ESEKIELI 1:1 - Biblía Axweesantá Hhohho' ar Mungú 2004

¹ Bál slahhángw tsiyáhh tawa kooán, kurkú mibeeri tám, qoomár aníng nee mukdá' taa loohatís tawa baraá yaamaá Babulónírí diriiaan, bihhaá yaaér Kebari, doori nina gweeritiyé', iigu'utuú Mungú nguri ár.

ESEKIELI 1:1 Iomraidhean Croise

IIMU/UUNGW 15:1

Alaá kaangwihe Abramu axweesantá AAKOÓ MUNGÚ gari axaás ar baraá iigu'utu, i kat, «Abrámu, ma da'ayumiitaar, aníng a baqmoórók. Slaasláwarók ka ló'wa ur.»

IIMU/UUNGW 46:2

Mungú iri axweés nee Israeli ar baraá iigu'utu qoomár xweera, guri báy, «Yakóbo, Yakóbo.» Inós iri oó', «Aníng a diirí.»

WARA'AMI 137:1

Ana iwiitaán afaá ya'aá Babuloni, Siyoni kawa iinslawaán ana /aa/amiimaán.

TI'INAANGW 24:10

Inooín Munguú Israeli nguri ariyé'. Didá' aa ya'aawós i qaás a matla/ángw kwaá'o taa tleéhh ar yakutír sirboo/, hhoohhooariro a adór dooraá huunki wasl.

ISAYA 1:1

Kaangwí an iigu'utuú Isaya garmoó Amos aa ár, daanduú Yuda nee gixsár Yerusalemuro, de'emaá waawituú Yuda oo aa waawuti'ii'ín tawa kwí: Usia, nee Yotam, nee Ahasi, nee Hesekia.

ISAYA 6:1

Kurkú waawutmo Usia iwa gwaá', aníng Aako una ár aa iwiít gawaá kitángw waawuti'iima, kudá' gáwtí dirií' nee kwaa tleesa hhe'eés, pasleemaá inqwaarirós guruú doó Mungú nguna tuuntukiyé'.

YEREMIA 29:15

«Asma kuungá' a kata', ‹AAKOÓ MUNGÚ aaruuseerén ngaa yaamaá Babulonír wa sláy.›

ESEKIELI 1:3

anuú kaahamusmo, Esekieli garmoó Busi, qoomár niwa baraá yaamaá Kaldayórí, dirii' bihhaá yaaér Kebari, axweesantá AAKOÓ MUNGÚ ana axaás, nee baraadaádae /uuruú AAKOÓ MUNGÚ i gawaaeé'.

ESEKIELI 10:1

Aluuwo niwa gawaá doorií qaytsiít, gawaá sagér hhampe'eeraá keruúbi, gár sir/awaak ar slaqmís tlehhemko nee kitángw waawuti'iima ana ár.

ESEKIELI 10:10

/Angeegéuuwí tsiyahhawo a slaqamiimís, nee umuú /angegeeamo kwaáo kuna qaás guruú kuqá' i alé.

ESEKIELI 10:15

Keruúbi iri gáwtí /akumít. Muruuwí slaáf an kudá' naa ár qoomár iisapoó yaaér Kedarírí ale.

ESEKIELI 10:20

Muruuwí slaáf una tsaáhh, a kudá' naa ár bihhaá baraay awa Munguú Israeli dír isaapoó yaaér Kebari. Aníng ngiri tsaáhh adór tar keruúbi.

ESEKIELI 10:22

Gitsee/er'ín sleeme ana tsaáhh, a tidá' naa ár amoodár yaaér Kebari wa alé. Umuú gaaro geera gina i ganaá' hi'iitanooro.

ESEKIELI 11:24

Qoomár niwa baraá iigu'utuuwí dirii', qeeruú Mungú ina gáwtí tleés, iri huúw ay yaamaá Babuloni dír mukdá' baraá looháy dirií'. Naagáy iigu'utuuwí iri faák.

ESEKIELI 3:15

Mukduú baraá loohaay nguri i hardáh, kudá' bihhaá Kebarírí dirií', tidár baraá Tel-abibu. Niri didá' wa hoót nee inooín deelo faanqw, amorqae gár ni xuu' i káhh.

ESEKIELI 3:23

Naagáy niri sihhiít, niri tláw ay dír tlapapaaidá'. Héh, amoodae xirfuú AAKOÓ MUNGÚ una ár, aa sihhiít adoodá' ira sihhiít qoomaadár niwa dír yaaér Kebari, aníng niri i gurúr qaát.

ESEKIELI 40:2

Naagáy qoomár niwa baraá iigu'utií dirii', AAKOÓ MUNGÚ ina ar tláy ay baraá yaamaá Israeli, iri tsa/aás gawaá tloomár ló'wa tleer, nee bihhaá basko gár adór maraá baraá gixsa nina lak geehhoouyé'.

ESEKIELI 43:3

Iigu'utuuwí a adór iigu'utudá' naa ár qoomár Mungú gixsár Yerusalemu ngiwa hhaamiisár áy. Nee sleeme a slaqmís nee iigu'utuudá' naa ár bihhaá yaaér Kebarír wa alé. Tidá' niwa huú' niri gurúr qaát yaamií ale.

ESEKIELI 8:3

Naagáy gár adór dako aníng iri se'e óh. Qeeruú Mungú iri tleés dír tla/ángw doori nee yaamuwo, iri huúw ay Yerusalemu, aníng aqo baraá iigu'utuwú Mungú i dirií'. Niri hardáh dír dahmaá baraá matla/aangw bihhaá /iiko, didaádá' taa slaqsoó munguaá hatlá' i qaás, kudá' Mungú buhhtamís.

HOSEA 12:10

Aníng ana axweés dír aaruuse, nee ngay iigu'utuú yaariírí haniís, niri axweés ar slaqsi'i ar loohír aaruuse.

Yoeli 2:28

«Daqaní alaá tihe aníng muu sleémeero u hatsiís ar Qeeruueé'. Daaqayhúng nee dasuuwo tari aarirín. Bariiserhúng iri tlatiitiín, nee masoombarhúng iigu'utu guri aán.

FAARO 12:6

Naagáy AAKOÓ MUNGÚ giri báy, «Axweesante'eé' iiárií qaasaak, ‹Barnaxes aarusmo i deer baraá tla/angwhunge, aníng tin dirós i xu'utís ar loohír iigu'utu, nee tari axweesaán ar baraá tlata.

FAARO 4:3

Hhawaate sleémeero faareek iimír awa kureeri mibeeri tám wa oohang ay awa kureeri mibeeri kooán, kudá' handá' hariimá' baraá gadiyeérír heémár Munguhe.

Matayo 17:9

Qoomár niwa gawaá tloomár wa awdiitiya', Yesu eeharuuseerós gari báy, «Kaangwí taa aandé' mu baloó heé bawaara' ay dír Garmoó Hee ni baraá gi'i wa waaslee/i.»

Matayo 3:16

Yesu baatisaro kuwa hhe'eés, hamtidár kilae iri baraá yaaér wa ti'iít. Doori nay gweeritiyé', Qeeruú Mungú guri ár iwa gawaawós i awdiiti adór hhookír wa ale.

Marko 1:10

Siiwadár kilá' iwa baraá ma'áy wa ti'iít, doori gina ár naa gweeritiyé', nee Qeeruú hhoohhoó' oo Mungú i gawaawósí awdiit adór hhooki.

Luka 3:21

Qoomár muu sleémeero baatisaro kuwa hhe'eés nee Yesuwo, Yesu iwa firiirin, doori niri gweeritiyé',

Luka 3:23

Yesu qoomaadae kureeriiwós a afi qoomár mibeeraá tám gadiyeérós ngiwa iimu/ún. Inós a garmoó Yosefu, adoodá' muu ngira xuú'. Xwayliteérós adór tira harahát a adoorí: Yosefu, garmoó Eli,

Yohana 1:51

Yesu Natanaeli guri báy, «Án a kah, doori iqo aandá' adór nir gweeritiya', nee malaykér Mungú iwa tsa/a/aan nee iwa awdit gawaá Garmoó Hee.»

Tlehhema'aá ya/Abuuse 10:11

Doori giri ár naxés naa gweeriitiyé', nee gár adór inqwaarír ur ar pasleemo tsiyáhh kingi yaamií aweerimiis.

Tlehhema'aá ya/Abuuse 10:3

Looarka wake qoomár looár gwaleél ar tlaatla/aangw iigu'utu guna ár. Malaykamoó Mungú guna i daqáy, guri báy, «Kornelío.»

Tlehhema'aá ya/Abuuse 7:56

Iri oó', «Doori iga ár naa gweeritiyé', nee Garmoó Hee aa sihhiít bihhaá dákw doó /iyáy oo Mungú.»

2 korinto 12:1

Aníng gár tiwa hariím tin kilooeé' xirfayeemiís, tam adoorí gár i bu' i kahha. Ala daxta aníng a kumiít axweesanto kángw iigu'utu nee geehhooeemisuuduú Aako naa aníng i laqán.

Geehhoeemaá 19:11

Aluuwo doori ngiri ár naa gweeriitiyé'. Nee faraásír /awaak ngiri baraadá' wa ár. Nee heé faraásidá' gaa i tsa/an ku bay Heé inkihhím nee Heé Looeemaá káh. Inós sakwasleema ga tleehh nee slaqwara ar gan'amu.

Geehhoeemaá 4:1

Alaá muruuwí sleémeerowo aníng niri malé qaytsiít, nee ga/aaweek, afkú doó taa gweér una ár gawaá dooriiwo. Nee afoodá' aa axwes nee aníng qoomaadár geeraawo, tidár adór tarumbeéta, aníng iri beér, «Amoorí tsa/amang, nee muruudá' aluú wa hardáh, aníng ngu dirógií laqaám.»