ESEKIELI 12:25 - Biblía Axweesantá Hhohho' ar Mungú 2004

²⁵ Anuú AAKOÓ MUNGÚ kilá' tidá' tlehharuut ngi geerií oó'. Tí ni hardát i baloó tligaká. Kuungá' múk aa dee/anuut qoomár slafingwhunge axweesantí naa káh a boo/eés. Anuú Aakoó MUNGÚ tí aga oó'.»

ESEKIELI 12:25 Iomraidhean Croise

ISAYA 14:24

AAKOÓ MUNGÚ Aleesleemusmo lo'o gaa /aáy i kaahi, «Adoodá' tleehhamooro naa istí tsaát, adoodá' aqo in tleehharút. Adoodá' naa slaá' tleehhamooro, adoodá' aqo in bó/.

ISAYA 55:11

An adoodá' axweesantá aa baraá afkueé' wa ti'it, asma iwa tawo ki/ká amor'eé' ale. Ala aqo tidá' ni slaa' gan boo/és, aqo tidá' kasa ya/aáw gan tléhh.

YEREMIA 1:11

Axweesantá AAKOÓ MUNGÚ ana axaás i kat, «Yeremía, gár taa aán?» Aníng niri oó', «Halmír naa harma/ ar xa'anoó ta bay mloósi ana ár.»

YEREMIA 16:9

Asma AAKOÓ MUNGÚ Aleesleemusmo, Munguú Israeli, i kaahi, «Ga/aawaak aníng afór qwala/ nee ar bara/ a qwaareés baraá yaamuukae, tam qwal/uú ni/imár /ayla. Tí kuungaákaá slafá' a aandá' ilaahunge.

WA/AA/I 2:17

AAKOÓ MUNGÚ tidá' sleémeero aa tsabín gaa tleéhh, /aymuuwós kudá' aa oó' gwaa boo/eés adoodá' ngura islaáx iimír bál geeraawo, gixsa gana yaamií hhaáf ar gurtleemu wasle, Wakusmo gwaa qwal/aás daanduuhunge, /uuruú wakuuseerhúng gwaa barilooeés.

ESEKIELI 12:26

Axweesantá AAKOÓ MUNGÚ ana axaás, i kat,

ESEKIELI 12:28

Gawaá adoorihe, ki beer, Anuú Aakoó MUNGÚ a kah, Axweesante'eé' tí i tligaká ala iqo bó/ sleémeero deeloorír kilae. Anuú Aakoó MUNGÚ tí aga oó'.»

ESEKIELI 6:10

Diirí an didaádá' ngiwa intsaatsahhiya' adór aníng tar AAKOÓ MUNGÚ, iga tawo naxwiiká, a ngiwa amotlakweérí huúw.»

ESEKIELI 7:13

Mukdá' muruú weeramiís tam ta slaáf, daqaari'iimar'ín tidá' ngi inki/iaaká. Asma iigu'utuwí a daanduú boo/aay sleémeero, i baloó warqayká. As tlehhmi'iiká tlakwe heé hotaawós gi ba/amís tumu wák i kaahh.

DANIELI 9:12

Axweesantók tidá' taa ó' aga gawdés daandemoorene, nee dír waawitaárene, as gixsár Yerusalemu kawa ló'wa sláhh, ak alé ta gixsadaá hatlá' sleémeero awa daanduú yaamuwo.

HABAKUKI 1:5

«Baraá xoordu i qaytsitaak, daqaní ta waa/o/á' nee ta samqaarutá', asma aníng gadiyérka a tleéhh dír kuungá' tar slafíngwí kahha', gadiyér kuungá' ta haratlintia'aaká tam kingi ooi.

HABAKUKI 2:3

Asma iigu'utuuwí qoomár kus hariím i deer, a kángw ló' oo alhhe'eesaydá' gaanslár hardáh. Barnaxes i tligatliik, kuúng daameek, asma looeemawo niqo hardah, i tligiiká.

SEKARIA 1:6

Ala axweesante'eé' nee kaahir'eé' tidá' naa hara'ayiím dír sagadiyuuser'eé' tidár aaruuse, ahaá aa bo/káhe dír baabi'iihúng i ale, inooín nay hhu'uu'uné', ta kaahi, ‹Adoodá' AAKOÓ MUNGÚ Aleesleemusmo ni atén i tleehhi ar qoomoó lohduurén nee ar qoomoó tlehhmi'iirén, an adór tii tleéhh.»›

FAARO 11:23

AAKOÓ MUNGÚ Mose guri mu/aywaáts, «Ahaá aleesleemueé' aa /aarúyí? Gimáy daxta axweesante'eé' adór tar ló' laqaá lama a tsáhh.»

Matayo 24:35

Doori nee yaamu i waaraahhiyá', ala axweesante'eé' i baloó waarahhká.»

Luka 21:13

Gaarí an pa/angwhúng oo aníng ir dir'íní lamabu'uunda'.

Luka 21:33

Doori nee yaamu i waarahhiyá', ala axweesante'eé' i baloó waarahhká.»