ESEKIELI 13:15 - Biblía Axweesantá Hhohho' ar Mungú 2004

¹⁵ «Buhhtaaeé' in faák gawaá daanduú koo/irí nee daanduú mukdá' gaa /awaakees. Kuungá' tunduri bay, koo/idá' i káhh, nee mukdá' sleeme gaa /awaakees i kaahh.

ESEKIELI 13:15 Iomraidhean Croise

NEHEMIA 4:3

Tobia heé xoorór Amoni kudá' aa bihhaawós i sihhiit sleeme iri oó', «Kár gár i tlehhiitiyá' a milá? Baré tam intsaangw koo/ir'ín tí birngi i tsa/ana aqo gan daahh!»

YOBU 13:4

Kuungá' lama an slikiindá' ar di/i, kuungá' sleémeero a qwaslaarér gaa wasl.

WARA'AMI 62:3

Ay xaylá hee ku /amaatsegaagita', kuungá' sleémeero kuwa dinkwaárií muxa', inós barqo adór baquú huuhu'uúm, laqaá koo/ír dingiim.

TI'INAANGW 2:3

Nee qoomár ngiwa tsáhh lu/u/uungo gu malé aleesleeraaká, lakwaanti gari tléhh ar duudáy, gari ninkiríts ar boohhayaangw. Na/aay guri baraá guruudií qás, aluuwo lakwaantidá' gari qás baraá gitsór afaá yaaér Nili.

ISAYA 30:13

gawaá adoorihe, tlakweemasingá' kuungá' nu qwaareesiyá', adór koo/ír gáwtí tleér ar aa tsatit, adór koo/ír aa tsatit iri yaamií hú' hamtidár kilae.

YEREMIA 14:15

Gawaá adoorihe, anuú AAKOÓ MUNGÚ kuúng un babaw, ‹Aaruuseedá' aníng naa ya/aawiiká, tidá' aa tawó axwes ar umuueé', ar kah, slaqwara nee giyeé ni baloó baraá yaamuukií hardihiaaká. Aníng inooín in hhaamiís ar slaqwara nee giyeé.

ESEKIELI 13:14

Koo/irí kuungá' taa /awakeesé' a amór saáw i daáhh nee maparirós iri geehhoouúr. Koo/irí bira hú', kuungá' nuri alqát tari hhaandá'. Daqaní adoorihe kuungá' a tsahhá' aníng adór tar AAKOÓ MUNGÚ.›

ESEKIELI 13:16

Gaarí a alhhe'eesoó aruuseedár Israeli aa aariin nee iigu'utuú wayda gwa aan daanduú Yerusalemuro, ala wayda iqo kaahh. Anuú Aakoó MUNGÚ tí aga oó'.»