ESEKIELI 13:20 - Biblía Axweesantá Hhohho' ar Mungú 2004

²⁰ «Gawaá adoorihe, gimsé' anuú Aakoó MUNGÚ a kah, Aníng hirísayhúng kudá' taa tsegaagité' gawaá muu, ugwa hingeés gawaá dabaahunge, nee muk'eé' kudá' ta gigidiinda' i gweerimiit adór tsir/ór wa aleeró.

ESEKIELI 13:20 Iomraidhean Croise

ESEKIELI 13:18

tawa kat, «Aakoó MUNGÚ i kaahi, ‹Tsaxwaahúng kuungá' awa /ameena, kudá' hirísír hiriitá' nee kay dahamisá' baraá dabér muu, nee kuungaáká' sheélár taa hirísáy hirité' ar umuú adooro as muu kuwa sage warqesa'. Xáy, kuungá' tawa slafíngw muk'eé' gigidiinda', kawa xuá' slafingwhúng u kiloohúng /isá'a?

ESEKIELI 13:19

Aníng kuungá' iga ló'wa /ooslisliindé' dír geeraá múk wa alé, as tsa/oó wák oo puuruú angaanoó shayiíri kuwa sleera' nee muruú /aymár niiná. Kuungá' múk tsu/utaro harimaaká una tsu/é', nee kudá' tsu/utaaro hariím una meeré' tsu/utaaro. Muk'eé' ugwa lameemaá babeeré', nee inooín lameemoohúng nga haratlinti'iyé'.›

ESEKIELI 13:21

Tlabaahúng kudaá sheéla i feehhamiís, nee muk'eé' nguri tuú/ gawaá dabaahúng wa alé. Inooín i ki/iiaaká adór muruú taa slakaát wa aleeró. Daqaní adoorihe kuungá' a tsahhá' adór aníng tar AAKOÓ MUNGÚ.