ESEKIELI 11:13 - Biblía Axweesantá Hhohho' ar Mungú 2004

¹³ Qoomár niwa aaririim, Pelatia garmoó Benaya iri kahhuút. Aníng niri yaamií huú', niri gurúr qaát, niri /aá/ ar afór ur niwa kah, «Aá Aakoó MUNGÚ, xáy, paanaywí oo múk Israeli aa meet aqo un tsuwa fáka?»

ESEKIELI 11:13 Iomraidhean Croise

1 WAAWITÁ 13:4

Waawutmo Yeroboamu /aymi'ikaá heé Mungú ngiwa axaás daanduú kitangwduú ilahhooa oo Beteliro, dakós guri looloqoós amór heedaáduú Mungú, iri oó', «Heesíng oohare'.» Naxés dakós kudá' aa looloqoós hamtidár kilae iri adoodií káh, ki/isa gari sií'.

WARA'AMI 106:23

Mungú iri oó', «Mukwí u hhaamiís.» Ala Mose kilós sagadiyusmoowós kudá' aa tsawaár, ina tla/angwdií sihhiít as Mungú nguwa har'oohi kahhó' mingiwa hhaamiís.

WARA'AMI 119:120

Aníng a daaraáx as kuúng uwa da'ayuumiít, aga daanda feehhiít as kwasleemarók.

AXWEESANOÓ SAGALOOA 6:15

Gawaá adoorihe looár wake slahh'amu gu sláy, gu ar slahhasiiká. Looár wake i qeqtín tam tu/tós i káhh.

ESEKIELI 11:1

Qeeruú Mungú iri gáwtí tleés, iri huúw ay dír afkú bihhaá da/aáw oo Doó Mungú. Didaádae múk mibeeri tsár nee kooán nguri ár, bahh alé a ín Ya'asaniya garmoó Asuri nee Pelatia garmoó Benaya, inooín a geeraharuusér múk Israeli.

ESEKIELI 11:14

Axweesantá AAKOÓ MUNGÚ ana axaás,

ESEKIELI 20:17

«Ala aníng ina meetiís, iga qwaareesiiká baraadaá xaanxáy ale.

ESEKIELI 37:7

Gawaá adoorihe, niri aariím adoodá' taa báy. Qoomár niwa aaririim afo niri hardát ar adór afór muruú ti gweehhiím, faduudá' tiri harasuruukiyé' nee tiri haragwaaiyé'.

ESEKIELI 7:2

«Heewí, yaamuloouusér yaamaá Israeli ka beer, ‹Aníng AAKOÓ MUNGÚ a kah, hám daxta alhhe'eesayhúng naa xáy, alhhe'eesaay naa hardáh dír yaamuuká sleémeerowo, badu tsiyahhaawo.

ESEKIELI 9:8

Qoomár tawa múk tsu/i, aníng tina kilooeé' geexáy, niri gurúr qaát yaamu, niri /aá/, niri oó' «Aá Aakoó MUNGÚ! Múk Israeli sleémeero kudaá meet u hhaamísa, as xaraasleemawók daanduú Yerusalemuro kiwa boo/es?»

HOSEA 6:5

Gawaá adoorihe án kuungá' naa tlaáq ar afér aaruuse, nuna tsuú/ ar axweesantá afkueé', sakwasleemar'eé' i gaansliín adór gwa/aateema.

AMOS 7:2

Baraá iigu'utueene ingigi ana ár, umuú gár qantsare gana /ák ar sa baraá yaamií diriia. Aníng nari oó', «Aá Aáko MUNGÚ, na'ás án kuúng u harhhehhe'eés, mukók gurtlaweek, adór xwaylár Yakobo ir hot a adoomá? Inooín a na/aá ninakw.»

AMOS 7:5

An qoomár aníng niwa oó', «Aá Aáko, MUNGÚ, na'ás án kuúng harhheehhe'eés, mukók maweek. Adór xwaylár Yakobo ir hot a adoomá? Inooín a na/aá ninakw.»

Tlehhema'aá ya/Abuuse 13:11

Ga/aaweek, dákw Aako hám i gawaawók i dirii', nee kuúng a taampút, tsee/amá u aandaaká ay qoomarka.» Hamtidár kilae giwti nee ma/ami guri qiptís, iri harweerirín as heé gu gan'aamiís nguwa leelehhiiti.

Tlehhema'aá ya/Abuuse 5:10

Hamtidár kilá' iri hú' dír ya'aá Petro, iri gwá'. Daaqaydá' niwa dáh, naxés kawa ár aa gwá', kari gagaár tsee/áy alé, kari foól dinkwa nee hhawaatuuwós.

Tlehhema'aá ya/Abuuse 5:5

Anania /aymi'iiká' ngiwa axaás, iri yaamií huú', iri gwaá'. Muu sleémeero oo adoodá' gaa axaamiis, daér yaariir guri eér.

DABE 7:4

Adoorí bara tlehhé', inooín na/iihúng ki qwaarees, nee AAKOÓ MUNGÚ inooín ngu eehariaaká, munguaá hatlá' ngiri eehariyá', AAKOÓ MUNGÚ iri daa/atúy buhhtaawo, aluuwo Mungú kuungá' nu hhaamiis ar wa'aá wák.