ESEKIELI 12:10 - Biblía Axweesantá Hhohho' ar Mungú 2004

¹⁰ Gimáy kibeeto, Anuú Aakoó MUNGÚ a kah, ‹Kaangwí an kángw geeraaharusmoó gixsár Yerusalemu gu sláw, nee múk Israeli sleémeero kudá' baraaká' hoót.

ESEKIELI 12:10 Iomraidhean Croise

2 WAAWITÁ 9:25

Yehu alee/isusmoowós kudá' ta bay Bidkari guri báy, «Tuuarós tisíng kwahheek baraá qaymoosír Naboti, heé Yesre'eli. Inslaweek tidá' qoomaadá' aníng nee kuúng tawa alaá Ahabu wa hi'imitaan ar farsuurén, adoodá' AAKOÓ MUNGÚ aa axweés daanduuwose.

ISAYA 13:1

Kaangwí a iigu'utuú aarusmo Isaya, garmoó Amos aa ár daanduú Babuloniro.

ISAYA 14:28

Kurkudá' waawutmo Ahasi iwa gwaá', aníng iigu'utuuwí una sláw,

YEREMIA 21:7

Anuú AAKOÓ MUNGÚ an kah, «Aluuwo kuúng Sedekía, waawutmoó Yuda, sagadiyuuseerók nee múk baraá gixsarí diriia, kudá' pu/i a meetís nee qwari nee slaqwara, aníng in haniís baraá dabaá waawutmo Nebukadnesa oo Babuloni, nee baraá dabaá wakuuserhúng, tidá' kuungá' nu slakaat. Kuungá' Nebukadnesa nun tsuu/ ar paánga, nee nu baloó gurtlayká, laqaá nu geemayká, laqaá nu ilamuruutiiká, anuú AAKOÓ MUNGÚ tí an káh.»

YEREMIA 24:8

«Anuú AAKOÓ MUNGÚ a kah, ‹Adoodá' /aantsír aa hhiturut /ayma ngir ya/aandaaká, an adoodá' ni tleehh dír waawutmo Sedekia oo Yuda, nee geeraharuusedár hatlá' dinkwa nee mukdá' sleémeero aa meet baraá yaamaá Yerusalemu, tam nee kudá' taa loohatisi baraá yaamaá Misri.

YEREMIA 38:18

Ala kuúng bar aga ya/andiiká tiwa hanis gawaá dabaá geeraharuusér waawutmoó Babuloni, gixsarí kan haniis dír múk Kaldayo, ngiri da/iyá' ar asla nee kuúng ti /iská baraá dabaaine.»

ESEKIELI 12:3

«Inooín a múk aa dee/anumiit. Gawaá adoorihe, heewí, gimáy, adór heé lóh tleehheek, tláw qoomár inooín bir kuúng ga/ayá', ta góp dír hatlá' i aleeró. Tláw adór heé aa tlatlaahh dirkár wa alé ay dír hatlá' geeraá ilaaín wa alé. Dooqa ngi tsaahhiyá', tam inooín a múk aa dee/anuuti.

ESEKIELI 21:30

Hám daxta paánga baraá qawaywósií ki/isaak! Aníng nun sakwasleemuút didár kilá' tunduwa tleéhh, baraá yaamuudá' tunduwa laqwalín.

ESEKIELI 7:27

Waawutmo i tsuunqumiis, geeraharusmoó úr i diqay tsatamiit, nee muu iri daaraax daeero. Aníng adoodá' tlehhmi'ii'ín i dirii'iya' an dir'íní tleéhh, in sakwasleemuút adoodár múk hatlá' ngura sakwasleemuút. Aníng daqaní i tsaahhiyá' adór tar AAKOÓ MUNGÚ.»

MALAKI 1:1

Kaangwí a axweesantá AAKOÓ MUNGÚ ar afkú aarusmo Malaki dír múk Israeliwo.