ESEKIELI 1:28 - Biblía Axweesantá Hhohho' ar Mungú 2004

²⁸ Adór ga/alér tluwaay, adoorí an adoodá' slaqsoó xirfuú AAKOÓ MUNGÚ i dirii'i. Adoorí ngiwa ár ana gurúr qaát, afór axwees ngiri axaás.

ESEKIELI 1:28 Iomraidhean Croise

IIMU/UUNGW 17:3

Abramu iri tumbarara'aát, Mungú iri oó',

TI'INAANGW 16:10

Qoomár Aroni iwa axweesi dír dinku'uumadár múk Israeli, inooín tana qaytsiít amór xaanxáy ale, naxés xirfuú AAKOÓ MUNGÚ nina geehhooúy ar gawaá huunki.

TI'INAANGW 16:7

Matlo matlaatleero kuungá' xirfuú AAKOÓ MUNGÚ u aandá', asma inós una i qununu/é'. Atén a ín heemá tam tiwa i qununu/a'?»

TI'INAANGW 24:16

Xirfuú AAKOÓ MUNGÚ iri aweér gawaá tloomár Sinai, tlooma kari qiptís nee huunkáy ay deelo lahhoó'. Bál faanqwe Mungú Mose guri ateét baraá huunkáydá' wa alé.

TI'INAANGW 24:17

Xirfuuduú AAKOÓ MUNGÚ a adór asltá gawaá ságw tloomár wa oh, slám ku geehhoó' dír múk Israeliwo.

ESEKIELI 10:4

Xirfuú AAKOÓ MUNGÚ iri tláy dír keruúbír wa ale, iri hardáh ay gawaá maandár do'odá', nee afeeni iri háts gwa/aatemaá xirfuú AAKOÓ MUNGUHE.

ESEKIELI 3:23

Naagáy niri sihhiít, niri tláw ay dír tlapapaaidá'. Héh, amoodae xirfuú AAKOÓ MUNGÚ una ár, aa sihhiít adoodá' ira sihhiít qoomaadár niwa dír yaaér Kebari, aníng niri i gurúr qaát.

ESEKIELI 43:2

Ga/aawaak, xirfuú Munguú múk Israeli niri da/aáw wa hardáh, afoorós adór kududuhoó úr oo xuraaír ma'aá yaariir, yaamu niri gwa/aatiyé' xirfuuwose.

ESEKIELI 44:4

Aníng iri huúw dír geeraá Doó Mungú ar loohír bihhaá /iya. Niwa qaytsiít xirfuú AAKOÓ MUNGÚ una ár, Doó AAKOÓ MUNGÚ gwaa hatsiís. Aníng niri tumbarara'aát, giti ngiri yaamúr óh.

ESEKIELI 8:4

Xirfuú Munguú Israeli i didá', inós a adór xirfudá' naa ár qoomár niwa baraá iigu'utu, kuduú baraá xatsa.

DANIELI 8:17

Gabrieli niri tseewúy didá' aníng nay sihhiít. Aníng niri da'ayuút ló'wa aleeró, niri gurúr qaát. «Ala aníng iri báy, ‹Aá heewí, iigu'utudá' taa aán gár i kaahi a daanduú muruú deelór alhhe'eesaay.›

TLAHHOÓ LAÁWI 9:24

AAKOÓ MUNGÚ asla ngay huúw, ilahhooár da/a gay /ák nee wahhnadá' gawaá ilahhooárí diriia. Muu sleémeero asla kawa ár tari tseé', tari gur'eérár huuhu'ún.

Tlehhema'aá ya/Abuuse 9:4

Saulo iri yaamií huú', afo gari axaás ar inós gwa beer, «Saúlo, Saúlo, ahaá waáy, án mis slahh'eemís?»

Rumi 9:4

Inooín a múk Israeli. Kina harafadiít tawa na/aá Mungú. Inooín xirfuú Mungú nguna ariyé'. Slám Mungú gina alqadoorós i haniís, nee hara'ayaaro. Nee slám dabér saalíngw Doó Mungú kana amor'ín i haniís, nee al'axweesantá Munguhe.

1 Korinto 13:12

Asma qoomaarihe atén an ga/aawaán ar baraá looa ar slaqsi'i. Ala qoomaadá' binda xeér, atén an ga/aawaán ar ilaarén awa kilá'. Qoomaarihe xu'utir'eé' i harqoomoó koón, ala qoomaadá' binda hardát, aníng a xu'uti hhe'eés, adoodá' tira xu'uti hhe'eés nee Mungú.

Geehhoeemaá 10:1

Malaykamoó hatlá' nguri ár oo aleesleemuú koóm, i awdiit gawaá doorí wa ale, kwaa tsiitiís ar huunkáy. Nee gár gawaá sagós i dirii' a ga/alér tluwaay. Slám gitsee/awós a adór tsee/amá. Nee ya'aawós a adór uheemaá asla.

Geehhoeemaá 4:3

Nee heedaádá' aa iwiit, inós bura ga/eér, i miirii/ adór tlaa/edá' tlaxo uren ta babay yáspi nee akíki. Nee ga/alér tluwaay kitangwduú aleesleemu gwa harwét, kalaywós a adór tlaa/anoodá' ta babay sumarídi.

HAR'OHUUSE 13:20

Qoomár tsángw asla iwa gawaá doorí tlatlay dír kitángw ilahhooár wa ale, malaykamoó AAKOÓ MUNGÚ iri gawaá doorí tláy ar baraá tsangwduú asla. Manoa nee hareerós adoorí kawa ár tari tumbarara'aát giti ngiri yaamúr oohiyé'.