ESEKIELI 11:20 - Biblía Axweesantá Hhohho' ar Mungú 2004

²⁰ as kuungá' daber'eé' kawa eehada', nee tidá' naa káh kawa ilaiwa/a', kuungá' tari muk'eé', aníng tari Munguúhúng.

ESEKIELI 11:20 Iomraidhean Croise

IIMU/UUNGW 17:8

Aníng yaamuká' kuúng ta dahi'iimár wa hot, ngi haniís dirógí ale, nee dír xwaylarók ar kumiit aluuwoge, yaamuká' sleémeero awa Kana'ani, tawa kók ay alhhe'eesay wasle, aníng tay Munguúín.»

WARA'AMI 105:45

as kaahirós kawa oohi, nee dabeerós kawa eehari. AAKOÓ MUNGÚ xirfayeemisaak!

WARA'AMI 119:1

Múk amohhoó' a kudá' tlakweemaá tlehhahhita'aaká, kudaádá' dabér AAKOÓ MUNGÚ ngi eeharaahará'.

WARA'AMI 119:32

Hara'ayarók an eehár, asma fuqurangw'eé' ngu dogít.

AXWEESANOÓ SAGALOOA 9:6

Iimiboo/arók tisíng maweek as tawa hot, hoót adór heé muruú tsatsahhaám.»

YEREMIA 11:4

Tidá' naa hara'ayiím dír baabi'iihúng qoomár ngiwa duúx baraá yaamaá Misrír wa alé, baraá asltá muqsla weeqatamiis. Inooín ina báw, afor'eé' iiárií qamimaak, nee tidá' sleémeero naa hara'ayiím tleehhaak. Kuungá' daqaní tari muk'eé', aníng tari Munguúhúng.› »

YEREMIA 24:5

«Anuú AAKOÓ MUNGÚ, Munguú Israeli, a kah, ‹Adór /aantsírí kar hhohhó', an adór múk Yuda, kudá' taa loohatís baraá yaamaá Kaldayo aníng ngur ar tawa múk hhohhó'.

YEREMIA 24:7

Aníng in tsaahhárí haniís adór aníng tar AAKOÓ MUNGÚ. Inooín tari muk'eé', aníng tari Munguúín, asma inooín nin amor'eéní ki/iyá' ar muner'ín sleémeero.›

YEREMIA 30:22

Daqaní kuungá' a muk'eé', nee aníng tari Munguúhúng.

YEREMIA 31:33

Alaá deeloorihe alqadoorí an oó' dír múk Israeli, aníng daber'eé' an baraaínií qaás, nee an gooiím baraá muner'ín, aníng tari Munguúín nee inooín tari muk'eé'. Anuú AAKOÓ MUNGÚ tí ngina káh.

YEREMIA 32:38

Inooín tari muk'eé', nee aníng tari Munguúín.

YEREMIA 32:39

Aníng inooín in muunuú wák i haniís nee loohír wák, as kahhó' aníng iwa ilaiwawa/iya' umuú daqto, as kahhó' aníng inooín ngiwa hhooeemáy tleehh nee na/ii'ine.

ESEKIELI 11:12

Daqaní kuungá' a tsahhá' adór aníng tar AAKOÓ MUNGÚ, kudá' kuungá' dabeerós taa eehadi'iiká, nee tidá' naa oó' aga boo/eesi'iiká. Ala kuungá' adoodár xoordaá hatlá', kudá' naa harweeriye' ir hotatina', ana tlehhé'.»

ESEKIELI 14:11

Adoorí an tleéhh as múk Israeli miwa malé geexáy, tari kilooín slasla/aresiyá' ar tlakweemaaín kiwa tleehhi, as inooín tawa muk'eé' nee aníng tawa Munguúín. Anuú Aakoó MUNGÚ tí aga oó'.»

ESEKIELI 37:23

Inooín tin male slasla/aresiaaká ar slaqsi'iidaá mungui, nee muruudá' aníng i buhhtamís, laqaá tlakweemaaín. Aníng i ba/amís as tawa malé dee/anutiiká. Inooín tari muk'eé' nee aníng tari MUNGUÚÍN.

ESEKIELI 37:27

Niri hoót tla/angw'ín wa ale, aníng tari Munguúín nee inooín tari muk'eé'.

ESEKIELI 43:11

Bar mure ngaa ariyé' gawaá daanduú tidá' inooín naa tleehhiyé', daqaní ki ádbeér adoodá' Doó Mungú kura tleéhh, afér dahama nee ar ti'inaango, nee adoodá' kura tleéhh, nee adoodá' umuú gaaro kara qoomeés, dabeerós nee kaahirose. Tí sleémeero ka gooiín as kahhó' inooín dabeerós nee kaahirós sleémeero ngiwa eehariya' nee ngiwa iialooeesiya'.

HOSEA 2:23

Aníng yaamaá Yesre'eli in diihhooatís, heedaádá' taa gurtlayká aníng u gurtláw, mukduú aáng kwe'eeneeká ngway baw, ‹Muk'eé'.› Inooín tari ooi, ‹Kuúng an Munguúrén.› »

SEKARIA 13:9

Aníng daqtadár tám ngiri waarahhaás ar baraá asla, aníng in kwahhuút ngiri hhohhoeés adór peésa kar kwahhuumaamiti, aníng i iiár adór sahaábu kur iiara'ari. Umuueé' nguri ateetiyá', án ngiri axaás, aníng niri oo', ‹Mukwí an kwe'eé'› Inooín niri ooiya' ‹AAKOÓ MUNGÚ an Munguúrén.› Anuú AAKOÓ MUNGÚ tí ngina oó'.»

SEKARIA 8:8

Aníng inooín ngiri huúw, tawa hotaá ay tla/ángw Yerusalemu, inooín tari muk'eé', aníng tari Munguúín, ngiri geerahaár ar inkihhimu nee hotaá ganaa'á'.»

Luka 1:6

Inooín tsaraawo a múk hota ganaá' dír geeraá Munguhe, hara'ayár Aako sleémeero kana óh, nee axweesantós adoodá' ir hariin.

Rumi 16:26

Ala hamí lu/aaráydá' kwaa geehhooeés ar baraá gooír aaruuse. Nee lu/aaráydá' kwaa alki/iít dír múk xoordu sleémeero ar hara'ayaadár Munguúduú alhhe'eesay wásl, as múk xoordu sleémeero masók Ya/abtoodá' hho' ga iialooees kawa haratlintii'i.

1 Korinto 11:2

Aníng kuungá' nu xirfayeemiís as adoodá' kuungá' aníng iwa inslasleeré' baraá umuúqo gaaro, nee muruudá' sleémeero aníng naa dirhúngií intsaahhatimís ugwa eehadé'.

DABE 30:6

AAKOÓ MUNGÚ, Munguúhúng kuungá' nee na/iihúng nu ilaiwa/ameérí haniis as inós kuwa sla'a' ar munerhúng sleémeero nee qeeremoohúng sleémeero as tawa slafa'.

Ebrania 11:16

Ala a yaamuudaeeká. Ala yaamaá inooín ta leelehhiiti an yaamuudá' ak hhoo', an doori. Gawaá adoorihe Mungú i murumiitiiká kuwa babay a Munguúín. Asma inós gixsár inooín ta hooti gaa tleéhh.

Ebrania 8:10

Aako i malé kaahi. Hám daxta, alqadoorí an tidá' ni tleehh nee múk Israeli alaá deeloodá' sleémeerowo iwa kaahi. Aníng hara'ayar'eé' an qaás baraá inslaway'ín, nee ngiri gooiím baraá muner'ín. Slám aníng tari Munguúín nee inooín tari muk'eé'.