ESEKIELI 13:9 - Biblía Axweesantá Hhohho' ar Mungú 2004

⁹ Aníng kuungá' nu alwarqáw muxtaaro, kuungaákaá aaruusér iigu'utuú lamtá ara'ará', nee aarír kudá' al/aymár kaahá'. Kuungá' a burumburita'aaká dír dinku'uumár muk'eene, laqaá tundu harafariiká baraá múk Israeliwo, laqaá sleeme a dat'aaká baraá yaamaá Israeli. Daqaní adoorihe kuungá' a tsahhá' adór aníng tar Aakoó MUNGÚ.

ESEKIELI 13:9 Iomraidhean Croise

1 WAAWITÁ 13:18

Aakooduú Beteli iri oó', «Aníng a aarusmo adór kuúng wa alé, AAKOÓ MUNGÚ nee aníng aga axweesaán ar loohír malaykamoowós ina báy, ‹Heesíng ki/isang amór do'ók, muruú /ayma ngu /ayi nee ma'aay ngi wahi.› » Ala aakoodá' heedaáduú AAKOÓ MUNGÚ gun tawó al/agín.

ESRA 2:59

Múk ayeemooká' sleeme nina waátl: Oo Tel-mela, nee yaamaá Tel-harsha, nee yaamaá Kerubu nee Adani nee Imeri. Ala inooín taa ooi'iiká adór tar awa xwaylár Israeli.

NEHEMIA 7:62

Hhay Delaya, nee hhay Tobia, nee hhay Nekoda a tsiire lahhoó' nee mibeeri tsiyáhh nee tsár.

NEHEMIA 7:64

Kuká' faaror'ín ngina leeleehhiyé' baraá tla/ángw kudá' taa faari, ala kaa slayká, inooín kina harafaár tawa múk ta harmeetin.

WARA'AMI 101:7

Heé lamusmo i baraá dooeé' wa hootiiká. Heé hhaahhafusmo i sihhitiiká dir'eene.

WARA'AMI 69:28

Xaa fiitseek baraá kitaábuú slafiingo, tam mikiwa gooín dinkwa nee múk hota ganaá'.

WARA'AMI 69:5

Mungú, kuúng daktu'uumar'eé' a xú', tam tlakweemaaeé' kaa lu/iiká diroge.

WARA'AMI 87:6

AAKOÓ MUNGÚ gi faar, qoomár bar xoordu ngi gooín iri ooi, «Kwí kuna baraadá' i laqwaál.»

WARA'AMI 95:11

Gawaá adoorihe aníng nari buúhh, lo'o ngari /aáy nari oó', «Mukwí i dahiiaaká baraá amohhooar'eéni ale.»

ISAYA 4:3

Slám panaydá' aa Siyónírí meet nee kudá' taa geexáy baraá Yerusalemu, kin bay, «Múk hhohhó' oo Mungú.» Kuká' an kudá' taa gooín baraá kitaábuuwós tawa múk baraá Yerusalemúr wa hoót.

YEREMIA 14:15

Gawaá adoorihe, anuú AAKOÓ MUNGÚ kuúng un babaw, ‹Aaruuseedá' aníng naa ya/aawiiká, tidá' aa tawó axwes ar umuueé', ar kah, slaqwara nee giyeé ni baloó baraá yaamuukií hardihiaaká. Aníng inooín in hhaamiís ar slaqwara nee giyeé.

YEREMIA 17:13

AAKOÓ MUNGÚ kuúng a harahhifór múk Israeli, kudá' kuúng ugwa si'iye' sleémeero ki mureekees. Kudá' kuúng ugwa geexaye' a adór umér taa gooín baraá hhape. Asma kuúnguú AAKOÓ MUNGÚ una si'iyé', kuduú kutltá ma'aá slafiingw.

YEREMIA 23:20

AAKOÓ MUNGÚ buhhtaawo i baloó alií ki/iiká, ay dír tidá' aa slaá' tleehharo baraá muunaáwose ngay boo/eesi. Deelór ni hi'iita tí kuungá' a tsaahha hhe'eesá'.

YEREMIA 4:9

AAKOÓ MUNGÚ i kaahi, «Baalaadae pihh'uumár waawitá nee ar geeraharuuse in fák, nee kaahamuuse iri mafá', nee aaruuse iri da'ayút.»

ESEKIELI 11:10

Kuungá' tundu tsuu/ ar paánga, aníng kuungá' nu sakwasleemuút dír digimuú múk Israelír wa alé. Qoomaarí an qoomár kuungá' kawa tsahha' adór aníng tar AAKOÓ MUNGÚ.

ESEKIELI 12:20

Gixsadaá múk koomá' ki hhaamiis, yaamu niri deewaaiyá'. Kuungá' ka tsahhá' adór aníng tar AAKOÓ MUNGÚ.»

ESEKIELI 13:14

Koo/irí kuungá' taa /awakeesé' a amór saáw i daáhh nee maparirós iri geehhoouúr. Koo/irí bira hú', kuungá' nuri alqát tari hhaandá'. Daqaní adoorihe kuungá' a tsahhá' aníng adór tar AAKOÓ MUNGÚ.›

ESEKIELI 13:23

Daxta kuungá' iigu'utuú al/ayma u malé aanda'aaká, laqaá a malé aariinda'aaká. Aníng muk'eé' u ba/amís gawaá dabaahunge. Daqaní kuungá' a tsahhá' adór aníng tár AAKOÓ MUNGÚ.»

ESEKIELI 20:38

Múk aa dee/anumiit nee kudá' aníng i sadakumiís u hingeés baraá tla/angwhunge, i hingeés baraá yaamuudá' i hootia, tari adór múk aa goow, ala i dahiaaká baraá yaamaá múk Israeliwo. Diirí an didá' kawa tsahha' adór aníng tar AAKOÓ MUNGÚ.

DANIELI 12:1

«Qoomaarihe Mikaeli, malaykamoó úr kuduú xuumusmoó mukók ni hardah. Qoomaadae slahh'amuú ló'wa yaariír i iimu/ún baraá yaamuwo oo aa baloó deerutiiká iimír xoordu niwa iimu/uné'. Ala qoomaarihe baraá mukoge, mukdá' taa ume gooín baraá kitaábuú slafiingw ku ba/amis.

HOSEA 4:5

Kuúng dukuutsmo u tuu' qoomár tlaatla/aango, aarusmo dukuutsmo gu tuu' dinkwa nee kuúng qoomár xweeraawo, aníng aayorhúng a gaás.

HOSEA 9:3

Múk Israeli i baraá yaamaá AAKOÓ MUNGÚ i meetiiká. Ala tan kii/ baraá yaamaá Misri. Inooín nee múk Ashuru muruú /aymár ta waki kuri al/aay.

MIKA 3:5

AAKOÓ MUNGÚ i kaahi, «Aaruuse muk'eé' gu sadakumís, asma hee barnaxes ngwa gaárí haniís, gun bay, ‹Wayda u sleér,› ala hee bar gaa ngaa haniisiiká, gun i aarín iwa kaahi, ‹Slaqwara ga sláy.› »

MIKA 3:6

«Kuungá' aaruúse, daxta a xweera dirhunge as iigu'utu kuwa aanda'aaká. Slám tari giwti dirhunge, aari kari harslaaqatá'. Looarhúng i dát, nee tlaatla/aangw iri giiw dirhunge.»

Luka 10:20

Ala ma qwalaala/aara' as adoodá' neetlaame nuwa ilaiwaawa/. Ala na qwalaala/é' as umerhúng kawa gooín gawaá dooriiwo.»

Filipi 4:3

Nee kuúng sleeme, sla'aarusmooeé' oo sagadiyusmo dinkwa nee aníng, án kuúng u firiím, /ameenaasíng alee/iiseek. Asma inooín Ya/abtór hho' ngina sa slaqwiyé' nee aníng, nee Klementiwo, dinkwa nee kudá' hatlá' awa gadiyeé ngaa tleehhiye' nee aníng. Inooín umer'ín kaa gooín baraá kitaábuú slafiingw.

Ebrania 12:23

Kuungá' dír tay dir'a' a baraá boo/oó mukdá' qwal/uú koóm, dinkwaadár na/aá Mungú, kudaá baris umer'ín taa gooín gawaá doori. Kuungá' dír tawa sihhimita' a dír geeraá Mungú, kuduú sakwasleemusmoó muu sleémeero, nee dír geeraá qeereemaá mukdá' ganaá', kudá' taa hhoohhooeés.

Geehhoeemaá 13:8

Muu sleémeero oo baraá yaamuú wa hoót makiito'oodá' ka i tumbarara'aat, kudá' umer'ín taa gooiniká baraá kitaábuuduú slafiingw iimír iimu/úngw yaamuwo. Kitaábuuwí oo slafiingw oo Deelmoó bee/i, kudá' taa gaás.

Geehhoeemaá 19:20

Makiito'oodá' kari óh dinkwa nee aarusmooduú lama. Aarusmoowí a kudá' tlehhema'aá waa/oo/amo gaa tlehhiit geeraá makiito'oodá' wa ale. Nee slám inós muu guna al/agín ar tlehhemi'iiwós kudá'. Múk taa al/aáy a kudá' layár makiito'o gaa ilaoh nee oo murslaaqatuú makiito'oodá' gwa i tumbarara'aat. Kuká' tsaraawo kiri slafi kwaáhh baraá tlawtadá' asla iwa ohahiin ar kiberiíti.

Geehhoeemaá 20:12

Múk aa qaatl nguri ár, oo urén nee oo ninakwe. Inooín taa sihhiít dír geeraá kitangwduú aleesleemu. Nee didaádae kitaabi'i kiri gweér. Kitaábuú hatlá' sleeme kuri gweér. Kitaábuuwí an kitaábuú Slafiingw. Nee mukdá' aa qaatl kuri sakwasleemuút ar har qoomoó tlehhemi'ii'ín ar adoodá' kara gooín baraá kitaabi'iidií alé.

Geehhoeemaá 20:15

Nee umuúqo heewo oo umuuwós taa gooiniká baraá kitaábuuduú slafiingo, kuri kwaáhh baraá tlawtadá' asla iwa ohahiin.