ESEKIELI 1:3 - Biblía Axweesantá Hhohho' ar Mungú 2004

³ anuú kaahamusmo, Esekieli garmoó Busi, qoomár niwa baraá yaamaá Kaldayórí, dirii' bihhaá yaaér Kebari, axweesantá AAKOÓ MUNGÚ ana axaás, nee baraadaádae /uuruú AAKOÓ MUNGÚ i gawaaeé'.

ESEKIELI 1:3 Iomraidhean Croise

1 WAAWITÁ 18:46

/Uuruú AAKOÓ MUNGÚ iri hardáh dír Eliya, inós iri siinootín, iri ta'aaín, iri giirín hardahmuuwo dír Ahabuwo baraá gixsár Yesre'eli.

2 WAAWITÁ 3:15

Ala hám daxta heé xooslmoó daa'aangw gu baál slahhto slawaare'.» Kunguri sláy. Qoomár xooslmoodá' kuwa slaáhh, /uuruú AAKOÓ MUNGÚ Elisha guri hatsiís.

WARA'AMI 137:1

Ana iwiitaán afaá ya'aá Babuloni, Siyoni kawa iinslawaán ana /aa/amiimaán.

YEREMIA 1:2

Yeremia axweesantá AAKOÓ MUNGÚ ngiwa axaás, Yosia garmoó Amoni, waawutmoó Yuda qoomaadae kureeri ngaa /aáy a mibaá nee tám baraá waawuti'iimaro.

YEREMIA 1:4

Axweesantá AAKOÓ MUNGÚ ana axaás i kat,

YEREMIA 29:15

«Asma kuungá' a kata', ‹AAKOÓ MUNGÚ aaruuseerén ngaa yaamaá Babulonír wa sláy.›

ESEKIELI 1:1

Bál slahhángw tsiyáhh tawa kooán, kurkú mibeeri tám, qoomár aníng nee mukdá' taa loohatís tawa baraá yaamaá Babulónírí diriiaan, bihhaá yaaér Kebari, doori nina gweeritiyé', iigu'utuú Mungú nguri ár.

ESEKIELI 10:15

Keruúbi iri gáwtí /akumít. Muruuwí slaáf an kudá' naa ár qoomár iisapoó yaaér Kedarírí ale.

ESEKIELI 12:13

Ala aníng tsaxweeli a qaás nee inós guri ót. Aníng nguri huúw Babuloni, yaamaá múk Kaldayo, inós amoodae iri gwaa', tam adoorihe yaamuudá' gi ariiká.

ESEKIELI 3:14

Naagáy qeeru iri gáwtí tleés iri puruúts amór saaw. Niri tláw amooqae aga slahhaá', nari qa/iít baraá muunaáeene, nee /uuruú AAKOÓ MUNGÚ ina hatsiís.

ESEKIELI 3:15

Mukduú baraá loohaay nguri i hardáh, kudá' bihhaá Kebarírí dirií', tidár baraá Tel-abibu. Niri didá' wa hoót nee inooín deelo faanqw, amorqae gár ni xuu' i káhh.

ESEKIELI 3:22

/Uuruú AAKOÓ MUNGÚ aníng ina hatsiís, iri báy, «Sihhiít, tláw ay dír tlapapaai. Aníng nee kuúng a amoodá' wa axweesaán.»

ESEKIELI 3:23

Naagáy niri sihhiít, niri tláw ay dír tlapapaaidá'. Héh, amoodae xirfuú AAKOÓ MUNGÚ una ár, aa sihhiít adoodá' ira sihhiít qoomaadár niwa dír yaaér Kebari, aníng niri i gurúr qaát.

ESEKIELI 33:22

Heewí niwa hardáh a matlaatle, laatí adór /isá'arós tsiindoowo aníng ilooeemaá /uuruú AAKOÓ MUNGÚ ina sláw. Matlaatlér looaytleérose heewí naa kotsqoot niwa dir'eé' i hardáh, aníng axweesani ngiri aleesláw.

ESEKIELI 37:1

Anuú Esekieli /uuruú AAKOÓ MUNGÚ ina al'iilooúy, nee inós iri gáwtí tleés ar qeeruuwós, nee iri qaás baraá tlapár faduuwo haats.

ESEKIELI 40:1

Bál slahhángw geera tawa mibaangw, kurkú mibeeri tsár nee kooán iimír tiwa loohatís, /uuruú AAKOÓ MUNGÚ una ár. Qoomaarí an kurkú mibaá nee tsiyáhh iimír gixsár Yerusalemu kawa hayóh.

ESEKIELI 43:3

Iigu'utuuwí a adór iigu'utudá' naa ár qoomár Mungú gixsár Yerusalemu ngiwa hhaamiisár áy. Nee sleeme a slaqmís nee iigu'utuudá' naa ár bihhaá yaaér Kebarír wa alé. Tidá' niwa huú' niri gurúr qaát yaamií ale.

ESEKIELI 8:1

Bál slahhángw lahhoó' tawa kooán kurkú lahhoó', aníng a dír dooeé' i dirií' dinkwa nee bariisér múk Yuda. Aníng /uuruú Aakoó MUNGÚ iri hatsiís ar gaanslaay.

DANIELI 10:4

«Slahhángw geera bál tawa mibeeri tsár nee tsiyáhh, aníng aga sihhiít dír gangeefír yaaér Tigri.

HOSEA 1:1

Kaangwí an axweesantá AAKOÓ MUNGÚ ar Hosea aa axaás, garmoó Be'eri, de'emaá waawituú yaamaá Yuda tawa Usia, nee Yotam, nee Ahasi nee Hesekia, nee waawutmoó yaamaá Israeli tawa Yeroboamu garmoó Yoashi.

Yoeli 1:1

Kaangwí an axweesantá AAKOÓ MUNGÚ, tidá' Yoeli garmoó Petueli aa axaás.

1 Timoteo 4:1

Qeeruú hhoohhoó' oo Mungú adoorí gaa ló'wa xu'utís adór qoomaadár alhhe'eesaay binda hardát, muu ir deér oo haratlintaao ga máw. Inooín qeeremaá al/agiimá' kin iiárií qamín, nee intsaahhasár neetlaame.

2 Petro 1:21

Asma axweesantá aaru'uuma kinga baloó huwiiká as adoodá' hee i slai. Ala muu axweesantá Mungú gana axweés kiwa geeraharahaár nee Qeeruú hhoohhoó' oo Mungú baraá muner'ine.