ESEKIELI 1:26 - Biblía Axweesantá Hhohho' ar Mungú 2004

²⁶ Gawaá daanduú gaarihe gár adór slaqsoó kitángw waawuti'iima ana ár, kalaywós a adór kuduú yakútír sirboo/, slaqsoó adór hee aa gawaadá' i iwiít.

ESEKIELI 1:26 Iomraidhean Croise

1 WAAWITÁ 22:19

Mikaya iri oó', «Gimáy axweesantá AAKOÓ MUNGÚ iiárií qaaseek: AAKOÓ MUNGÚ ugwa ár aa iwiít gawaá kitaangós kuduú waawuti'iima, nee slaqwaruuse sleémeero ar gawaá doori aa sihhít bihhaawós, tooka bihhaá doó /iyáy tiqá' awa doó basáy.

WARA'AMI 45:6

Mungú, kitaangók oo waawuti'iima i hotatin kureerisleém, Waawuti'iimarók a waawuti'iimár gan'amu.

TI'INAANGW 24:10

Inooín Munguú Israeli nguri ariyé'. Didá' aa ya'aawós i qaás a matla/ángw kwaá'o taa tleéhh ar yakutír sirboo/, hhoohhooariro a adór dooraá huunki wasl.

ISAYA 54:11

«Aá Yerusalemu, kiíngadá' taa slahh'eemiís, tidá' taa daawitamiís, ar gurkwa/asa gaa dakus. Ga/aaweek i malé tleéhh ar tlaa/aá tlaxo uren, iihhafiirirók a tleéhh ar tlaa/aá yakutír sirboo/.

ISAYA 6:1

Kurkú waawutmo Usia iwa gwaá', aníng Aako una ár aa iwiít gawaá kitángw waawuti'iima, kudá' gáwtí dirií' nee kwaa tleesa hhe'eés, pasleemaá inqwaarirós guruú doó Mungú nguna tuuntukiyé'.

ESEKIELI 1:22

Gawaá sagér muruuwí slafa, gár slaqsoó adór doori i deer. Gaarí i ló'wa gwa/át adór looár gitsee/a xuxuua.

ESEKIELI 1:5

Baraadae muruú slaáf oo tsiyáhh nguri ár, slaqsoó muuruwí adór i dirii' a adoorí: Slaqsi'ii'ín a adór slaqsoó hee.

ESEKIELI 10:1

Aluuwo niwa gawaá doorií qaytsiít, gawaá sagér hhampe'eeraá keruúbi, gár sir/awaak ar slaqmís tlehhemko nee kitángw waawuti'iima ana ár.

ESEKIELI 43:6

Qoomár heedaádá' iwa bihhaaeé' wa sihhmiiti, afór AAKOÓ MUNGÚ ana axaás i baraá Do'ós wa axwés.

ESEKIELI 43:7

Inós iri báy, «Heewí, diirí an didár kitangw'eé' oo waawuti'iima, an dír tsa/aá ya'aaeé' ngay qamaamiim. An hoót baraá tla/ángw múk Israeli wa ale ay alhhe'eesay wasle. Nee múk Israeli aníng i meetagaasiaaká, inooín awa kilá', laqaá waawitaáín, as slaqsi'iidaá munguaá hatlá' ngiwa haratlintatii'iya', laqaá waawitaáín kudaá qaatl kuwa inslaslay.

ESEKIELI 8:2

Iigu'utu nguri ár, naxés gár adór hee ana ár. Baráy wa tleemu ay afeetlo a adór asla. Iimír afeetloó wá tleemu ay gawa i qwiirí/ adór muqslír sirdaa/aat.

DANIELI 10:18

«Slaqsayduú adór hee aníng iri malé kwatiít, /uuru nguri sláw.

DANIELI 7:14

Inós kuri baalírí haniís, nee xirif nee waawuti'iima, as múk tlahh'i sleémeero, nee oo xoordu sleémeero, nee tsifri sleémeero kuwa sagadiyuusi. Waawuti'iimarós ar alhhe'eesaay wasle, i baloó waarahhká, nee waawuti'imarós ka baloó hhitinká.»

SEKARIA 6:13

Inós an heedá' Doó AAKOÓ MUNGÚ gu tleéhh, ilaiwa/amér waawuti'iima ga sláy, iri iwiit gawaá kitángw waawuti'iima, iri waawuti'ín, nee bihhaawose kaahamusmoó Mungú i deér, nee tla/ángw inooínaaká' tsare xu'utír wayda i deer.

Matayo 25:13

Naagáy Yesu iri oó', «Dalaaé', asma baala a xua'aaká laqaá siiwa.»

Matayo 28:18

Yesu giri i tseewúy, giri báy, «Aleesleemu sleémeero oo gawaá doori nee oo baraá yaamu kunga aníng i haniís.

Ebrania 1:8

Ala dír Garmaawo i kaahi, «Mungú, kitaangók oo waawuti'iima ku alhhe'eesay wásl, nee waawuti'iimarók a waawuti'iimár gan'amu.

Ebrania 12:2

Atén gár tiwa hariím masók a Yesu un ga/aawaán umuúqo siiwaro. Asma inós an iimu/úngw haratlintaaoorén, nee slám inós haratlintaaoorén ga boo/ees. Inós qwal/uudá' gu daamaaraám guna ár. Gawaá adoorihe gwa'arár msalaába gari qiqtlín, tam murér gwa'arár adoorí ga gaárií xuiiká. Nee hamí aa iwiít bihhaá dákw doó /iyáy oo kitangwduú aleesleemu oo Mungú.

Ebrania 8:1

Gár ak ur baraá muruuwí taa axweesani a tí, atén kaahamusmoó úr oo adoorí hamí u koomaán. Inós aa iwiít dákw doó /iyáy oo kitángw aleesleemu oo Munguúduú aleesleemuú koóm dooriwo.

YOSHUA 5:13

Looarka wake Yoshua iiwa isaapoó gixsár Yeriko, Yoshua heé símér koóm gway ár i geeraawós wa sihhmiit. Yoshua iri amoorós i hi'iít guri báy, «Xáy, kuúng a bartá slaqwaruusér ayaaréne laqaá bartá wakaruuseerén?»

1 Petro 3:22

Inós ina tsa/án gawaá doori, iri iwiít dákw doó /iyáy oo Mungú. Malayke nee kudá' aleesleemuú koomá' nee kudá' /uuruú koomá' kaa gawaá dabaawósií qaás.

Geehhoeemaá 1:13

Nee baraá tla/ángw kiteeridá' tsaa'asór kooma'a, heeko una ár oo adór slaqsoó garmoó hee. Hiyoó naa dahaás aa hardáh ay baraá ya'a', nee himuú sahaábu gwaa gawaá da/eewawósií tseék.

Geehhoeemaá 14:14

Aluuwo aníng niri qaytsiít, huunkír /awaak ngiri ár. Nee gawaá huunkirihe oo wák aa iwiít. Inós a adór Garmoó hee. Gawaá sagose gár i kon a slamángw sahaábu, nee baraá dakose gár i kon a tsatoó xaraásl oo tsaaráy.

Geehhoeemaá 20:11

Aluudae kitángw aleesleemu oo úr oo /awaák nguri ár, nee kudá' aa gawaadá' i iwiit. Doori nee yaamu gitsee/aawós ngiri ilaguwiyé', tam dir'ín iri qwát.

Geehhoeemaá 3:21

Heedaádá' arba/ati gaa slay, aníng inós u iwiitiís dinkwa nee aníng gawaá kitangw'eé' kuduú aleesleemu, adoodá' aníng arba/ati ngira sláw, niri iwiít dinkwa nee Baabuúeé' gawaá kitaangós kuduú aleesleemu.

Geehhoeemaá 5:13

Aluuwo aníng afór mura' sleémeero kudá' taa tleéhh ana axaás, kuduú gawaá doori nee kuduú baraá yaamu, nee tam kuduú baraá guruú yaamu, nee kuduú baraá tlawi sleeme. Muruuwí sleémeero aníng una axamiís tawa daai, ta kaahi, «Kudá' aa iwiit gawaá kitangwduú aleesleemu, nee Deelmoó bee/i, inooín tsuuqa a kooín, nee xirif, nee ilaiwa/ame nee aleesleemu ay alhhe'eesay wasle.»