ESEKIELI 12:19 - Biblía Axweesantá Hhohho' ar Mungú 2004

¹⁹ Múk yaamuuká' baweek, Anuú Aakoó MUNGÚ a kah daanduú yaamuloouusér Yerusalemu, tidá' baraá yaamaá múk Israelír hoota, kaangwí baweek, Muruú /aymar'ín ku /aay ar dae, nee ma'aay kin wahán ar amoqwaqwadiingw, asma yaamuuín nin tawo meetiyá', asma umuú heewo a /aytusmo.

ESEKIELI 12:19 Iomraidhean Croise

WARA'AMI 107:34

yaamaá xawuú koomá' giri warqeés tari hhapér diwi, asma múk tlákw oo baraadá' hoót.

WARA'AMI 24:1

Yaamu nee muruudá' sleémeero gaa hatsiis an daqaari'iimár AAKOÓ MUNGÚ, yaamu nee múk baraawós wa hoota a kós.

ISAYA 6:11

Aluuwo niri yaahaás, «Xáy Aako, tay xaylá?» Inós iri mu/aywaáts, iri báy, «Ay dír gixsadu i deewaiya', niri muu wasleesiyá', nee maraay iwa tawo iwiitiya', nee yaamu kiwa ak ló'wa hhitin.

YEREMIA 10:22

Iia qaasaak, afo taa i hardát, tsimaahhír xoorór yaamaá /iikú daahh ni hardát, gixsadaá Yuda giri xaanxay tléhh, tari dír hotángw intsaawe.

YEREMIA 18:16

Yaamuuín nga yaamaá dae tlaaqá' tleehhiyé', ki niqín daqisleém. Umuúqo heewo oo aa baraadár waaraahhi in waa/oo/, saga guri muumukuus.

YEREMIA 25:11

Yaamuuká' sleémeero ni taangu tleehhitiyá' nari deewaaiyá', nee xoordaá inslaawaywí waawutmoó Babuloni ngun sagadiyuusiyá' kureeri mibeeri faanqwe.

YEREMIA 32:28

Gawaá adoorihe anuú AAKOÓ MUNGÚ a kah: Gixsarí aníng an haniís baraá dabaá múk Kaldayo nee baraá dabaá Nebukadnesa, waawutmoó Babuloni, inós gari hayoh.

YEREMIA 33:10

AAKOÓ MUNGÚ i kaahi, «Baraá gixsarí kuungá' tawa kata'a, muu i kaahh laqaá makaay, eeít gixsár Yuda nee baraá lohdaá gixsár Yerusalemu, tidá' múk koomaaká laqaá makaay, baraakae

YEREMIA 33:12

AAKOÓ MUNGÚ Aleesleemusmo i kaahi, «Diirír xaanxaay ar múk koomaaká laqaá makaay nee baraá gixsaduín sleémeerowo, diirí an qawtantá de'eemuuse daqooray'ín oo bee/aangw nguwa de'een.

YEREMIA 4:27

AAKOÓ MUNGÚ i kaahi, «Yaamu sleémeero i xaanxay tleéhh, ala sleémeero i ak hhitiimaaká.

YEREMIA 6:7

Adoodá' hhalaangw ma'aá hhohho' ngir baraawósií meetamamisi, án adoodá' gixsár Yerusalemu tlakweema ngir amohhe'eemis baraawose. Xaraasleema nee hhitiru'uma ki baraawós wa axamiis. Tiqtirós nee mulkaywós umuú deeloro un ga/áw.

ESEKIELI 36:3

«Gawaá adoorihe, Esekiéli, kuúng aariím ta ó', ‹Anuú Aakoó MUNGÚ a kah, kuungaá tlom'aá múk Israeli, muu naa yaamaá tawo tleéhh, nee tunda i haratláy bihhe sleémeerowo, nee aga daqaari'iimár xoordaá hatlá' tleehhité', nee tari gár ta kaantin, nee ar ta waaqaqaai tla/ángw xoordu sleémeerowo.

ESEKIELI 4:16

Iri malé báy, «Heewí, ga/aaweek, aníng muruú /aymár baraá gixsár Yerusalemu u hayóh, yaamuloouuser'ín gár i /ak a muruú /aymár ta qoomeemesi ar dae, ma'aá wahaangw a kudá' ta qoomeemesi ar xure.

ESEKIELI 6:14

Aníng dakw'eé' u tleés gawaaíní aleeró, nee yaamuuín i hhitiím ngiri taangu tleéhh, iimír amór xaanxoó bihhaá basa ay gixsár Ribla bihhaá /iiko, yaamuuín i taangu tleéhh as dír hota mingiwa slayé'. Inooín sleémeero ngiri tsaahhiyá' adór aníng tar AAKOÓ MUNGÚ.»

ESEKIELI 7:23

«Minyororo tleehheek, asma yaamu tsu/utaro naa hatsiyé', nee baraá gixsaro /ayta aa tláhh.

MIKA 7:13

Ala Mungú yaamu gi hhitín, asma tlehhma'aá tlakw awa múk baraadá' wa hoót.

SEKARIA 7:14

Ala án inooín in diyaá/ ar bambaao baraá tla/ángw xoordaá inooín ni xuiaaká. As adoorí yaamuudá' naa geexayé' niri deewaaiyá', tam heé tla/angwdár waaraáhh iri kaahh, asma yaamuudá' sla'atimisá' kaa deewa'ameérí geexáy.»

1 Korinto 10:26

Asma Gooi i kat, «Yaamu nee umuúqo gaaro ar baraá yaamií diriia a ar Aako.»

1 Korinto 10:28

Ala barnaxes hee kuungá' naa báy, «Gaarí kaa ilahhooár wa gaás,» kuungá' daqaní gadaádá' ma /ayaara', as heedaádá' ngaa oo', nee as haratlintaao.