Efeso 6:3 - Biblía Axweesantá Hhohho' ar Mungú 2004

³ Al'axweesani a tí, «as amohhooa kawa sleer tawa hot deelór yaariire baraakaá yaamuwo.»

Ya/abtór hho' 1977

³ Al'axweesani a tí, “as amohhooa kawa sleer tawa hot deelór yaariire baraaká' yaamuuwo.”

Efeso 6:3 Iomraidhean Croise

ISAYA 3:10

Múk hota ganaá' ádbawaak adór inooín tar tsiní, asma inooín mamaá tlehhmi'ii'ín ngi /ayiyá'.

YEREMIA 35:7

Nee maraay mi tleehhara', qamu mi dooslara' laqaá tam qamaá sabiíbu mi koomara'. Ala kuungá' aqo an hotá' baraá heemadú wa alé deelo sleémeero ar hotangwhunge, as tawa hota' deelór yaariir baraá yaamuwo adór dahaaye.›

YEREMIA 42:6

Ta ka hhoó' laqaá ka tlaákw, atén afór AAKOÓ MUNGÚ Munguúrén kudá' kuúng uy ya/abitaan aqo an iialooeesaán, as kahhó' doóqa atén bar afór AAKOÓ MUNGÚ, Munguúrén aga iialooeesaán, kangwrén i hhooáy.»

Efeso 6:2

«Baabuúwók nee aayo ilaiwawa/eek.» Hara'ayaarí an hara'ayaadár geera, tidá' al'axweesantá koom.

Efeso 6:4

Kuungá' xwaylité, na/iihúng mi buhhtimisara', ala geeraharaaharaak ar baraá ilaiwa/ame, nee kiwa naanaqá' ar baraá Aako.

DABE 12:25

Tseere ma /ayaara', asma bar aga /agi'iiká, adór hhoo' aga tlehhé' dír geeraá AAKOÓ Munguhe, nee diihhooa a sleerá', kuungá' nee na/iihunge.

DABE 12:28

Ti ló'wa harmagahhe' axweesantí naa bawi iialooeesé', as kuungá' diihhooa kawa sleera' dinkwa nee na/iihúng awa aluúwaá hardahá' ay alhhe'eesay wasle, asma kuungá' adoorihe adoodá' hhoo' aga tlehhé' dír geeraá AAKOÓ MUNGÚ, Munguúhunge.

DABE 22:7

Tsir/ír ur tidá' umiim geemaweek ala na/ii ar tleemuuwo i aleesleér. Adoorí bara tléhh, diihhooa a sleér nee kureeraá yaariir i hót.

DABE 4:40

Gawaá adoorihe, kaahirós nee hara'ayaarós oohaak, tidá' laarí aníng naa haniís dirhúng as diihhooa kawa sleera', kuungá' dinkwa nee na/iihúnge, as kahhó' tawa hota' deelór yaariire baraá yaamuudá' AAKOÓ MUNGÚ, Munguúhúng ni kuungá' i haniisi ay alhhe'eesay wasle.»

DABE 5:16

«Baabuúwók nee aayoorók ilaiwawa/eek adoodá' anuú AAKOÓ MUNGÚ, Munguúwók, una hara'ayiím, adoorí tleehheek as slafíngw kureeraá yaariir kuwa sleer, nee diihhooa kawa sleer baraá yaamuudá' AAKOÓ MUNGÚ Munguúwók ni kuúngií haniisi.

DABE 5:33

Kangwdá' sleémeero AAKOÓ MUNGÚ, Munguúhúng naa hara'ayín eeharaak, as tidá' sleémeero kuungá' ta tlehha' iwa qoon, nee deelór hotaahung kiwa sleera' baraá yaamuudá' ta sleera'a, tawa aalirhúng.»

DABE 6:18

Gár AAKOÓ MUNGÚ gu sla'atamis na tleehhaak, daqaní kuungá' diihhooa a sleerá'. Kuungá' daqaní yaamuudá' hhoohhoo' AAKOÓ MUNGÚ aa lo'ór wa /aáy dír baabi'iihúng i ala'.

DABE 6:3

Gawaá adoorihe, kuungá' múk Israeli, ilakaaharu tleehhaak, as diihhooa kawa sleera' nee tawa ló'wa doogiinda' baraá yaamuudaá diihhooár ilwa nee dane, adoodá' AAKOÓ MUNGÚ, Munguú baabi'iihúng ngira al'axweés.

RUTI 3:1

Looarka wake Naomi Ruti gari beér, «I hariíndaáke aníng iwa hhawaatí slaw as kiíng tawa hot ar amohhooa.