnga axaás tari da'ayuut, nee tlakweemaá adór kuká' kiri male tleehhiiká tla/angwhunge.

Ebrania 11:16

Ala a yaamuudaeeká. Ala yaamaá inooín ta leelehhiiti an yaamuudá' ak hhoo', an doori. Gawaá adoorihe Mungú i murumiitiiká kuwa babay a Munguúín. Asma inós gixsár inooín ta hooti gaa tleéhh.

Ebrania 8:10

Aako i malé kaahi. Hám daxta, alqadoorí an tidá' ni tleehh nee múk Israeli alaá deeloodá' sleémeerowo iwa kaahi. Aníng hara'ayar'eé' an qaás baraá inslaway'ín, nee ngiri gooiím baraá muner'ín. Slám aníng tari Munguúín nee inooín tari muk'eé'.

2 Petro 2:15

Inooín loohidá' ganaa' kaa geexáy, tari qwaár. Asma loohír Bala'amu kana eehár, garmoó Beori. Inós gár ganaa'aaká gana tleéhh as peésa ngiwa slay.

Geehhoeemaá 21:7

Heé arba/ati ga sláw, inós muruuwí sleémeero gu aal. Daqaní aníng tari Munguúwós nee inós tari garmaaeé'.