ESEKIELI 11:5 - Biblía Axweesantá Hhohho' ar Mungú 2004

⁵ Naagáy qeeruú AAKOÓ MUNGÚ iri i hardáh iri báy, «Muu kubeeto, AAKOÓ MUNGÚ i kaahi, ‹Eeít, kuungaá múk Israeli gár ta aldakuta' a tí. Muruú baraá munerhunge ta kata' u xuú'.

ESEKIELI 11:5 Iomraidhean Croise

1 QOM'I 28:9

Daudi Solomon guri báy, «Kuúng garmaaeé' Solomon, Munguú baabuúwók xueek, inós sagadiyuuseek ar muunaáwók sleémeero nee ar tsáp. Asma AAKOÓ MUNGÚ inslawoó muu sleémeero gun tsee/aarín, nee umuúqo gár ta qoomeemesi gan tsatsahhán. Barnaxes kuúng inós ugwa leeléhh u sleér, ala bar ugwa sí', inós un geexáy ay alhhe'eesay wasle.

WARA'AMI 50:21

Adoorí an adoodá' taa tléhh, aníng nay xasliít. Kuúng kawa xu' aníng aqo adór kuúng. Ala aníng kuúng u iigahhaát, muruuwí sleémeero ngu geehhoeés dír geeraawógí alé.»

WARA'AMI 7:9

Tlakweemaá múk tlákw mindiwa kumiitiyé', heé hotaawós ganaa'á' gawdeeseek baraá gan'amu. Kuúng, Aakoó Mungú, kudá' gan'amuú koóm, kuúng an kudá' naaqór baraá mune nee inslawoó muu gu tsee/ariím.

ISAYA 28:15

Asma kuungá' a kata', «Atén nee gwa'ara alqado aga tleehhaán, nee gi'i taa axweesani slawaán, qoomár amotlakwe bir taa i hardát, amoorén ngi keeraaká, asma lama ana dír guwayrén tleehhaán, nee al/ayma an dír tay nahhataan.»

ISAYA 58:1

AAKOÓ MUNGÚ i kaahi, «/Aá/ ló'wa ale, ma xaslitaar, tseé' adór tarumbeéta. Muk'eé' dakuúsar'ín ti alki/it, Tlakweemaá doó Yakobo ooeek.

YEREMIA 11:20

Ala aá AAKOÓ MUNGÚ Aleesleemusmo, kudá' sakwasleema ga adór ganaá'ár tleéhh. Kuúng munér muu nee fuqureeri'ine in tsee/aariín. Aníng masók an ár adór kuúng li/aywí ugwa bú', asma aníng umuú gaaro ngaa gawaá dabaawógií qaás.

YEREMIA 16:17

Asma aníng tlehhmi'ii'ín sleémeero i ga/áw. Gár aninge aa nahhat i káhh. Tlehhmi'ii'ín sleémeero dír geeraaeene ki geehhoo'.

YEREMIA 17:10

Anuú AAKOÓ MUNGÚ inslawoó muu un tsee/ariím, nee munér muu an iiaraa'ár, as kahhó' umuúqo heewo nguwa buu' ar adoodá' ir hotaatin, nee adoodá' tlehhmi'iiwós i dirii'iya'.»

ESEKIELI 2:2

Qoomár iwa amor'eé' axweesi, qeeruú Mungú iri dáh baraaeé', nee iri galalaa'atís sihhitisaro. Naagáy nguri axaás,

ESEKIELI 2:7

Kuúng ki axweesante'eé' beér, tam ka axaás, laqaá tam ka axasiiká, asma inooín a múk aa dee/anuut.

ESEKIELI 20:32

Kuungaáká' kaahá', ‹Atén a adór xoordaá hatlá' tleehhitaán, nee tlahh'aá yaamaá hatlá', as xaai nee tlaa/e kiwa sluufmisaan.› Tisíng ta baraá munerhúng i kata' i baloó ya/aandaaká.»

ESEKIELI 28:2

«Heewí, waawutmoó Tiro baweek anuú AAKOÓ MUNGÚ a kah, Kuúng aga ló'wa pooraa/amút sagabi/uuwo, sleeme tari ó', ‹Aníng a mungú, aga iwiít gawaá kitángw waawuti'iima oo munguaá hatlá', aga iwiít baraá tláwtí alé.› Ala kuúng a heé tawo, kuúng a munguheeká. Tam sagalooarók kilók a ara'aanda tawa adór taqár mungú.

ESEKIELI 29:3

Farao ku beer, Anuú Aakoó MUNGÚ a kah, Aníng nee kuúng ti araán, waawutmoó yaamaá Misri, kuúng an dayshmoó úr kudá' guaaiím baraá yaaér Nili wa alé. Kuúng a kat, ‹Yaaér Nili a te'eé', aníng ana tleéhh.›

ESEKIELI 3:11

Daqaní ta tleér amór mukók kudá' taa loohatís nee ki beer, ‹Aakoó MUNGÚ gár i kaahi a tí.› Tam ngi axaasiyá' laqaá tam ngi axaasiaakahe, kuúng kángw baweek.»

ESEKIELI 3:24

Ala qeeru iri i dáh, iri galaalaá' sihhitisaro. Naagáy Mungú iri axweés nee aníng, iri báy, «Tláw, ti baraá do'ók i tsek.

ESEKIELI 3:27

Ala qoomár bar nee kuúng a axweesaán, aníng afkók u waatleés, daqaní kuúng ki beer axweesanaywí ni kah, AAKOÓ MUNGÚ nguna oó'. Heé kuúng u iiárií qaás uqo iiárií qaas, oo axweesantók ga sií' gaqo sii', asma mukwí a múk aa dee/anumiit.»

ESEKIELI 8:1

Bál slahhángw lahhoó' tawa kooán kurkú lahhoó', aníng a dír dooeé' i dirií' dinkwa nee bariisér múk Yuda. Aníng /uuruú Aakoó MUNGÚ iri hatsiís ar gaanslaay.

Marko 2:8

Ala Yesu adoodá' i baraá muner'íní axweesiyá' gari adaá tsaáhh baraá qeeruuwose giri báy, «Asma milá adoosíng mas baraá munerhúngí aldakwtá'?

Yohana 21:17

Yesu iri malé oó' sagaáwa tame, «Símon, garmoó Yohane, án kuúng i slá'a?» Petro iri gurhaamuút asma adoodá' kuwa yaahaás sagaáwa tame, nguwa báy, «Án kuúng i slá'a?» Petro iri oó', «Aáko, kuúng mura' sleémeero u xú', nee kuúng aga tsáhh adór án kuúng ur slaá'.» Yesu iri oó', «Bee/angw'eé' /aymiiseek.

Tlehhema'aá ya/Abuuse 10:44

Qoomár Petro iwa axweesantadí kahhi, mukdá' sleémeero axweesantadá' gaa axamiis, Qeeruú hhoohhoó' oo Mungú giri i aweér.

Tlehhema'aá ya/Abuuse 11:15

Aníng axweesani ngiwa adoorí wa iimu/uúm, Qeeruú hhoohhoó' oo Mungú ina gawaaín i aweér, adoodá' iimu/uungo nira gawaarén i aweér.

Ebrania 4:13

Umuúqo gaaro ar Mungú i harslaaqati arto i káhh. Mura' sleémeero i kístí dirii', nee ku geehhoó' dír ilaawose, nee atén adór tara hootaán an dír geeraawósií kwalilimaán.

Yakobo 3:6

Nee tsifraangw a adór asla. Inós a adór yaamaá naa hatsiye' tlakweemaawo. Inós i baraá slaqoorén i dirii', an kudá' slaqwa sleémeero ga tlakweemár a'áw, slafiingw sleémeero guri asltí oohiis, nee inósuú kilá' asltós amór i dahh a baraá asltá daqisleém.

Geehhoeemaá 2:23

Nee aníng na/iiwós i faák tsu/utaaro. Nee múk kríshaanáy sleémeero gari xuu' adór aníng tar kudá' munér muu ga tsee/ariím nee inslawaywo. Nee aníng umuúqo heewo baraahunge un buú' ar adoodá' inós wa hariím as tlehhemi'iiwós kudá' aa tlehhiít.

1 SAMUELI 10:10

Naagáy tawa hardáh Gibea, qaytsiít inós nee daqtá aaruuse tina doogiyé', naxés Qeeruú Mungú guri hatsiisa hhe'eés, inós iri aariirín baraá tla/ángw aaruuseedá' wa ale.

1 SAMUELI 10:6

Nee Qeeruú AAKOÓ MUNGÚ un hatsiis, kuúng tari aaririín dinkwa nee inooín, kuúng turi warqees tari heé dimbé.