ESEKIELI 11:9 - Biblía Axweesantá Hhohho' ar Mungú 2004

⁹ Aníng kuungá' nu duúx baraá gixsár wa alé, nee nuri qaás gawaá dabaá múk xoordaá hatlá', aníng kuungá' nuri sakwasleemuút.

ESEKIELI 11:9 Iomraidhean Croise

2 WAAWITÁ 24:4

nee sleeme asma inós baraá Yerusalemuro tseerdaá múk dakuús wásl gina ku'uús. Ala AAKOÓ MUNGÚ tlakweemaadá' gaa slaiiká ngiwa gurtlay.

ESRA 9:7

Iimír baabi'iirene tam ay laarí ateékaá mukók kuúng una sadakumamisaán, as tlakweemaarene atén nee waawitarene, nee kaahamuuseerene, taa qaás gawaá dabaá waawituú xoordaá hatlá', tari tsuú/, tiri loohatís, daqaari'iimaarén kari haasaáng wa ar tláy, tiri ló'wa mureekeés adoorí laarí tay diriiaan.

WARA'AMI 106:30

Ala Finehasi ina sihhiít, muu nee Mungú giri haraki/ís, Mungú tiqtidá' gari hingeés.

WARA'AMI 106:41

Giri afaweeriís dír xoordaá hatlá', as kahhó' kiwa sawaawuti'in nee wakuuser'ín.

DAHARUSMO 8:11

Gár muu is kumamiti tlakweema tlehhtuwo, asma tlakweema ki gaanslár sakwasleemutiiká.

YEREMIA 29:20

Ala hamí kuungá' sleémeero awa na baraá Yerusalemúr wa duúx, nuri loohatís ay Babuloni, axweesante'eé' iiárií qaasaak, anuú AAKOÓ MUNGÚ.

YEREMIA 39:6

Didár kilár Riblawo, waawutmoó Babuloni daaqoó Sedekia guna tsuú/ geeraá baabuúín wa alé, sleeme geeraharuusér Yuda sleémeero gana tsuú/.

ESEKIELI 11:7

«Ala anuú Aakoó MUNGÚ a kah, Eeít, gixsarí a adór hutlaay, nee mukdá' taa tsuú/ a fu'unaay. Ala kuungá' a hariindá' tunduwa hingeesi baraá gixsarihe.

ESEKIELI 16:38

In sakwasleemuút asma kiíng a adór /ameenár al'axweesantá duuxo gaa geeqeer, laqaá adór múk tsu/uutuuse, án kiíng in sakwasleemuút ar sakwasleemár gwa'ara as niwa buúhh nee da/i iwa ót.

ESEKIELI 16:41

Maraywók kin daa/ ar asla, nee /ameenár yaariir sakwasleemarók gari aán. Tari tafkí/ fuqi eeharahaduuwo nee muu kuwa tlaxuun.

ESEKIELI 21:31

Aníng nun i buúhh, asltá buhhtaaeé' an gawaahúng ar ufaáhh. Nu qaás gawaá dabaá wakuuserhúng tidá' xaraasl, múk kuungá' nu lo'wa baál tsu/utaaro.

ESEKIELI 30:19

Adoorí an adór múk Misri ngur sakwasleemuút. Nee muu gari tsaahh adór aníng tar AAKOÓ MUNGÚ.»

ESEKIELI 5:10

Baraadá kilá' gixsaro xwayliité na/ii'ín awa kilá' gi /ák, nee na/ii xwayliitér'ín ngi /ayiyá'. Sakwasleemar'eé' a boo/eés daanduuhunge, nee panaydá' aa meet nguri diyaá/ bihhe sleémeerowo.

ESEKIELI 5:15

«Kiíng tari gár waaqa'atiit, nee gár mureekeemiis, adór slaqsoó gár buhhtamis dír tlahh'i kudá' iga harweeriye', qoomár sakwasleemár buhhtaeé' kudá' xaraaslá' bara boo/eés daanduuwoge. Anuú AAKOÓ MUNGÚ tí ngina oó'.

ESEKIELI 5:8

Gimsé', anuú Aakoó MUNGÚ a kah, Aníng sakwasleemar'eé' a boo/eés dirhunge, dír geeraá xoordaá hatlae.

Yohana 5:27

Slám aleesleemuú sakwasleema gwa amoorós i haniís asma tawa Garmoó Hee.

Rumi 13:4

Asma inós a sagadiyusmoó Mungú, as hhooeema ngiwa kuúng i tleehhi. Ala bar tlakweemaá tleehhít, da'ayuút, asma tsataay gu tawó konká, ala a as tawa sagadiyusmoó Mungú oo li/oó bu'uúm dír mukdá' muruú tlákw tlehhiita.

DABE 28:36

«AAKOÓ MUNGÚ kuúng, dinkwa nee waawutmoowók kudá' kuúng taa tsawdi, nun huuw ay baraá xoorór kuúng ta baloó xu'uká, laqaá baabi'iiwók sleeme. Nee amodaádae kuúng munguaá hatlá' awa xaai nee awa tlaa/e kiri sagadiyús.

Yuda 1:15

Inós nina hardáh as sakwasleema ngiwa tleehhi daanduú muu sleémeero. Mukdá' sleémeero oo Mungú gwa ilaiwawa/iiká guri sakwasleemuut, as daanduú tlehhemi'ii'ín kudá' sleémeero awa qwanaay taa tlehhiít, kudá' Mungú kuwa ilaiwawa/iiká. Kiri malé sakwasleemuut as daanduú axweesanaydá' xaraásl sleémeero oo tlakuuseedá' Munguú ilaiwawa/aaká aa kát daanduuwós i alé.»