ESEKIELI 12:3 - Biblía Axweesantá Hhohho' ar Mungú 2004

³ «Inooín a múk aa dee/anumiit. Gawaá adoorihe, heewí, gimáy, adór heé lóh tleehheek, tláw qoomár inooín bir kuúng ga/ayá', ta góp dír hatlá' i aleeró. Tláw adór heé aa tlatlaahh dirkár wa alé ay dír hatlá' geeraá ilaaín wa alé. Dooqa ngi tsaahhiyá', tam inooín a múk aa dee/anuuti.

ESEKIELI 12:3 Iomraidhean Croise

WARA'AMI 81:13

A gár hhoo' geera bar muk'eé' kangw'eé' ngwa iiárií qaás, nee múk Israeli bar loohir'eé' ngaa slaiyé'.

YEREMIA 10:17

Kuungásingá' taa harweér, xosluuhúng burumburaak.»

YEREMIA 26:3

Doóqa inooín sleémeero ta axaas, nee tlakweemaaín kiri máy. Adoorí birnga tleehhiyé' daqaní inslaway'eé' daanduú amotlakwér ni huwa as tlehhmi'ii'ín kudá' tlakw naa tlehhaahhitiyé' u warqeés.›

YEREMIA 27:2

iwa kat, «AAKOÓ MUNGÚ aníng ina báy, ‹Yeremía, hima nee taaqwani tleehheek ki dahás baraá istók.

YEREMIA 36:3

Doóqa múk Yuda amotlakweedá' ni dir'ín i tleehhár wa slaa' ka axaas, as umuú heewo tlakweemaawós ngiwa may as kahhó' án dakuúsar'ín nee tlakweemaine ngiwa gurtlaw.»

YEREMIA 36:7

Doóqa firor'ín AAKOÓ MUNGÚ ga axaas nee umuú heewo dooqa tlehhmi'iiwós kudá' tlakw gi máy, asma AAKOÓ MUNGÚ buhhtaá yaariir nee xarasleemaawo gaa qaroó oó' daanduú mukwihe.»

YEREMIA 7:26

Ala inooín aníng iga iiárií qaasi'iiká laqaá iga axasi'iiká, ala inooín nina ak sage gawduduyé', muruú ak tlákw nguna tlehhiitiyé' ta baabi'ii'ine.»

ESEKIELI 12:7

Naagáy adoodá' taa báy ngiri tleéhh. Baldae qoomár tlaatla/aango huwar'eé' ngiri tseék, adór huwár heé aa goow, tsiindowo koo/ír do' ngiri feé/, nee qoomár iimi iwa giwaagip niri ti'iít, huwar'eé' i gawaá suuma, nee muu sleémeero i ga/áy.

ESEKIELI 3:26

Aníng tsifraangók u iilooeés, nee kuúng a afawasli tleehhít as muu kuwa iigahhatká as tawa dee/aanuuse.

ESEKIELI 3:27

Ala qoomár bar nee kuúng a axweesaán, aníng afkók u waatleés, daqaní kuúng ki beer axweesanaywí ni kah, AAKOÓ MUNGÚ nguna oó'. Heé kuúng u iiárií qaás uqo iiárií qaas, oo axweesantók ga sií' gaqo sii', asma mukwí a múk aa dee/anumiit.»

ESEKIELI 33:11

Mukwí baweek, ‹Adoodá' anuú Aakoó MUNGÚ nir hotaatima, gwa'arár heé tlaákw aníng a saqwalala/aaká, ala gár ni slaa' masók heé tlaákw tlehhma'aá tlakw gin máy, as iwa hooti. Tlakweemaahúng hhu'uu'umaak, nee muruudá' tlákw mawaak tlehhtuwo. Múk Israeli, ahaá waáy, mas qatlór slá'?›

ESEKIELI 43:11

Bar mure ngaa ariyé' gawaá daanduú tidá' inooín naa tleehhiyé', daqaní ki ádbeér adoodá' Doó Mungú kura tleéhh, afér dahama nee ar ti'inaango, nee adoodá' kura tleéhh, nee adoodá' umuú gaaro kara qoomeés, dabeerós nee kaahirose. Tí sleémeero ka gooiín as kahhó' inooín dabeerós nee kaahirós sleémeero ngiwa eehariya' nee ngiwa iialooeesiya'.

Luka 13:34

«Yerusalému, Yerusalému, kiíngadá' aaruusér tsu/a/iim, nee kudá' tinda amoorók ya/aáw kiwa tlaqwaqut ar tlaa/e. A sagaáwa magá' án mukók nguwa burumburtá wa slaa', adoodár koonki tsiioorós ngir burumburariin baraá hhaampi'iiwós, ala kuungá' aga ya/aandi'iiká.

Luka 20:13

Heé qaymoodá' loó' iri oó', ‹Adór ni laaq a adoomá? Garmaaeé' kwí oo sla'aarusmo un ya/aáw. Dooqa inós burkwa ár, ku ilaiwaa/.›

DABE 32:29

Barnaxes inooín geeraawo i fuqurángw kona'a, geera tí ngaa tsaahhiyé', nee alhhe'eesáy'ín ngwaa aldakutiyé', axáy a adoomá.

DABE 5:29

Hám geera a tsiní barnaxes i meetiyá' gawaá inslawaydá' aníng iwa ilaiwawa/iya', nee hara'ayar'eé' ngiwa oohiya' umuu daqto. Geera muruuín sleémeero oo ta tlehhiiti iri ganaa' umuú daqto dir'ine nee dír na/ii'ine ay alhhe'eesay wasle.

2 Timoteo 2:25

Slám masók inós a heé tsatsa'aár, qoomár bar i mukdá' inós tlampa'aamiís qwatsín. Asma Mungú dooqa mukwí gu hhu'u'úngw i haniis, nee looeema ngiri tsaahhiyá',