ESEKIELI 1:13 - Biblía Axweesantá Hhohho' ar Mungú 2004

¹³ Baraá tla/ángw muruudae gár adór slaqsoó gil'ór oh i deer. Gaarí a adór tsángw asla oo gwa/aát bihhe sleémeerowo. Asltí i ló'wa gwa/át nee mankaro ina baraadá' wa ti'imít.

ESEKIELI 1:13 Iomraidhean Croise

IIMU/UUNGW 15:17

Tam qoomár looa iwa dát, iimi iwa gíp, hutloó quuír wa haáts nina ti'iít, nee tsaa'astá asltá koom ina waaráhh ar baraá tla/eeriidaá fu'unaydá'.

WARA'AMI 104:4

Fur'a an ya/abusmoowók tléhh. Asla nee tsaangose an sagadiyuuseerók.

ESEKIELI 1:7

Ya'aaín naa gananaiyé', tsa/aá ya'aaín a adór fuqeenaá dama. Inooín i ló'wa qwiirii/iyá' adór muqslír sirdaa/aat ar taa duúq.

ESEKIELI 10:2

Mungú heedaáduú tlabaá neewór kitaáni guri báy, «Tláw baraá tla/ángw /angeegéuuduú bihhaá baraay awa keruúbi, tsa/aá dabaawók dalaa/eek gil'ór asltadá' baraá tla/ángw'íní diriia, daqaní ka tsaafís baraá gixsa.» Aníng nguri ár iwa tláy.

DANIELI 7:9

«Qoomaadár kilá' aníng niwa xumiis, kiteeraá waawuti'iima kina qaás. Naagáy aakoodá' daadáw kureerisleém, iri iwiít gawaá kitaangós oo aleesleemu, tlabaá /awak nga dahaás adór tlaa/aá tluwaay, se'eengós a adór se'éngw /awák oo bee/aangw. Kitaangós oo waawutmi'iima a adór tsángw asla, nee /angeegeuwós i oh aslto.

Matayo 28:3

Gitsee/aá malaykamoodá' a adór mankari, nee inqwaruuwós ku ló'wa /awák adór tlaa/aá tluwaay.

2 Tesalonike 1:7

Nee inós kuungaásingá' taa slahh'eemiís, nun amoohhooárí haniis, dinkwa nee atén. Adoorí in tleehharút qoomár Aako Yesu burkwa gawaá doorí wa geehhooeés, dinkwa nee malaykeerós ar aleesleemuú koom.

Geehhoeemaá 10:1

Malaykamoó hatlá' nguri ár oo aleesleemuú koóm, i awdiit gawaá doorí wa ale, kwaa tsiitiís ar huunkáy. Nee gár gawaá sagós i dirii' a ga/alér tluwaay. Slám gitsee/awós a adór tsee/amá. Nee ya'aawós a adór uheemaá asla.

Geehhoeemaá 18:1

Alaá muruuwihe malaykamoó hatlá' nguri ár. Malaykamoowí i awdiit gawaá doorí wa ale. Inós aleesleemuú úr gu kón. Yaamu kiri gwa/atís xirfuuwose.

Geehhoeemaá 4:5

Nee gawaá kitangwduú aleesleemuwo gár ti'imiit a mankari nee xuuraai nee kududuhaay. Nee dír geeraá kitangwduú aleesleemuwo tsaa'asór faanqw i dír geeraadá' wa ót. Tsaa'asoorí a Qeereemaá faanqw awa Mungú.