ESEKIELI 11:10 - Biblía Axweesantá Hhohho' ar Mungú 2004

¹⁰ Kuungá' tundu tsuu/ ar paánga, aníng kuungá' nu sakwasleemuút dír digimuú múk Israelír wa alé. Qoomaarí an qoomár kuungá' kawa tsahha' adór aníng tar AAKOÓ MUNGÚ.

ESEKIELI 11:10 Iomraidhean Croise

1 WAAWITÁ 8:65

Solomon deelo faanqw nee deelór hatlá' faanqwe, dinkwaaro deelo mibaá nee tsiyáhh, deelór ur kana tleéhh dír geeraá AAKOÓ MUNGÚ wa ale, inós nee múk Israeli sleémeero, a boo/oó yaariír kudá' amór dahmuú Hamati ngiwa tlay ay yaaér Misri.

2 WAAWITÁ 14:25

Yaamaá aáng awa múk Israeli gina hayóh iimír dír Waarahhamaá Hamatír wa tleemu ay Tlawtá Araba. Adoorí an adoodá' AAKOÓ MUNGÚ aa oó' ar loohír sagadiyusmoowós aarusmo Yona, garmoó Amitai, heé yaamaá Gat-heferi.

WARA'AMI 9:16

AAKOÓ MUNGÚ taa geehhoeés, sakwasleemarós gaa boo/eés, tlakuuse gaa óh ar gadiyér dabaaín.

YEREMIA 39:6

Didár kilár Riblawo, waawutmoó Babuloni daaqoó Sedekia guna tsuú/ geeraá baabuúín wa alé, sleeme geeraharuusér Yuda sleémeero gana tsuú/.

YEREMIA 9:24

Hee birti xirfayeemiis ti xirfayeesi as tí: Aníng iwa xui adór tar AAKOÓ MUNGÚ kudá' sla'aari warqawaaká, nee sakwasleemár ganaa' ga tlehhiít, nee hotaá gana'á' gi slaá' baraá yaamu. Asma muruuwí aníng i sla'atamis. Anuú AAKOÓ MUNGÚ tí ngina oó'.»

ESEKIELI 13:14

Koo/irí kuungá' taa /awakeesé' a amór saáw i daáhh nee maparirós iri geehhoouúr. Koo/irí bira hú', kuungá' nuri alqát tari hhaandá'. Daqaní adoorihe kuungá' a tsahhá' aníng adór tar AAKOÓ MUNGÚ.›

ESEKIELI 13:21

Tlabaahúng kudaá sheéla i feehhamiís, nee muk'eé' nguri tuú/ gawaá dabaahúng wa alé. Inooín i ki/iiaaká adór muruú taa slakaát wa aleeró. Daqaní adoorihe kuungá' a tsahhá' adór aníng tar AAKOÓ MUNGÚ.

ESEKIELI 13:23

Daxta kuungá' iigu'utuú al/ayma u malé aanda'aaká, laqaá a malé aariinda'aaká. Aníng muk'eé' u ba/amís gawaá dabaahunge. Daqaní kuungá' a tsahhá' adór aníng tár AAKOÓ MUNGÚ.»

ESEKIELI 13:9

Aníng kuungá' nu alwarqáw muxtaaro, kuungaákaá aaruusér iigu'utuú lamtá ara'ará', nee aarír kudá' al/aymár kaahá'. Kuungá' a burumburita'aaká dír dinku'uumár muk'eene, laqaá tundu harafariiká baraá múk Israeliwo, laqaá sleeme a dat'aaká baraá yaamaá Israeli. Daqaní adoorihe kuungá' a tsahhá' adór aníng tar Aakoó MUNGÚ.

ESEKIELI 6:7

Kudá' ta tsu/i ta huhu'ún baraá tla/angwhúng, kuungá' kari tsahhá' adór aníng tar AAKOÓ MUNGÚ.

YOSHUA 13:5

Bihhaá da/aawe yaamu sleémeero awa Gebali nee awa Lebanoniro ay Ba'al-gadi afaá tloomár Hermoni, tay ti'itá' ay Lebo-hamati.