ESEKIELI 13:13 - Biblía Axweesantá Hhohho' ar Mungú 2004

¹³ «Gawaá adoorihe, anuú Aakoó MUNGÚ a kah, ‹Asma daanduú buhhtaeene aníng bambaao nee tluwoó tlaa/e oo úr ngu huúw, nee koo/i kari yaamií daahh.

ESEKIELI 13:13 Iomraidhean Croise

YOBU 38:22

«Kuúng looár wake aga dáti baraá kuuntír tlaa/aá tluwaay, laqaá baraá kuuntír tlaa/aá tluwaay,

YOBU 38:23

qaasidá' naa amoohhe'eés as deelór tlaahhi, an deelór slaqwara nee ni gilár daamaraam.

WARA'AMI 105:32

Tluwoó tlaa/e guna haniís, nee mankari yaamuuín sleémeero gina gwa/atís.

WARA'AMI 107:25

Ina ilawaáts, bambaao niri hardát, gwaanduú ma'aay iri sihhiít.

WARA'AMI 148:8

AAKOÓ MUNGÚ xirfayeesaak, kuungá' asla nee tluwoó tlaa/e, theluji nee tlaangú, fur'ár bambaao ar fukukuu', tidaádá' hara'ayaarós gaa boo/es.

ISAYA 30:30

AAKOÓ MUNGÚ afoorós tidár aleesleemu gan tlees, as kahhó' kawa axaasi nee muu sleémeero, nee slahhtós tidár /uuru kawa ari ar buhhtaá yaariir, nee tsángw asltá /ayima nee kwarara/aaro nee duktá yaariir ar tluwoó tlaa/e.

YEREMIA 23:19

Ga/aawaak, buhhtaá Aakoó Mungú naa hardihiyé', kudaá adór bambaao. Múk tlákw ngu sage slahhiyá'.

WA/AA/I 2:1

Adór Aako buhhtaawose múk Siyoni ngura dahaás baraá tlaangú! Inós hhohhoartá múk Israeli gana baraá doorí wa kwaáhh ay yaamu. Baalaadár buhhtaawose tam didá' ya'aawós ngi qamaamin gaa inslayká.

WA/AA/I 2:3

Inós /uuru sleémeero oo Israeli gwa yaamií daáhh ar buhhtaawós kudá' xaraaslá'. Inós alee/isaywós guna hingeés qoomár inooín nee wakuuser'ín tiwa doogiyé'. Buhhtaawós múk Yakobo nguna al'oohiyé' adór tsángw asla, umuú gaaro gari hhaamiís.

WA/AA/I 2:4

Ga/aleerós gari tseék adór wakusmo, dakós oo doó /iyáy guri amohhe'eés adór wakusmo, mukdá' sleémeero atén tar daara/aamaar guna tsuú/, buhhtaawós kudá' xaraaslá' adór asla gina ku'uús baraá heemadaá múk Siyoni.

ESEKIELI 1:4

Qoomár niwa qaytsiít, bambaaór tluwoó koom ar /iikú daahh ana ár. Huunkír ur kaa harweér nee mankarór wer'eliim, nee ar asltá bir'eeliim qooma sleémeerowo ana ár. Baraá tla/ángw asltadae naxés gár qwiirii/ adór muqslír sirdaa/aat i baraadií dirí'.

ESEKIELI 13:12

Xáy, qoomár koo/idá' bira hú', kuungá' muu nuqo yaahaásiíke, ‹Da/araadá' taa koo/ír ar sliké' i amoomá?›

TLAHHOÓ LAÁWI 26:28

naagáy aníng kuungá' nu tlampa'aás ar xarasleemaeé', nee nuri muúx anuú kilá' ki/ima faanqw, asma tlakweemaahúng.

YONA 1:4

Ala AAKOÓ MUNGÚ fur'ár ur gari ya/aáw baraá tláwtí ale, bambaaór ur iri hardát baraá tláwtí ale, miringamo guri lak geeqeér.

HAGAI 2:17

Nuna slaáhh ar slahheemasi nee ar ququamó nee ar tluwoó tlaa/e, baraá gadiyeé sleémeero ar dabaahunge, ala naa amor'eé' ki/ii'iiká. Anuú AAKOÓ MUNGÚ Aleesleemusmo tí ngina oó'.

Geehhoeemaá 11:19

Aluuwo Doó Mungú, kudá' gawaá doorí dirií' kuri gweér, nee sandakmooduú alqadór Mungú iri geehhoúy baraá do'ós wa ale. Mankari iri werere'eliín, afo kari axaás, kwarara/a iri kwarará/, kunseeli niri ti'ít nee tluwoó yaariír oo tlaa/e iri tluúw.

Geehhoeemaá 16:21

Tluwoó tlaa/e oo ló'wa úr oo gawaá dooraá daáhh, iri tluúw gawaá múk i alé. Tlaa/aá tluwaywí umuúqo tlaa/anoowo iiloeemaawo a adór kílo mibeeri kooán. Muu Mungú guri /oosliislín asma muxtaadár tluwoó tlaa/e, asma muxtaarós tí ka ló'wa ur.

Geehhoeemaá 8:7

Malaykamoó geera tarumbeéta gari ufaáhh. Tluwoó tlaa/e iri tluúw, nee asltá taa aleedoók nee tseere, muruuwí kuri kwaáhh baraá yaamu. Bartaka wák baraá baduudá' tame awa yaamu asla gari /ák. Bartá wák ar xaai baraá baduudá' tame sleeme asla gari /ák. Nee gitsór naa/ sleémeero asla gari /ák sleeme.