Efeso 6:19 - Biblía Axweesantá Hhohho' ar Mungú 2004

¹⁹ Aníng sleeme aleefiriirimaaré', as axweesanoó ni oo' nguwa slaw nee aleesleemu, as kahhó' lu/aaroó Ya/abtór hho' nguwa alki/iit ar pihh'uuma.

Ya/abtór hho' 1977

¹⁹ Aníng sleeme aleefiriiriimaaré', as axweesanoó ni oo' nguwa slaw nee aleesleemu, oo lu/aaroó Ya/abtór hho' nguwa alki/iit ar pihhu'uuma.

Efeso 6:19 Iomraidhean Croise

Tlehhema'aá ya/Abuuse 13:46

Paulo nee Barnaba tari axweés ar pihh'uuma. Tari oó', «Axweesantá Mungú geeraawo gár kawa hariím a kan dirhúngí alki/iit. Ala bar kuungá' ana sié', nee slám bar aga aandé' adór slafíngw alhhe'eesay wásl kur sla'a'aaká, gimsé', atén aga warqawaán amór múk xoordaá hatlá'.

Tlehhema'aá ya/Abuuse 14:3

Inooín tari amoodá' wa hoót deelór yaariire. Kángw Aako kuri axweés ar pihh'uuma. Aako aleesleemu guri dir'íní haniís oo layu nee muruú waa/oo/amo kuwa tlehhiiti, Aako axweesantadár daanduú gurtleemuuwós gari laqán adór tar ló'.

Tlehhema'aá ya/Abuuse 18:26

Axweesantá Mungú gari alki/iít ar pihh'uuma baraá doó saalíngw wa ale, tam Priskila nee Akila nguwa iiárií qaminé', kurir waátl, kángw loohír Aako kuri dirósí alki/it hhe'eés ar adoodá' ir hariin.

Tlehhema'aá ya/Abuuse 19:8

Paulo ina daráh baraá doó saaliingw, har afi qoomár slahheeri tame kángw waawuti'iimár Mungú guri baraadá' wa alki/iít ar pihh'uuma. Paulo nee muu tina tlaampa'aamisiyé', nee muu guri harakeemiís.

Tlehhema'aá ya/Abuuse 2:4

Sleémeero kiri hatsiís Qeeruú hhoohhoó' oo Munguhe. Tari axweés ar tsifrír dimbadimbé, adoodá' Qeeru ngira aleesleemuú i haniís ilawatsto.

Tlehhema'aá ya/Abuuse 28:31

Kángw waawuti'iimár Mungú guri alki/iít, nee kángw Aako Yesu Kristo guri intsaahhatimís ar pihh'uuma, nee heé inós gwa ilaa/ i kaahh.

Tlehhema'aá ya/Abuuse 4:13

Mukdaádá' urén oo doó kwasleema pihh'uumár Petro nee Yohane kawa ár, nee kawa tsaáhh tawa múk aa soomuusiiká, tari waa/oó/. Kari tsaáhh adór mukwí nee Yesu tar dinkwa.

Tlehhema'aá ya/Abuuse 4:29

Ala Aáko, ham daxta de'e tlaquuín ga/aaweek, nee sagadiyuuseerók aleesleemu ti hanis as axweesantók kawa axweesi ar pihh'uuma sleémeero.

Tlehhema'aá ya/Abuuse 4:31

Mungú firooro kuwa hhe'eés, didaádá' tay burumburiít iri daaraxát, sleémeero tari haáts Qeeruú hhoohhoó' oo Munguhe. Axweesantá Mungú kari alki/iít ar pihh'uuma.

Tlehhema'aá ya/Abuuse 9:27

Ala Barnaba Saulo guri huúw amór ya/abuuse. Kaangwí guri dir'ín i alki/iít adór Saulo Aako ngura ár loohiro, nee adór Aako ira axweés nee Saulo, nee Saulo Ya/abtór hho' adór ngira alki/iít ar pihh'uuma baraá Damaskoro ar umuú Aako.

Tlehhema'aá ya/Abuuse 9:29

Iri axweés nee tiri tlaampa'amisiyé' nee múk Yahudi, kudá' tsifrír Yunanír ar axweesá'. Ala inooín adór kur gaasi kari axweés.

Rumi 15:30

Hhaee'eé', án kuungá' nu firiím ar baraá Aakoorén Yesu Kristo, nee ar sla'aaridá' amór Qeeruú hhoohhoó' oo Mungú daahh, ilakaahara tleehhaak dinkwa nee aníng iwa aleefiriiriinda' dír geeraá Munguhe.

Rumi 16:25

Mungú i xirfuuti. Inós ga aleesláy kuungá' nuwa gawdeesi baraá haratlintaaooro ar Ya/abtór hho', tidár daanduú Yesu Kristo, aníng ni alki/iit, nee ar lu/aaráydá' taa iimír aáng wa luú/ kuwa geehhooeés.

1 Korinto 1:5

Asma baraawose kuungá' mura' sleémeero ugwa sleeré', tam axweesani sleémeero nee xu'uti sleémeerowo.

1 Korinto 2:7

Ala sagalooarí aníng ni axwees a sagalooár Mungú, tidá' taa luú/. Sagalooarí an tidá' Mungú aa iimír aáng wa tsawaár, qoomár yaamu kiwa tleehhiiká, as atén tiwa xirfuú i haniisi ar loohír sagalooarí.

1 Korinto 4:1

Gawaá adoorihe hee atén ti tsaahhi adór atén tar sagadiyuusér Kristo nee saayuusér kangwdá' taa luú/ oo Mungú.

2 korinto 1:11

Slám kuungá' sleeme atén ti alee/isá' ar loohír firorhúng. Gawaá adoorihe múk yaariír Mungú gu ló'wa sluufiis as atén, as tsuuqaá Mungú, kudá' atén taa slawaán as firór múk yaariir.

2 korinto 3:12

Atén haraxu'utír adoorí kawa qo koomana, pihh'uuma a koomaán.

2 korinto 6:11

Kuungá' múk Korinto, atén kuungá' nun i axweesaán ar axweesanoó /awák. Atén muneerén ka /awak dirhunge.

2 korinto 7:4

Aníng a xuurumitaaká daandeemoohunge. Aníng ti ló'wa xirfayeemiís as kuungá'. Gawaá adoorihe aníng taa ló'wa gurkwa/ás, nee qwal/amaayér ló'wa ur aga sláw baraá slahh'amaayeerén tí ta koomaana.

2 korinto 8:7

Kuungá' a ló'wa daqaare baraá umuúqo gaaro, baraá haratlintaaooro, nee baraá axweesanaywo, nee baraá xu'uti nee baraá ilakaaharu sleémeero, nee baraá sla'aarirhúng, tidá' atén tiwa sla'a'a. Gawaá adoorihe adór kuungá' tar daqaare baraá ohmeesíng ta hanisa'a laqaamaak sleeme.

Efeso 1:9

Inós atén tina sla'aarirós i laqán, tidá' taa luú/, tidá' aa slaá' boo/eesaaro. Al'axweesani gana oó' adoorí ngiwa boo/eesi ar baraá Kristo.

Efeso 3:9

Nee án gár tiwa hariím a lu/aaráydá' Mungú i tleehhamór wa slai, loohír ir tleehharuuti an gwa/atimís dír múkwií ale. Iimír iimu/uungo Mungú, kudá' mura' sleémeero gwa tleehh, kaangwí guna luú/.

Kolosai 2:2

Gár ni slaa' masók inooín kin gurkwa/as, nee kiwa haragaasi baraá sla'aari, as xu'utír baraá qeeru ngiwa slaya', lu/aaroó Mungú kuwa tsaahha hhe'eesi. Nee lu/aaroó Mungú an Kristo inósuú kilá'.

Kolosai 4:3

Atén sleeme ti aleefiriiriinde' as Mungú pa/aangw nguwa haniisi, oo ya/abtoorós ar lu/aaroó Kristo kawa alki/iitaan. Lu/aaráywí an kudá' aníng tisa tseék.

1 Tesalonike 2:2

Kuungá' a xuá' adór atén tira slahh'eemiís nee tira niqimís baraá yaamaá Filipír wa ale qoomár niwa hardahaaniiká ayaahúng i alé. Ala Mungú tiri /uurií haniís, Ya/abtór hho' ngari kuungá' i alki/iitaán, tam dukuutsér yaariir aga slaaslawaani.

1 Tesalonike 5:25

Hháe, atén ti aleefiriiriinde'.

2 Tesalonike 3:1

Alhhe'eesaywo, hháe, atén ti aleefiriiriinde'. Firiirimé' as axweesantá Aako iwa geerií hi'it ar gaanslaay, nee kawa ilaoohi ar ilaiwa/ame ar adoodá' kuungá' kara ilaoté'.

1 Timoteo 3:16

Ar ló', naaqór haratlintaaoorén ka ló'wa ur. Mungú kuna geehhooatís ar slaqsoó hee. Gan'amuuwós kuna laqán nee Qeeru. Inós kuri ár nee malayke. Kaangós kuri alki/iít dír xoorduuwo, inós kuri haratlintií' baraá yaamuwo, kurir tláy gawaá doori.

Filemoni 1:22

Gár hatlá' a tí, dír hotaeé' amohhe'eeseek, asma aníng a harahhiíf, Mungú i alee/iis niwa amorhúngií hardah adoodá' kara firiindé' dír Munguhe.

Ebrania 13:18

Kuungá' kumiité' atén tiwa aleefiriiriinda'. Atén a xuaán adór munér hho' kar koomaán. Asma atén gár ta sla'aan a tidá' ganaa' kawa tleehhaan umuúqo deelooro.