ESEKIELI 11:12 - Biblía Axweesantá Hhohho' ar Mungú 2004

¹² Daqaní kuungá' a tsahhá' adór aníng tar AAKOÓ MUNGÚ, kudá' kuungá' dabeerós taa eehadi'iiká, nee tidá' naa oó' aga boo/eesi'iiká. Ala kuungá' adoodár xoordaá hatlá', kudá' naa harweeriye' ir hotatina', ana tlehhé'.»

ESEKIELI 11:12 Iomraidhean Croise

1 WAAWITÁ 11:33

Aníng adoorí a tleéhh asma Solomon aníng iwa geexáy, munguaá hatlá' gina sluufmisuú áy, kudá' ta bay Ashtaroti, munguú /ameeni kuduú múk Sidoni, nee Kemoshi, munguú múk Moabu, nee Milkomu, munguú múk Amoni. Solomon aa dee/aanuút, tlakweema gaa tleéhh dír geeraaeene, nee kaahir'eé' gaa oohiiká nee axweesante'eene. Adoodá' baabuúwós Daudi aa tleéhh inós gaa eehariiká.

2 WAAWITÁ 16:3

Ala inós tlehhma'aá waawituú Israeli gina eehár. Inós sleeme tam na/aywós guna ilahhooár da/tá wa haniís. Inós tleehhmuudá' ta waki oo xoordá hatlaá' kudá' AAKOÓ MUNGÚ aa guús geeraá múk Israelír wa ale guna tleéhh.

2 WAAWITÁ 18:12

Adoorí ina tleehharút asma múk Israeli afór AAKOÓ MUNGÚ, Munguúín, nga iiárií qaasi'iiká. Inooín al'axweesantós ngina geexayé', laqaá afór Mose sleeme nga iiárií qaasi'iiká, sagadiyusmoó AAKOÓ MUNGÚ kudá' aa hara'ayín.

2 WAAWITÁ 21:2

Inós muruú tlákw guna tlehhiít dír geeraá AAKOÓ MUNGUHE ar tlehhma'aá tlakw awa xoordaá hatlá' kiwa aleealuusi, kudá' AAKOÓ MUNGÚ aa guús geeraá xoorór Israeli wa ale, qoomár inooín iwa darahiya' baraá yaamuudá'.

2 WAAWITÁ 21:22

Inós AAKOÓ MUNGÚ, Munguú baabi'iiwós guna geexáy, nee loohír AAKOÓ MUNGÚ gaa eehariiká.

2 WAAWITÁ 21:9

Ala inooín tí nga iiárií qaasi'iiká, Manase inooín giri dahaás baraá tlakweemaá yaariir tam kudaá xoorduudá' AAKOÓ MUNGÚ aa hhaamiís geeraá Israeli wa aleeró ba/a.

2 QOM'I 13:9

Xáy, kuungá' kaahamuusér AAKOÓ MUNGÚ tidár xwaylár Aroni nee múk tlahhoó Laáwiwo iga gusi'iikáhe, kaahamuuserhúng kari qasi'iíke adór xoordaá hatlá'? Umuúqo heewo oo naa dirhúng i hardah ar awu, laqaá gwaandaawér faanqw, un paratlá' tawa kaahamusmoohúng.

2 QOM'I 28:3

Mooyaangw guna da/aa/án baraá xatsta garmoó Hinomu wa ale, sleeme na/iiwós giri ilahhooár da/tá wa haniís dír munguú ta bay Ba'ali, ar adór muruudá' ta waki nee kur tlehhahhiti xoorduudá' Mungú aa guús geeraá xoorór Israeli wa aleeró.

2 QOM'I 36:14

Tam kaahamuusér Mungú tidá' uren sleémeero nee muu sleémeero, niri inkihhimu wasleesiyé', asma tlehhmi'iidá' ta waki awa xoordaá hatlá' ngina eehariyé', tam doó Mungú nguri meetagaasiyé', kudá' inósuú kilá' aa hhoohhooeés oo baraá Yerusalemu.

ESRA 9:7

Iimír baabi'iirene tam ay laarí ateékaá mukók kuúng una sadakumamisaán, as tlakweemaarene atén nee waawitarene, nee kaahamuuseerene, taa qaás gawaá dabaá waawituú xoordaá hatlá', tari tsuú/, tiri loohatís, daqaari'iimaarén kari haasaáng wa ar tláy, tiri ló'wa mureekeés adoorí laarí tay diriiaan.

NEHEMIA 9:33

Tam adoorihe kuúng gan'amu u koón baraá muruuwí sleémeero atén taa slayi, asma kuúng tu inkihhím, atén a tlakuuse.

NEHEMIA 9:34

Waawitaárén nee geeraharuuseerén, nee kaahamuusero, nee baabi'iirene, dabeerók nga ohi'iiká nee hara'ayarók ngaa iiárií qaasi'iiká, nee gurbu'uungók sleeme kudá' taa dir'ín i ó'.

WARA'AMI 78:10

Asma alqadór Mungú ngaa oohi'iiká, ala nina si'iyé' dabeerós kawa eehari.

YEREMIA 10:2

AAKOÓ MUNGÚ i kaahi, «Tlehhma'aá xoordaá hatlá' mi intsaatsahhaara', laqaá mutunduwa amoqwareemiís nee layaá gawaá doorí wa tleehharumiitá', asma layuudá' xoordaá hatlá' ngin amoqwareemisiyá'.

YEREMIA 6:16

AAKOÓ MUNGÚ i kaahi, «Sihhiité' dír waatsarár loohi, nee ta qaytsitá', nee muruudá' aáng aa tleehharuumiit yaahasaak. Leelehhaak didár loohír ganaa' i diri', ka eehadá', daqaní kuungá' wayda u sleerá' baraá munerhunge. Ala inooín i kaahiya', ‹Atén loohisíng a eeharanaaká.›

ESEKIELI 11:21

Ala kudá' muner'ín aldinkwa nee muruú slasla/arén nee oo i buhhtamís, i sakwasleemuút ar har qoomoó tlehhmi'ii'ín kudá' naa tleehhiyé'. Anuú Aakoó MUNGÚ tí aga oó'.»

ESEKIELI 18:8

nee gaa birnga heéwí haniís aldaafi ga leelehhitiiká, tam slaasláwár ur ga leelehhitiiká, barnaxes dakós gwa ilaá/ dír gár tlaakwe, sakwasleema aqo gan tsaat ar gan'amu dír heé iinuús nee oo ta iinuusi,

ESEKIELI 18:9

barnaxes inós kaahir'eé' ga eeharahar nee hara'ayar'eé' gaa kángw kilá' wa iialooeés, heewí i gan'amuú kón, nee inós i tsuwa hoot.› Anuú Aakoó MUNGÚ tí ngina oó'.

ESEKIELI 20:16

Adoorí ana tleéhh asma inooín daber'eé' ngina si'íyé', nee naa hooti'iiká ar baraá kaahir'eé', Sabaátor'eé' ngina meetagaasiyé', asma inooín slaqsi'iidaá munguaá hatlá' ngina gurií ba/iyé'.

ESEKIELI 20:21

«Ala tam na/ii'ín sleeme aníng ina aahhiyé', naa baraá kaahir'eénár hooti'iiká, sleeme daber'eé' ngaa harmagahhi'iiká ooharo, nee Sabaátor'eé' ngina meetagaasiyé'. Naagáy nari oó', ‹In i buúhh, tidá' tleehhamooro ni slaa' daanduuine ngiri boo/eés baraá xaanxáy wa alé.›

ESEKIELI 20:24

Asma inooín daber'eé' ngaa eehar'iiká, nee kaahir'eé' ngina si'iyé', nee Sabaátor'eé' ngiri meetagaasiyé', nee slaqsi'iidaá munguaá hatlá' kudaá baabi'ii'ín naa harahhifiyé', inooín ngina harahhifiyé'.

ESEKIELI 5:6

Ala yaamuloouuser'ín hara'ayar'eé' nga si'iyé', tari ló'wa tlakúy ta xoorduuká' yaamuuká nga harweeri'i. Eeít, hara'ayar'eé' nga si'iyé', nee adoodá' aníng ngir gan'aamiis ngina geexayé'.

ESEKIELI 8:10

Naagáy aníng niwa dáh, koo/i ngiri ár, naxés kaa gooaaín slaqsa'aá dayshe nee awa makaá hatlá' awa slasla/aren, nee awa makaá sla/a awa i buhhtamisá', nee slaqsa'aá munguaá múk Israeli naa tleehhiyé' ar dabaaín, kaa tlehhahhiít, guruú do' ngway harweeriyé'.

ESEKIELI 8:14

Naagáy iri huúw ay dír afkú bihhaá /iya oo Doó AAKOÓ MUNGÚ, didaádae /ameena aa iwít ar tsuunqumiis as Tamusi Múk Kana'ani guna sluufmiís. Inós a munguú harma/o, qoomár ageewo tan tsuunqumiis ngiwa xuiya' Munguúín kwí aa gwaá'.

ESEKIELI 8:16

Naagáy aníng iri huúw ay dír afeenír Doó AAKOÓ MUNGÚ, didár afkú Doó AAKOÓ MUNGÚ, dír tla/ángw matla/aangw nee kitángw ilahhooa. Naxés hhawaataá mibeeri tsár nee kooán i didií dirii'iyá', Doó AAKOÓ MUNGÚ ngwa alaá xu'usiyé', gur'er'ín kaa da/aáw xu'ús, ta tse/amuú firirín, gur'e a da/aáw.

DANIELI 9:10

Aá AAKOÓ MUNGÚ, Munguúrén atén kuúng ugwa iialooeesaniiká, aga hootaniiká ar har afiqoomár dabeerók tidá' naa ó' ar loohír sagadiyuuseerók tidár aaruuse.

TLAHHOÓ LAÁWI 18:3

Adoodár xoorór Misri i tlehhaahhit, amoodá' kuungá' niwa hoté', ma baloó tleehhara'. Laqaá adoodár múk yaamaá Kana'ani ni tlehhiitiya', amoodá' kuungá' ni huuw, ma baloó tleehhara'.

TLAHHOÓ LAÁWI 26:40

«Ala barnaxes tlakweemaaín ngaa hhu'uu'uné', nee tlakweemaá baabi'ii'ine, gawaá aahhidá' tinda aníng i tleehhi, nee inooín aníng iwa tlampa'aamisiye',