ESEKIELI 1:16 - Biblía Axweesantá Hhohho' ar Mungú 2004

¹⁶ /Angeegeuuwí sleémeero adór kura tleéhh a wak, i ló'wa qwiirii/ adór tlaa/anoó sabarajaádi, nee slaqsay'ín a adór /angegeeamoó taa qaás baraá guruú kuqá'.

ESEKIELI 1:16 Iomraidhean Croise

1 WAAWITÁ 7:33

/Angeegeuuwí a adór kuduú gaárír faras i uuruxun, nee muqslaadár tla/aango, nee harweermoorose, nee muqslaadár baraá guruú /angeege'e, muqslaarí sleémeero kana weeqatís.

YOBU 9:10

Muruú urén oo xu'utiro ya/aamaaká guna tleéhh, muruú waa/oo/amo oo farooro ya/aamaaká guna tleéhh.

WARA'AMI 36:6

Gan'amuuwók a adór tlom'aá uren, sakwasleemarók a adór iltá tlawi, AAKOÓ MUNGÚ, kuúng muu nee makaywo in de'eén.

WARA'AMI 40:5

AAKOÓ MUNGÚ, kuúng muruú yaariír oo waa/oo/amór koóm ugwa tléhh, nee inslawaywók daanduurene ku úr. Heé ta kuúng ar qoomeesi i kaahh. Tí sleémeero bar alki/ituú wa slaá' nee daharemisuuwo, ka ló'wa yaariir tam alki/ituuwo a aleeslawaaká.

TI'INAANGW 39:13

Hháw tsiyáhh kuna qaalín ar tlaa/aá ta bay sambarajaádi nee awa shohaámu nee awa yáspi. Tlaa/eeká' sleémeero kina qamín baraá qoloqoloó sahaábu.

DAA'AANGW 5:14

Dabaawós ga munga'aá sahaábií dahaás, sahaábuú hhohhó' oo Tarshishír daáhh gwaa dahaás, slaqwtós a adór xaarmoó daangw, kudá' taa qaalín ar kal'aá yakutír samawi.

DANIELI 10:6

Slaqwtós in gwa/át adór sabarajadír hhoohhoo'. Gitse/aawós a adór mankari, nee ilaawós i gwa/aatiyá' adór tsángw asla. Ya'aawós nee dabaawose i mitsiihhiyá' adór muqslír sirdaa/aat ar taa ló'wa duúq. Afoorós a adór afór kwaara/ír múk yaariír.

DANIELI 7:9

«Qoomaadár kilá' aníng niwa xumiis, kiteeraá waawuti'iima kina qaás. Naagáy aakoodá' daadáw kureerisleém, iri iwiít gawaá kitaangós oo aleesleemu, tlabaá /awak nga dahaás adór tlaa/aá tluwaay, se'eengós a adór se'éngw /awák oo bee/aangw. Kitaangós oo waawutmi'iima a adór tsángw asla, nee /angeegeuwós i oh aslto.

Rumi 11:33

Ga/aaweek, xáy, daqaari'iimár Mungú adór kar úr, nee sagalooarós nee xu'utiro. Heé sakwasleemarós tsaahharo ga aleesláw a heemá? Heé lohuduuwós leelehhtuuwo gi aleesláw a heemá?

Efeso 3:10

Gár geeraawo ngusa luú/, a as sagalooarós ar yaariir ngiwa xu'utisi qoomaarihe dír waawitá nee dír kudá' aleesleemuú koomá' baraá yaamaá qeeruuwo ar loohír mukdá' inós gwa haratlintii'.