ESEKIELI 13:2 - Biblía Axweesantá Hhohho' ar Mungú 2004

² «Heewí, aaruusér lama ar múk Israeli iigahhaateek, tidá' inslawoó sager'ín kah, muruú aníng naa oiiká, kibeeto, ‹Gár anuú AAKOÓ MUNGÚ ni kah iiárií qaasaak.›

ESEKIELI 13:2 Iomraidhean Croise

1 WAAWITÁ 22:19

Mikaya iri oó', «Gimáy axweesantá AAKOÓ MUNGÚ iiárií qaaseek: AAKOÓ MUNGÚ ugwa ár aa iwiít gawaá kitaangós kuduú waawuti'iima, nee slaqwaruuse sleémeero ar gawaá doori aa sihhít bihhaawós, tooka bihhaá doó /iyáy tiqá' awa doó basáy.

ISAYA 1:10

Axweesantá AAKOÓ MUNGÚ iiárií qaasaak, kuungaá adór geeraharuusér Sodoma, intsaahhasár Munguúrén iiárií qaasaak, kuungaásingá' múk tlákw adór kuduú Gomora.

ISAYA 28:14

Gawaá adoorihe, kuungaásingá' niquuse, axweesantá AAKOÓ MUNGÚ iiárií qaasaak, kuungásingá' waawuti'ii'imá' baraá Yerusalemuro.

ISAYA 9:15

Sage an bariisér ilaiwa/amér koom, hhayshe an aaruuseedá' lamtá intsaahhatimisá'.

YEREMIA 23:2

Gawaá adoorihe, anuú AAKOÓ MUNGÚ, Munguú múk Israeli a kah, daanduú de'eemusedá' muk'eé' de'ema. «Kuungá' bee/angw'eé' ugwa tlatlahhasé' nee kuri gusisiindé', ala ugwa amohhe'eemisi'iiká. Ga/aawaak, aníng kuungá' nun muúx asma tlehhmi'iihúng kudá' tlakw.

YEREMIA 27:14

Axweesantá aaruusedá' kuúng u babaw, ‹Waawutmoó Babuloni mu sagadiyuusaar,› ma iiárií qaasaar, asma inooín u aarír lámtí kaahiyá'.

YEREMIA 27:18

Barnaxes inooín an aaruuse, nee kinga ya/aáw nee AAKOÓ MUNGÚ, gimáy, inooín AAKOÓ MUNGÚ Aleesleemusmo ngu harhheehhe'eesiye', as xoslaadá' aa met baraá Doó AAKOÓ MUNGÚ, nee baraá doó waawutmoó Yuda, nee baraá gixsár Yerusalemu, makawa ar tláy ay yaamaá Babuloni.

YEREMIA 37:19

Aaruuseerók tidá' ugwa i aaraariin i amá, tidá' ugwa baabeer, ‹Waawutmoó Babuloni kuúng u iharaatlayká laqaá yaamuuká'?›

YEREMIA 5:31

Aaruuse i lamtá aariiriín, kaahamuusér Mungú muu gun geeraharaahát ar sager'ín, slám muk'eé' adoodá' ga slaa'. Ala alhhe'eesoó tí birna xáy, adór ta /isa' a adoomá?

YEREMIA 8:10

Gawaá adoorihe, tlaaway'ín un múk hatlá' i haniís, qamuuín in múk hatlá' i haniís. Asma iimír na/ií wa tleemu ay múk urene, umuú heewo a slaasláwár hariimaaká gan iinuus, nee iimír aaruusér wa tleemu ay kaahamuusér Munguhe sleémeero a lamuuse.

WA/AA/I 4:13

Tí sleémeero ina tleehharút as tlakweemaá aaruuseerós nee dakuúsár kaahamuuseerós. Inooínaadá' múk hhó' ngwa tawo tsu/iye' baraá tla/ángw gixsa.

ESEKIELI 13:1

Axweesantá AAKOÓ MUNGÚ ana axaás, i kat,

ESEKIELI 13:17

Gimáy daxta, heewí, warqáw amór /ameenadá' aariiriim ar mukók, tidá' aariiriim daanduú inslaway'ine. Aariím daanduuine,

ESEKIELI 13:3

«Aníng Aakoó MUNGÚ a kah, ‹Tsaxwaahúng, kuungaásingaá aaruusér daktana, tidá' inslaway'ín nee iigu'utuuín eeharahar.

ESEKIELI 16:35

«Hám daxta kiíngasír tsaatuso'o, axweesante'eé' iiárií qaaseek, Anuú AAKOÓ MUNGÚ.

ESEKIELI 22:25

Geeraharuuserhúng in /orótl adór dirángw makiito'ór aa óh ga /aáy. Muu ngun tsu/iyá' daqaari'iimár muu ngin hayoohiná' nee muruudá' tlaxo gawdene'. Faarór /ameenár kwaeeli ngin dogiitiyá'.

ESEKIELI 22:28

Aaruuser'ín i tlakweemaá lu/u/uún adór heé bohóngw baraá koo/i gu tipiím ar da/ara. Iigu'utuú lama ngun ara'ariyá', nee gár ta aariirin a al/aymár tawo, tawa kaahi, ‹Aakoó MUNGÚ i kaahi,› ala aníng gár ngaa báw iqo káhh.

ESEKIELI 34:7

«Gawaá adoorihe kuungaásingaá de'eemuúse, axweesantá anuú AAKOÓ MUNGÚ iiaárií qaasaak.

ESEKIELI 34:9

Gimsé' kuungaasingaá de'eemuúse, axweesantá' anuú AAKOÓ MUNGÚ iiaárií qaasaak.

MIKA 3:11

Geeraharuuser'ín in waawuti'ii'iín as slukuma ngiwa slaya'. Kaahamuuser'ín an intsaahhatimís as bu'utu nguwa slaya', nee aaruuser'ín in aaririín as peésa ngiwa slaya'. Ala tam adoorihe AAKOÓ MUNGÚ ngun harahhifor'ín i qaminá', slám i kaahiya', «Ahaá, AAKOÓ MUNGÚ i káhhi tla/angwrene? Gár tlaakw ar atén ti aw i káhh.»

MIKA 3:6

«Kuungá' aaruúse, daxta a xweera dirhunge as iigu'utu kuwa aanda'aaká. Slám tari giwti dirhunge, aari kari harslaaqatá'. Looarhúng i dát, nee tlaatla/aangw iri giiw dirhunge.»

SEFANIA 3:4

Aaruuseerós a múk hasliitaaká nee a al/aymuuse. Kaahamuuseerós muruudá' hhohhó' oo Mungú ngwaa meetagaasiyé', dabér AAKOÓ MUNGÚ ngiri hhitiné'.