Efeso 6:11 - Biblía Axweesantá Hhohho' ar Mungú 2004

¹¹ xooslaá slaqwarár Mungú sleémeero oohaak, daqaní al/aymár Neetlaangw ila/aaro a aleesleerá'.

Ya/abtór hho' 1977

¹¹ Xoslaá slaqwarár Mungú sleémeero oohaak, as al/aymár Neetlaangw daqaní ila/aaro a aleesleerá'.

Efeso 6:11 Iomraidhean Croise

NEHEMIA 4:13

Naagáy, muu ngway qaás dír baraay didá' pa/ángw koom alaá koo/i. Muu una qoomeemeés ar gur'ér maray'ín ta paangadaá kón nee lawluwo nee ga/alduuwo.

Marko 13:22

Asma kristo lama nee aaruusér lamuusero ni ti'iitiyá'. Inooín layu nee muruú waa/oo/amooro ngu tleehhiyá' as múk yaariír kuwa al/ayi, bir ya/aán tam mukdá' Mungú aa tsawaár sleeme.

Rumi 13:12

Xweera naa harafaakiyé', tlaatla/aangw naa haranakaá/. Gawaá adoorihe tlehhmi'iidá' ki mawaán, nee xosluudaá slaqwara awa gwa/aateema ki oohaán.

Rumi 13:14

Ala kuungá' Aako Yesu Kristo na oohaak tawa baqamorhúng, nee slám ma kumiitara' ilatleerír slaqoohúng kawa tleemisa'.

1 Korinto 10:13

Kuungá' iiara'aduú taa sleeré' a adór kuduú /iisikó muu i slaaslay. Nee Mungú ku inkihhím. Inós iiara'aduú aleesleemuuhúng gu baá/, gu ya/anká kuungá' kuwa sleera'. Ala iiara'at barnaxes naa hardáh, inós loohi ga tleehh ar kuungá' tar ti'ita' baraá iiara'aduudae, as kuungá' tawa qiqtliinda' baraá iiara'aduudá' wa alé.

2 korinto 10:4

Xooslaadár slaqwara ar atén tar slaqwaan a tidár múk baraakaá yaamuuwooká, ala a xooslaadár slaqwara ar Mungú, tidár /uuruú koom. Xooslaarí an tidá' koo/ír gawit kar fee/aan. Gár atén ta fee/itaan a axweesanayduú lama, kudá' Munguú tlaampa'aamiís.

2 korinto 11:3

Ala aníng a daimiít as kuungá' tunduwa al/ayi baraá inslawayhunge, tam kuungá' sla'aarirhúng tidá' ur ar hhoohhoo' ar Kristo kuwa sla'a' kari geexeerá', adoodár dayshamooduú al/aymusmo aáng Hawa ngira al/aáy.

2 korinto 2:11

as atén Neetlaangw mitiwa al/aáy. Asma gár inós i slai atén a xuaán.

2 korinto 4:4

Asma múk haratlintatiaaká, muner'ín kaa taampúy nee munguú yaamuuká'. Gawaá adoorihe inooín gwa/aateemaadá' ló'wa gwa/aatá' arto ngi aleeslay'aaká. Gwa/aateemaadá' amór i dahhiya' a amór Ya/abtór hho' ar xirfuú Kristo. Nee Kristo an slaqsoó Mungú.

2 korinto 6:7

Nee slám tin laqaqaamaán tawa sagadiyuusér Mungú ar looeema kiwa alki/iitaan, nee ar /uuruú Mungú. Hotángw ganaá' a xooslaarén ar slaqwara ar tir baqamiimaan dákw doó /iyáy nee oo basayhe.

Efeso 4:14

Daqaní atén a kumiitanaaká adór na/aá ninákw wa ale, tiwa kwakwaahhi nee gwaanduú ma'aay umuúqo barto, nee tiwa huwahuwi nee fur'ár intsaahhatimisuú dimbadimbé oo lama, oo mukdá' ti al/agiím. Inooín an kudá' atén ti qwaareesár wa sla'á' ar al/aymar'ín.

Efeso 4:24

Munér /aben slawaak, ar taa tleéhh ar tlehhemuú Mungú, tidá' ti laqaqaam ar slafíngw ganaá' nee oo hhoohhoó', slafingwdá' looeemaá wa hariím.

Efeso 6:13

Gawaá adoorihe xooslaá slaqwarár Mungú sleémeero oohaak. Deeloodá' tlaakw bál binda hardát, daqaní wakusmoodá' u aleesleerá' kuwa baqa', nee arba/ato bura hhe'esé', ta sihhitano hhe'esá'.

Kolosai 3:10

Munér /aben kari sleeré'. Muneerí /aben baraahunge ka /abeemiis umuú daqto nee Mungú, tleehharusmoowós, ar slaqsoó Mungú. Gawaá adoorihe munerhúng in kumít Mungú nguwa tsaahha hhe'es.

1 Tesalonike 5:8

Ala ateéká' múk tlaatla/aangw, atén masók an múk qoomoó koóm. Atén masók haratlintaao nee sla'aari an da/ewár baqaán adór gaamboórén wa ale. Nee haraxu'utír ba/ama an dahaasaán adór kofiiyár gawít wa ale.

Ebrania 7:25

Gawaá adoorihe kudá' Mungú ngu i daqaqawá' ar loohír inós, inós gi ló'wa aleesláy ba/amisaro, asma inós i slafaafín daqisleém as ngiwa aleefiriirin.

Yakobo 4:7

Gawaá adoorihe Mungú ilaiwawa/aak, Neetlaangw na siaak, nee inós kuungá' nuqo ilagoow.

1 Petro 5:8

Kuungá' masók a múk qoóm. Dalaaé', asma wakusmoohúng, Neetlaangw, i adór dirángw wa harweerirín, kudá' aahhamiím, as heé i gu/i nguwa leelehhiiti.

Yuda 1:24

Mungú kuungá' nu aleesláy nuwa de'en as dukuutsmo munduwa tuú', slám nuri sihhitis dír geeraá xirfuuwós tawa múk xaslxaansli wásl, nee tawa múk baraá qwal/uú úr.

Geehhoeemaá 12:9

Dayshamoodá' úr kunguri kwaáhh, dayshamooduú aáng, kudá' ta babay oo tlaákw nee Neetlaangw. Inós an kudá' muu sleémeero gu al/agagiím. Kunguri kwaáhh baraá yaamu. Malaykeerós sleeme kingiri kwaáhh dinkwa nee inós.

Geehhoeemaá 19:20

Makiito'oodá' kari óh dinkwa nee aarusmooduú lama. Aarusmoowí a kudá' tlehhema'aá waa/oo/amo gaa tlehhiit geeraá makiito'oodá' wa ale. Nee slám inós muu guna al/agín ar tlehhemi'iiwós kudá'. Múk taa al/aáy a kudá' layár makiito'o gaa ilaoh nee oo murslaaqatuú makiito'oodá' gwa i tumbarara'aat. Kuká' tsaraawo kiri slafi kwaáhh baraá tlawtadá' asla iwa ohahiin ar kiberiíti.

Geehhoeemaá 2:24

«Ala kuungaásingá' aga mete' dír Tiatira, kuungá' intsaahhatimisuuwí tlákw ugwa eehadi'iiká. Kuungá' muruudá' ugwa xui'iiká, kudá' inooín tawa kaahi a lu/aaroó muruú Neetlaangw. Án kuungá' nu baw, án huwár hatlá' ngi qaasaaká daandeemoohúng i aleeró.

HAR'OHUUSE 3:2

Adoorí gana tleéhh as kahhó' umuúqo qartá hi'iita ar múk Israeli slaqwara ngiwa intsahh, ak aleeró kudá' slaqwara ngi geerií xua'aaká.