ESEKIELI 13:6 - Biblía Axweesantá Hhohho' ar Mungú 2004

⁶ Iigu'utuuín a lamtá tawo, nee inooín gár i aariirina' a al/aymár tawo. Inooín ngiwa xuiya' in axweesiyá' kitángw anuú AAKOÓ MUNGÚ wa aleeró, ala aníng ngaa ya/aawiiká, slamí inooín ngi xuiya' aníng tidá' i aariirina' a boo/eés.

ESEKIELI 13:6 Iomraidhean Croise

1 WAAWITÁ 22:12

Tam aaruusedár hatlá' adoorí gari aaru'uumár wa dúx, tawa kaahi, «Tláw, haraatláw Ramot-gileadi, AAKOÓ MUNGÚ u baalírí haniis.»

1 WAAWITÁ 22:15

Naagáy Mikaya iwa hardáh dír geeraá waawutmo, waawutmo guri yaahaás, «Xáy, Mikáya, a slaqwarár awaána amorqár Ramot-Gileadi laqaá daqawanaaká?» Inós iri oó', «Tláw slaqwara aweek, asma AAKOÓ MUNGÚ ngi gawaá dabaawók i qaas.»

1 WAAWITÁ 22:27

Muu ku beer, ‹Heewí dahaasaak baraá doó tseegamoórí alé nee ku muruú /aymár niina i hanisá' nee ma'aay ay dír aníng nay waatl baraá slaqwaraaro ar wayda.› »

1 WAAWITÁ 22:37

Waawutmo Ahabu iwa gwaá', tuuarós kana gagaár ay yaamaá Samaria kay amoodá' i foól.

1 WAAWITÁ 22:6

Ahabu aaruuse gari burumbuúr, aaruusér tsiire tsiiyáhh, gari yaahaás, «Xaysé' aníng a haraatláwa Ramot-gileadi, laqaá daqawká?» Inooín tari oó', «Haraatláw, AAKOÓ MUNGÚ kuúng u baalírí haniis.»

AXWEESANOÓ SAGALOOA 14:15

Heé iimibó/ umuú gaaro gan haratlintaatii' Xuaa wasle i /o/ooda /aa/ák. Ala heé daharusmo daanqamis gun ar hoot.

YEREMIA 14:14

AAKOÓ MUNGÚ iri báy, «Aaruuseesíng i lamtá aaririín ar umuueé', ala aníng nga ya/aawiiká, aníng iga bawiiká adoosíng tleehhaak, laqaá aga axweesaniiká nee inooín. Iigu'utuudá' naa ariyé' i amor'eé' dahhiiká. Muruú naa aariné' a muruú tawo oo inslaway'ín.

YEREMIA 23:16

AAKOÓ MUNGÚ Aleesleemusmo i kaahi, «Axweesantá aaruusedá' kuungá' ma iiárií qamimara'. Inooín harahhifór lama ngi kaahiyá', gár i kaahiya' a tlataaín awa tawo, ala kangwdá' i amor'eé' dahhiiká.»

YEREMIA 28:1

Kurkuduú kilae, slahhángw kooán oo kurkú tsiyáhh oo waawuti'iimár Sedekia waawutmoó Yuda, Hanania garmoó Asuri, aarusmoó gixsár Gibeonír daáhh, ina dir'eé' axweés baraá Doó AAKOÓ MUNGÚ wa alé. Ina i axweés dír geeraá kaahamuusér Mungú wa ale, nee geeraá muu sleémeero, iri báy,

YEREMIA 28:15

Aluuwo aarusmo Yeremia aarusmo Hanania guri báy, «Hananía iia qaaseek, AAKOÓ MUNGÚ kuúng ugwa ya/aawiiká, kuúng mukwí un harahhifór lámtí qamiín.

YEREMIA 28:2

«AAKOÓ MUNGÚ Aleesleemusmo, Munguú Israeli i kaahi, ‹Taaqwantidár waawutmoó Babuloni aga geeqáw.

YEREMIA 29:31

«Ya/abtoorí huweek dír muu sleémeero kuduú baraá looháy dirií', Anuú AAKOÓ MUNGÚ daanduú Shemaya oo Nehelamuwo a kah, ‹Shemaya ina kilós aariirín aníng ngwa ya/aawiiká, nee kuungá' lamtós kari haratlintié'.›

YEREMIA 29:8

Anuú AAKOÓ MUNGÚ Aleesleemusmo, Munguú Israeli a káh, ‹Al/aymár aaruusedár lamuuse ma iiárií qamiimara', nee qwaslaareedá' tu/u/uum tam tlataaín kudá' mi ya/aamara'.

YEREMIA 37:19

Aaruuseerók tidá' ugwa i aaraariin i amá, tidá' ugwa baabeer, ‹Waawutmoó Babuloni kuúng u iharaatlayká laqaá yaamuuká'?›

YEREMIA 5:31

Aaruuse i lamtá aariiriín, kaahamuusér Mungú muu gun geeraharaahát ar sager'ín, slám muk'eé' adoodá' ga slaa'. Ala alhhe'eesoó tí birna xáy, adór ta /isa' a adoomá?

WA/AA/I 2:14

Aaruuserhúng gár daanduhunge aa aán, a iigu'utuú lama nee oo al/ayma. Tlakweemaahúng ngaa geehhoeesi'iiká, as kahhó' kiwa meera'. Ala aarír lama ngina kuungá' babayé', tidá' kuungá' nu qwaareemiis.

ESEKIELI 13:7

Xáy, aníng kuungá' nu yaahaás, iigu'utuú lamtá tawo ugwa kati'iikáhe, nee aarír al/ayma aga oiindí'iíke? Kuungá' a kata' an axwesá' ar umuueé', tam aníng kuungá' naa baloó ádbawiikahe.›

ESEKIELI 21:23

Ala múk Yerusalemu ngiwa xui aaru'uumarí ar lama, asma inooín lo'ór kilá' ngaa qaroó /ayé'. Tam nee tihe aaru'uumarí inooín gi qo inslawtís tlehhmi'ii'ín kudá' tlakwe, nee dukiirír inooín kiwa ohin gari dók.

ESEKIELI 21:29

Qoomár kuungá' tawa xaslite' baraá iigu'utuuhúng kuduú al/ayma nee aaru'uumarhúng tidár lama, paánga kaa amohhe'eés isaá múk aa dee/anuumiit tlaquuwo. Baala naa xeér ar tlakweemahúng kiwa sakwasleemuuti.

ESEKIELI 22:28

Aaruuser'ín i tlakweemaá lu/u/uún adór heé bohóngw baraá koo/i gu tipiím ar da/ara. Iigu'utuú lama ngun ara'ariyá', nee gár ta aariirin a al/aymár tawo, tawa kaahi, ‹Aakoó MUNGÚ i kaahi,› ala aníng gár ngaa báw iqo káhh.

SEKARIA 10:2

Asma munguaá hatlá' gár i axweesiya' a muruú tawo, nee qwaslaarér isaá ar'aa'ar gár aa aán lama. Iigu'utuuser'ín tlataá lama ngin alki/itiyá', nee gurkwa/asár al/ayma. Gawaá adoorihe, muu in tawo tonganuus adór bee/aangw, inooín i slahhahhaiyá' asma iwa de'eemusmoó kon'aaká.

Marko 13:6

Múk yaariír ni hardah oo ti umuueénár ateetiím, tawa kaahi, ‹Aníng a Kristo.› Nee inooín múk yaariír kuri al/aay.

2 Tesalonike 2:11

Gaarí an gár Mungú inooín ngisa ya/án kiwa qwaareesi, asma inooín lama kana haratlintií' hariímár looeemaá wa ale.

2 Petro 2:18

Asma inooín axweesanoó urén kun kah oo gaa wásl. Nee ilatleerír slaqwa kan ar gadiyuus as múk aa sangw haratlintii' kuwa al/ayi, mukdá' baraá tla/ángw tlakuuse ngaa sangw geexay.