ESEKIELI 11:1 - Biblía Axweesantá Hhohho' ar Mungú 2004

¹ Qeeruú Mungú iri gáwtí tleés, iri huúw ay dír afkú bihhaá da/aáw oo Doó Mungú. Didaádae múk mibeeri tsár nee kooán nguri ár, bahh alé a ín Ya'asaniya garmoó Asuri nee Pelatia garmoó Benaya, inooín a geeraharuusér múk Israeli.

ESEKIELI 11:1 Iomraidhean Croise

1 WAAWITÁ 18:12

Aluuwo án bara sa tláw, nee Qeeruú AAKOÓ MUNGÚ kuúng unar tláy ay dír án ni xuaaká, asma án bar Ahabu ugwa kángw báw kuúng uri slayká, inós án iri gaas, handá' tam anuú sagadiyusmoowók AAKOÓ MUNGÚ un ilaiwawa/a iimír na/uumar'eene.

2 WAAWITÁ 2:16

Tari oó', «Atén sagadiyuuseerók, múk miguuse oo mibeeri kooán u koomaán, pa/aángwí haniseek aakoowók ngu leeleehhtuú aye', barnaxes qeeruú AAKOÓ MUNGÚ guna ar tláy gway kwaáhh gawaá tlom'i laqaá baraá xatsa.» Elisha iri oó', «Aasla'áy, mi ya/aawara'.»

2 WAAWITÁ 25:23

Qoomár geeraharuusér slaqwaruuse dinkwa nee muu sleémeero kaangwí kuwa axaás, adór waawutmoó Babuloni Gedalia ngura ga/aawusmooín wa qaás, inooín sleémeero niri amór Gedaliawí daqayé', baraá Mispa. Mukwí a Ishmaeli garmoó Netania, nee Yohanani garmoó Karea, nee Seraya garmoó Tanhumeti oo xoorór Netofati, nee Yesania garmoó heé Ma'aka.

ISAYA 1:10

Axweesantá AAKOÓ MUNGÚ iiárií qaasaak, kuungaá adór geeraharuusér Sodoma, intsaahhasár Munguúrén iiárií qaasaak, kuungaásingá' múk tlákw adór kuduú Gomora.

ISAYA 1:23

Geeraharuuseerók a dee/aanuuse nee mulqér fisuuse. Umuúqo heewo gár i slai a slukma. Nee qeemu gun alti'ii'ín. Panaay ku aleeslaqwiiká, nee kwasleemár kwaalo'o ka dir'ín i huwahuwiiká.

ESEKIELI 10:19

Keruúbi hhaampi'ii'ín giri gwét, niri gáwtí /akumitiyé', aníng ina ár, slám /angeegeuudá' i bihhaaín i dirii'. Niri sihhiitiyé' dír geeraá afkú bihhaá da/aáw oo Doó AAKOÓ MUNGÚ, nee xirfuú Munguú Israeli i gawaadá' i dirii'.

ESEKIELI 10:22

Gitsee/er'ín sleeme ana tsaáhh, a tidá' naa ár amoodár yaaér Kebari wa alé. Umuú gaaro geera gina i ganaá' hi'iitanooro.

ESEKIELI 11:13

Qoomár niwa aaririim, Pelatia garmoó Benaya iri kahhuút. Aníng niri yaamií huú', niri gurúr qaát, niri /aá/ ar afór ur niwa kah, «Aá Aakoó MUNGÚ, xáy, paanaywí oo múk Israeli aa meet aqo un tsuwa fáka?»

ESEKIELI 11:24

Qoomár niwa baraá iigu'utuuwí dirii', qeeruú Mungú ina gáwtí tleés, iri huúw ay yaamaá Babuloni dír mukdá' baraá looháy dirií'. Naagáy iigu'utuuwí iri faák.

ESEKIELI 22:27

Geeraharuuser'ín baraá gixsaro a adór taweruú makiito'ór /aáy, ta tsu/uut as tiwa kilooín daqaari'itimisiya' ar loohír qoomaaká.

ESEKIELI 3:12

Aluuwo qeeru iri gáwtí tleés, afór adór kunselír ur ana aluueé' axaás, i kat, «I xirfuuti xirfuú AAKOÓ MUNGÚ oo gawaá doori.»

ESEKIELI 3:14

Naagáy qeeru iri gáwtí tleés iri puruúts amór saaw. Niri tláw amooqae aga slahhaá', nari qa/iít baraá muunaáeene, nee /uuruú AAKOÓ MUNGÚ ina hatsiís.

ESEKIELI 37:1

Anuú Esekieli /uuruú AAKOÓ MUNGÚ ina al'iilooúy, nee inós iri gáwtí tleés ar qeeruuwós, nee iri qaás baraá tlapár faduuwo haats.

ESEKIELI 40:6

Naagáy aluuwo iri tláy amór afkú bihhaá da/aáw, tsa/a/amto gari ar tsa/án. Qoomár iwa gawaadá' i dirii'i maandár afkú do' gari qoomeés.

ESEKIELI 41:1

Aluuwo heedaádá' iri huúw ay baraá guruú do', didá' hhoohhoo'. Inós loohidá' baraá dó' i darah gari qoomeés, tlenaangós oo baraay a miíta tám,

ESEKIELI 8:16

Naagáy aníng iri huúw ay dír afeenír Doó AAKOÓ MUNGÚ, didár afkú Doó AAKOÓ MUNGÚ, dír tla/ángw matla/aangw nee kitángw ilahhooa. Naxés hhawaataá mibeeri tsár nee kooán i didií dirii'iyá', Doó AAKOÓ MUNGÚ ngwa alaá xu'usiyé', gur'er'ín kaa da/aáw xu'ús, ta tse/amuú firirín, gur'e a da/aáw.

ESEKIELI 8:3

Naagáy gár adór dako aníng iri se'e óh. Qeeruú Mungú iri tleés dír tla/ángw doori nee yaamuwo, iri huúw ay Yerusalemu, aníng aqo baraá iigu'utuwú Mungú i dirií'. Niri hardáh dír dahmaá baraá matla/aangw bihhaá /iiko, didaádá' taa slaqsoó munguaá hatlá' i qaás, kudá' Mungú buhhtamís.

HOSEA 5:10

Geeraharuusér Yuda ni hardát, inooín a adór múk digeemaá hingeemiís. Aníng inooín in i buhhtaeéní ku'uús adór ma'áy wa alé.

Tlehhema'aá ya/Abuuse 8:39

Qoomár tindiwa tsa/a/an baraá yaaér wa ale, Qeeruú Aako Filipo guri ar tláy. Filipo kwaa sangw malé ariiká nee heedaádá'. Heedaádá' iri kumiít aaiiwose, i hara qwalalaa/.

Geehhoeemaá 1:10

Bál Deelór Aakoowo Qeeru aníng ina i hardáh, afór ur ngiri axaás ar axwees aluueé' wa ale. Afoorí a adór afór tarumbeéta.