ESEKIELI 13:10 - Biblía Axweesantá Hhohho' ar Mungú 2004

¹⁰ «Aaruuseerí i muk'eé' qwaareemís nee ngun babaya', ‹Wayda i deer,› ala laatí wayda iqo kaahh. Muk'eé' ta koo/ír qoomaaká tlehhiit, slám kan /awakeemiis.

ESEKIELI 13:10 Iomraidhean Croise

2 WAAWITÁ 21:9

Ala inooín tí nga iiárií qaasi'iiká, Manase inooín giri dahaás baraá tlakweemaá yaariir tam kudaá xoorduudá' AAKOÓ MUNGÚ aa hhaamiís geeraá Israeli wa aleeró ba/a.

2 QOM'I 18:12

Qoomaadár kilae heedaádá' taa ya/aáw aa Mikaya leehh, Mikaya guri báy, «Ga/aaweek, adoodár aaruusér hatlá' sleémeero arba/atír waawutmo ngira aaririín, a tsiní kuúng adoodá' naa aariné' nár aarimeek, gár hhoo' kawa o' dír waawutmo.»

AXWEESANOÓ SAGALOOA 12:26

Heé hota ganaá' hee gu tuu/ baraá qwanaywo, Ala múk tlákw loohir'ín gi húp baraá qwanaay.

ISAYA 30:10

Inooín iigu'utuuse ngin babaya', ‹Iigu'utu mu ara'araara',› nee aarusmo ngun babaya', ‹Muruurén oo ló' mu kaahaar, ala muruú atén ni sla'aan na alki/iiteek, muruú al/ayma na dahareemiseek.

ISAYA 57:21

Munguúeé' i kaahi, «Wayda i kaahh dír múk tlakwe.»

YEREMIA 14:13

Naagáy, aníng niri oó', «Aá Aakoó MUNGÚ, ga/aaweek, aaruuse i múk babeer, kuungá' slaqwara nu sleeraaká, laqaá qwari, asma kuúng al'axweesani aga ó' tawa kat, ‹Wayda i kumamiit baraá yaamuukae.› »

YEREMIA 23:17

AAKOÓ MUNGÚ i kaahi, «Inooín i lakiitiaaká mukdá' axweesante'eé' ga waaqaqaá' nguwa babaya', ‹Gár tlaakw ar nu slaw i káhh.› Nee umuúqo heewo oo sagagawduuwós gu eeharaahár ngun babaya', ‹Gár tlaakw ar u slaw i káhh.› »

YEREMIA 23:32

Eeít, anuú AAKOÓ MUNGÚ a kah, ‹Aaruuseedá' a i haraatláw, tidá' tlataaín awa lamtá aaririim dír muk'eé', nee muk'eé', ngwa qwaareesiyé' ar lamtaín, nee tlooraaín. Ala aníng iga ya/aawiiká, nee sleeme gár ngaa báw i káhh.› Gawaá adoorihe, gár mukwí nguwa gaa buiya' i káhh, Anuú AAKOÓ MUNGÚ tí ngina oó'.»

YEREMIA 28:9

Ala aarusmoó waydú aariiriím aqo kun tsaahh tawa aarusmoó tinda ya/aáw nee AAKOÓ MUNGÚ, barnaxes tidá' aa aarín aa tsuwa bó/.»

YEREMIA 4:10

Naagáy aníng niri oó', «Aá Aakoó MUNGÚ, ar ló' kuúng muu ugwa al/ák nee gixsár Yerusalemu. Ina beér, Kuungá' a hotá' ar amohhooa, laatí hamí slafiingw in baraá tsaxwa.»

YEREMIA 5:31

Aaruuse i lamtá aariiriín, kaahamuusér Mungú muu gun geeraharaahát ar sager'ín, slám muk'eé' adoodá' ga slaa'. Ala alhhe'eesoó tí birna xáy, adór ta /isa' a adoomá?

YEREMIA 50:6

«Muk'eé' a adór bee/ángw aa qwaar, kin qwaareemiis nee de'eemuuser'ín, kina gan'aás gawaá tlom'i, nin gawaá tloomarí wa tláy ay gawaá gongoamooqá', inooín slumtaín ngiri gunqareesiyé'.

YEREMIA 6:14

Muk'eé' i baraá qwanáy dirii', ala inooín qwanoó muu kun duquuqún tawa kaahi, ‹Wayda i deer wayda i deer.› laatí wayduú daadáw i kaahh.

YEREMIA 8:11

Inkaahha'aá muk'eé' ngina gáwtá wa taafiné' hungu/usaro, tawa kaahi, ‹Wayda i deer, wayda i deer.› Laatí wayda tumu niiná i kaahh.

YEREMIA 8:15

Atén gár taa harahhifaán a wayda kuwa slawaan, ala ar hhoo' taa slawaán i káhh. Qoomár tiwa hungu/uusi ana haraaxuaán kitaangose tina ló'wa dae tlaáq.

ESEKIELI 13:16

Gaarí a alhhe'eesoó aruuseedár Israeli aa aariin nee iigu'utuú wayda gwa aan daanduú Yerusalemuro, ala wayda iqo kaahh. Anuú Aakoó MUNGÚ tí aga oó'.»

ESEKIELI 22:28

Aaruuser'ín i tlakweemaá lu/u/uún adór heé bohóngw baraá koo/i gu tipiím ar da/ara. Iigu'utuú lama ngun ara'ariyá', nee gár ta aariirin a al/aymár tawo, tawa kaahi, ‹Aakoó MUNGÚ i kaahi,› ala aníng gár ngaa báw iqo káhh.

ESEKIELI 7:25

Qoomár slahh'amuú úr birna hardáh, wayda ngu leelehhiyá', ala ku slayká.

HOSEA 9:7

Deelór nuwa muux naa xeér. Deelór li/aay nguwa buu' naa hardát. Múk Israeli gari xuxuu' qoomaadae, kuungásingá' kaahá', ‹Aarusmo a daktani! Heé ta geeraharahari nee qeeruú Mungú a slarhhamá!› Adoorí an katá' asma tlakweemaahúng naa tlahhiyé' nee aahhirhúng ar tlakw aa tláhh sleeme daanduueene.

MIKA 2:11

«Heé kuungá' ta sla'a' a kudá' lamtá dahaaremiís nee al/ayma, oo káh, ‹Xuftár yaariir a sleerá' tawa wahaanda' tay oonimitá'.› Aarusmoó adoorír axweés, an kudá' nee kuungá' ti slawá'.

MALAKI 3:15

Adór atén kar tsatsahhaamana múk sagegawdén an ak múk amohhoó', nee múk slasla/aruú tlehhiít, an múk gár slasláw. Nee kudá' Mungú ngu iiara'ará', an múk aa /uy.› »

1 Tesalonike 5:3

Qoomaadá' tawa kaahi, «Wayda i deer nee amohhooa,» qoomaadá' an tidár hhitiru'uuma nuwa hhaawis, adoodá' /ameenír tsiiháy asltá xwayla ngir i hardaraarat. Ala guway ku aleeslayká.

1 Timoteo 4:1

Qeeruú hhoohhoó' oo Mungú adoorí gaa ló'wa xu'utís adór qoomaadár alhhe'eesaay binda hardát, muu ir deér oo haratlintaao ga máw. Inooín qeeremaá al/agiimá' kin iiárií qamín, nee intsaahhasár neetlaame.

2 Timoteo 3:13

Ala múk tlákw nee al/aymuuse ta ak geerií kumiit baraá tlakweemaawo. Inooín in al/aginá', nee slám inooín awa kilá' kaa al/aáy.

1 Yohana 2:26

Kaangwí nguna dirhúng i gooiím daanduú mukdá' kuungá' nu qwaareemisa.

Geehhoeemaá 2:20

Ala aníng axweesantaka a koóm daanduuwoge, /ameenidá' ta babay Yesebeli a aleeya/a/aán. Inós ti babeer a aaruso'o, nee sagadiyuuser'eé' gari intsaahhatimís nee gari qwaarés as tawa fuquusi, nee fu'unaydá' kiwa /ayi awa taa ilahhooár wa haniís dír munguaá murslaaqat.