Efeso 6:2 - Biblía Axweesantá Hhohho' ar Mungú 2004

² «Baabuúwók nee aayo ilaiwawa/eek.» Hara'ayaarí an hara'ayaadár geera, tidá' al'axweesantá koom.

Ya/abtór hho' 1977

² “Baabuúwók nee aayo ilaiwawa/eek.” Hara'ayaarí an hara'ayaadár geera, tidá' al'axweesantá koom.

Efeso 6:2 Iomraidhean Croise

TI'INAANGW 20:12

«Baabuúwók nee aayoorók ilaiwawa/eek as slafíngw kureeraá yaariir kuwa sleer baraá yaamuudá' AAKOÓ MUNGÚ Munguúwók ni kuúngí haniisi.

AXWEESANOÓ SAGALOOA 20:20

Heé baabuúwós nee aayooro gi lu'umís, slafiingós in slapiit adór tsaa'asi bira gwá' baraá giwtír ma/amiro.

YEREMIA 35:18

Ala Yeremia múk doo Rekabu guri báy, AAKOÓ MUNGÚ Aleesleemusmo, Munguú Israeli i kaahi, «Asma kuungá' hara'ayár baabuúhúng Yonadabu kawa iialooeesé', nee intsaahhasarós kawa eehadá', nee tidá' sleémeero na kuungá' báy kay oté',

YEREMIA 35:7

Nee maraay mi tleehhara', qamu mi dooslara' laqaá tam qamaá sabiíbu mi koomara'. Ala kuungá' aqo an hotá' baraá heemadú wa alé deelo sleémeero ar hotangwhunge, as tawa hota' deelór yaariir baraá yaamuwo adór dahaaye.›

ESEKIELI 22:7

Baraawoge baabá nee aayí kin waaqaqaa'. Heé dahaaymo oo baraasíng hoót aqo kun mura' hayoh. Na/aá panaay nee /ameenár kwaeeliwo kin baramaanuus.

MALAKI 1:6

AAKOÓ MUNGÚ Aleesleemusmo kuungá' nun yaahamiis, «Na/aay baabuúwós gun ilaiwawaa/, nee sagadiyusmo aakoowós gun ilaiwawaa/, ala aníng bar baabuúhúng, ilaiwa/amer'eé' i amá? Nee aníng bar aakoohúng, ilaiwa/amer'eé' i amá? Kuungaá kaahamuusér Mungú, awa umuueé' ngu waaqaqa'á', kuungá' a kata', ‹Umuuwók adór ngura waaqaqa'aán a adoomá?›

Rumi 13:7

Umuúqo heewo tidá' inós wa hariim haniisaak. Heé koódi, koódír i haniisaak, heé ohme, ohmér i haniisaak, kudá' daér wa hariím, da'ayuumitaak, kudá' ilaiwa/amér wa hariím, ilaiwawa/aak.

Efeso 6:3

Al'axweesani a tí, «as amohhooa kawa sleer tawa hot deelór yaariire baraakaá yaamuwo.»

DABE 27:16

«Umuúqo heewo oo baabuúwós, laqaá aayoorós waaqaqaá', kwaa lu'ús.» ‹Nee muu sleémeero ta ooi, Amin.»

DABE 5:16

«Baabuúwók nee aayoorók ilaiwawa/eek adoodá' anuú AAKOÓ MUNGÚ, Munguúwók, una hara'ayiím, adoorí tleehheek as slafíngw kureeraá yaariir kuwa sleer, nee diihhooa kawa sleer baraá yaamuudá' AAKOÓ MUNGÚ Munguúwók ni kuúngií haniisi.

1 Timoteo 5:4

Ala kwaalo'o barnaxes i na/aá koón, laqaá na/aá naangós, na/iiká' gár kiwa hariím a hariímar'ín ngin xuiyá' ar múk dooín nguwa amohhe'eemisiya', nee xwaylitér'ín ngiwa ga/aya'. Asma adoorí Mungú gu sla'atamís.