Efeso 6:20 - Biblía Axweesantá Hhohho' ar Mungú 2004

²⁰ Aníng a ya/abusmoó Ya/abtoorí hho', ala tam taa tseegi. Gawaá adoorihe, án aleefiriirimaaré' as Ya/abtoorí hho' ngi axwees ar pihh'uuma adoodá' aníng wá hariim.

Ya/abtór hho' 1977

²⁰ Aníng a ya/abusmoó Ya/abtoorí hho', ala tam taa tseegi. Gawaá adoorihe, án aleefiriiriimaaré' as Ya/abtoorí hho' ngi axwees ar pihhu'uuma adoodá' án iwa hariím.

Efeso 6:20 Iomraidhean Croise

AXWEESANOÓ SAGALOOA 13:17

Ya/abusmoó tlaákw muu gun baraá slahh'amuú i dahaas, Ala ya/abusmoó inkihhím amohhooa ga huuw.

ISAYA 33:7

Ga/aawaak, muk'ín oo miguuse i baraá lohdu wa /aa/amín, ya/abuuser'ín tidár wayda /aa/eewo aa slahhá'.

ISAYA 58:1

AAKOÓ MUNGÚ i kaahi, «/Aá/ ló'wa ale, ma xaslitaar, tseé' adór tarumbeéta. Muk'eé' dakuúsar'ín ti alki/it, Tlakweemaá doó Yakobo ooeek.

YEREMIA 1:17

Hám daxta kuúng Yeremía, ti amohhe'es siinotaywók tseegeek. Tláw tí u babaw ooeek, inooín mi da'ayumitaar, as kahhó' aníng kuúng muwa de'eérí tleés dír geeraaine.

YEREMIA 40:1

Axweesantá AAKOÓ MUNGÚ Yeremia gana axaás qoomár Nebusaradani geeraharuusmoó xuumuusér waawutmo, Yeremia nguwa ya/aamár i haniís iwa tlay baraá Ramaro. Geeraharusmoowí Yeremia guri ar tláy, qoomaarihe Yeremia dabaawós kaa tseék ar piíngu dinkwa nee múk hatlá' oo Yerusalemu sleémeero nee oo Yuda kudá' taa huúw baraá loohaay.

Tlehhema'aá ya/Abuuse 21:33

Geeraharusmoodá' iwa hardáh Paulo guri óh, hara'aya gari oó' kuwa tseegi ar pínguú tsár, giri yaahaás, «Heewí a heemá? Nee gár aa tleéhh a milá?»

Tlehhema'aá ya/Abuuse 26:29

Paulo iri oó', «Tam ar /ayma'aá yaariir laqaá tam awa niinawe, ala gár ni fiririim dír Munguhe, kuúng masók an adór aníng tleehhít, ala mutuwa adór aníng wa tseék. Slám a kuúng kilogeeká, ala tam mukwí sleémeero oo aníng i iiárií qamiím diirihe.»

Tlehhema'aá ya/Abuuse 28:20

Ala gawaá adoorihe án kuungá' nuna ateét, iwa artá eera' nee tawa al'axweesaan. Asma aníng taa tseék ar pínguuwí as haraxu'utír múk Israeli.»

Tlehhema'aá ya/Abuuse 28:31

Kángw waawuti'iimár Mungú guri alki/iít, nee kángw Aako Yesu Kristo guri intsaahhatimís ar pihh'uuma, nee heé inós gwa ilaa/ i kaahh.

Tlehhema'aá ya/Abuuse 5:29

Petro nee ya/abuuse tari oó', «Gár atén tiwa hariím a Mungú un iialooeemisaán ta múk aleesleemuú kooma.

2 korinto 3:12

Atén haraxu'utír adoorí kawa qo koomana, pihh'uuma a koomaán.

2 korinto 5:20

Gawaá adoorihe atén a ya/abuusér Kristo. Atén bar axweesaán, a adór Mungú in gurbu'ún ar afeerén. Gawaá adoorihe atén kuungá' nun firiimaán as daanduú Kristó wa ale as kuungá' tunduwa haraki/isi nee Mungú.

Efeso 3:1

Gawaá adoorihe anuú Paulo, án kuungá' nu aleefiriiriím, anuúwí taa tseék nee Kristo Yesu as daanduú kuungaásingaá múk xoordu.

Efeso 4:1

Aníng kuungá' nun ló'wa firiiriím, aniíwí taa tseék as Aako, hooté' ar adoodá' hariím as ateetamoodá' Aako kuungá' nura ateét.

Efeso 6:19

Aníng sleeme aleefiriirimaaré', as axweesanoó ni oo' nguwa slaw nee aleesleemu, as kahhó' lu/aaroó Ya/abtór hho' nguwa alki/iit ar pihh'uuma.

Filipi 1:20

Gár án ni harahhiif a tí, aníng a baloó muruutaaká baraá umuúqo gaaro. Asma umuúqo gaaro ar án ni slaw xirfuú Kristo gu laqaán ar geehhooeema dír muu sleémeerowo, adoodá' Kristo kura xirfayeés aáng, nee tam hamí sleeme kuqo xirfayees, as muruudá' án ni slaw barnaxes ar slafingw'eé' laqaá ar gwa'arar'eé'.

Filipi 1:7

A gár hariím dir'eene adoorí ngiwa inslaslaw daanduuhunge, asma kuungá' a baraá muunaáeé' dir'á'. Asma kuungá' sleémeero tsuuqaá Mungú iga sleeré' adór aníng wa ale qoomár aníng tiwa tseék, nee tam qoomár Ya/abtór hho' ngiwa aleekal/aám nee looeemaawós ngiwa laqaqaám.

Kolosai 4:3

Atén sleeme ti aleefiriiriinde' as Mungú pa/aangw nguwa haniisi, oo ya/abtoorós ar lu/aaroó Kristo kawa alki/iitaan. Lu/aaráywí an kudá' aníng tisa tseék.

Kolosai 4:4

Firiirimé' as aníng kángw lu/aaráywí nguwa axwees ar geehhooeema adoodá' aníng tiwa hariím.

1 Tesalonike 2:2

Kuungá' a xuá' adór atén tira slahh'eemiís nee tira niqimís baraá yaamaá Filipír wa ale qoomár niwa hardahaaniiká ayaahúng i alé. Ala Mungú tiri /uurií haniís, Ya/abtór hho' ngari kuungá' i alki/iitaán, tam dukuutsér yaariir aga slaaslawaani.

2 Timoteo 1:16

Aako múk doó Onesiforo ngu gurtleemuú i haniisi. Asma daqtá yaariire inós aníng i gurkwa/mamis, tam tsegmueé' kwí aníng tiwa tseék gu sa murumiitiiká sleeme.

2 Timoteo 2:9

Aníng tin slahh'eemiis as Ya/abtoorí hho', slám taa tseék tawa adór heé tlaákw. Ala axweesantá Mungú kaa tseegiiká.

Filemoni 1:10

Aníng kuúng u firiím as na/ay'eé' Onesimo. Inós aníng una laqwaál ar baraá Yesu baraá tsegmoó wa ale.

Filemoni 1:9

Ala án kuúng u firiím adoorí kawa tlehh ar sla'aari. Anuú Paulo a aako, nee slám a baraá tsegma as Kristo.

1 Yohana 3:16

Atén daxta sla'aari aga tsaahhaán, asma Yesu slafiingós guna duúx as atén. Gawaá adoorihe atén sleeme gár tiwa hariím a slafingwrén un duuxaán as hhaeerén.

Yuda 1:3

Sla'aaruúse, aníng kángw ba/ama nguwa dirhúng i gooiim una ló'wa slaá'. Nee ba/amarí a toorén atén sleémeero. Ala aníng ana tsaáhh adór gár hariím gooiro tar kuungá' nuwa gurbuu'. Gurbu'ungw'eé' a kwí kuungá' haratlintaao sageeslaqwaak, tidá' Mungú aa saayín dír mukós sagaáwa wák wa ale.