ESEKIELI 14:10 - Biblía Axweesantá Hhohho' ar Mungú 2004

¹⁰ Aarusmoowí aníng u sakwasleemuút dinkwa nee heedaádá' kangw'eé' ngwa yaahasár ayi, sleémeero in dinkwaárií sakwasleemuút ar sakwasleemár wák.

ESEKIELI 14:10 Iomraidhean Croise

IIMU/UUNGW 4:13

Kaini AAKOÓ MUNGÚ guri báy, «Slahh'amuueé' ku ló'wa úr, tam sa qitluuwo u aleeslawaaká.

YEREMIA 14:15

Gawaá adoorihe, anuú AAKOÓ MUNGÚ kuúng un babaw, ‹Aaruuseedá' aníng naa ya/aawiiká, tidá' aa tawó axwes ar umuueé', ar kah, slaqwara nee giyeé ni baloó baraá yaamuukií hardihiaaká. Aníng inooín in hhaamiís ar slaqwara nee giyeé.

ESEKIELI 14:11

Adoorí an tleéhh as múk Israeli miwa malé geexáy, tari kilooín slasla/aresiyá' ar tlakweemaaín kiwa tleehhi, as inooín tawa muk'eé' nee aníng tawa Munguúín. Anuú Aakoó MUNGÚ tí aga oó'.»

ESEKIELI 14:4

«Inooín baweek, anuú Aakoó MUNGÚ a kah, Heé baraá tla/ángw múk Israeliwo oo muunaáwós ta hatsís nee slaqsa'aá munguaá hatlá', nee gari ló'wa ya/án kuwa gan'amisi nee munguiiká tleehhmaá' tlákw ngiwa tleehhi, aluuwo tari daqáy dír aarusmo as iwa hara'ayár leehhiya', anuú AAKOÓ MUNGÚ in mu/aywaáts, ar mu/aywatstá qoom tam dír slaqsi'ii'ín kudá' yaariire.

ESEKIELI 14:9

«Nee barnaxes aarusmoosíng kwa al/aáy gaa gari oó', daqaní anuú AAKOÓ MUNGÚ ugwa al/aáy. Aníng dakw'eene aarusmoowí un hingeés dír muk'eé' oo Israeliwo.

ESEKIELI 23:49

Nee inooín kin sakwasleemuut as tsaatu'uumar'ín nee tlakweemaaín kudaá munguaá hatlá' kiwa sluufmiís. Inooín kari tsaahh adór aníng tar Aakoó MUNGÚ.»

HOSEA 9:7

Deelór nuwa muux naa xeér. Deelór li/aay nguwa buu' naa hardát. Múk Israeli gari xuxuu' qoomaadae, kuungásingá' kaahá', ‹Aarusmo a daktani! Heé ta geeraharahari nee qeeruú Mungú a slarhhamá!› Adoorí an katá' asma tlakweemaahúng naa tlahhiyé' nee aahhirhúng ar tlakw aa tláhh sleeme daanduueene.

MIKA 7:9

Aníng tlakweema ina tleéhh. Gawaá adoorihe buhhtaá AAKOÓ MUNGÚ in saqiqtliím ala alé ay dír i aleekalaa/i. Inós sakwasleemar'eé' gan tleehh aluuwo, as hariímar'eé' ngiwa slaw. Aníng i tsee/á i duux amór gwa/aateema, adór inós ira ba/amís ngay ár.

FAARO 5:31

Hhawaatuwós dakuúsár i kon i káhh tam ar niiná, ala /ameeni /atloowós gin tlú' as dakuúsarós.»

Galatia 6:5

Asma umuúqo heewo gár kuwa hariím aqo huwaarós gan kilós gagaar.