ESEKIELI 1:27 - Biblía Axweesantá Hhohho' ar Mungú 2004

²⁷ Daanduú gawa oo slaqwtós adór i dirii'i a slaqmís nee muqslír sirdaa/aat ar mitsiihh, a adór asltá bihhe sleémeerowo gaa harwet, bihhaá baraay a adór asla, inós kuna harweér nee gwa/aateemaá gwa/aatá'.

ESEKIELI 1:27 Iomraidhean Croise

1 QOM'I 16:27

Ilaiwa/ame nee xirif ngwa harweeriyé', /uuru nee qwala/ do'ós ngway hatsisiyé'.

WARA'AMI 50:3

Munguúrén ni hardah, slám ni qawti hardihiiká, asltá /ayiim i dír geeraawós wa hi'ít, nee bambaaór duhhúm i fukuukú' nguwa harwedit badu sleémeero.

WARA'AMI 97:2

Huunkoó bó/ oo qoomár ma/mi Aakoó Mungú gwaa harweér, hhooeema nee sakwasleemár ganaa' an iimu/úngw waawuti'iimarós.

TI'INAANGW 24:17

Xirfuuduú AAKOÓ MUNGÚ a adór asltá gawaá ságw tloomár wa oh, slám ku geehhoó' dír múk Israeliwo.

ESEKIELI 1:4

Qoomár niwa qaytsiít, bambaaór tluwoó koom ar /iikú daahh ana ár. Huunkír ur kaa harweér nee mankarór wer'eliim, nee ar asltá bir'eeliim qooma sleémeerowo ana ár. Baraá tla/ángw asltadae naxés gár qwiirii/ adór muqslír sirdaa/aat i baraadií dirí'.

ESEKIELI 8:2

Iigu'utu nguri ár, naxés gár adór hee ana ár. Baráy wa tleemu ay afeetlo a adór asla. Iimír afeetloó wá tleemu ay gawa i qwiirí/ adór muqslír sirdaa/aat.

HABAKUKI 3:4

Miira/oorós a adór gwa/aateemaá maankari. Tsángw asla i baraá dabaawós wa ti'imiit. Diirí an didá' aleesleemuwós kway luú/.

DABE 4:24

Asma AAKOÓ MUNGÚ Munguúhúng a asltá /ayiim, inós a Munguú da/tá koóm.

2 Tesalonike 1:8

Qoomaadae tsángw asla iri deeruut. Inós mukdaádá' Mungú gwa xuiiká guri sakwasleemuut, nee kudá' Ya/abtór hho' ar Aakoorén Yesu nga iialooeesiiká.

Ebrania 12:29

Asma ar ló', Munguúrén an asltá mura' sleémeero gu /aay.