Efeso 6:1 - Biblía Axweesantá Hhohho' ar Mungú 2004

¹ Kuungá' ná/ii, xwaylitérhúng iialooeemisaak ar baraá Aako. Gaarí an gár hariím.

Ya/abtór hho' 1977

¹ Kuungá' ná/'ii, xwaylitérhúng ilaiwawa/aak ar baraá Aako. Gaarí an gár hariím.

Efeso 6:1 Iomraidhean Croise

IIMU/UUNGW 28:7

Gaa malé tsaáhh adór Yakobo baabuúwós nee aayírose ngira ilaiwaá/, iri tláy Padan-aramu.

IIMU/UUNGW 37:13

Yakobo Yosefu guri báy, «Xáy, hhaeewók naa bee/ángw de'éngw áy'iíke baraá yaamaá Shekemu i alé? Qwaláng, án kuúng u ya/aáw amor'ín i alé.» Yosefu iri oó', «Kahhoo', aníng a deer.»

IIMU/UUNGW 48:12

Yosefu giri hingeés baraá gurungeeriiwose, nee inós iri xupuú' ay yaamu.

IIMU/UUNGW 50:12

Daaqoó Yakobo adoodá' baabuúín ngaa báy kari tleéhh.

NEHEMIA 9:13

Nina gawaá doorí wa awét ay gawaá tloomár Sinai, tari axwés nee inooín. Kiri kángw hhó' beér, dabér ló' kari hanís, nee kaahír hhoe nee hara'ayaro.

ESTA 2:20

Esta tlahhaywós nee xoororose gaa o'ká, asma Mordekai gana iia /uútl, Esta hara'ayár Mordekai gana ót ar adoodá' kara umín nee inós.

YOBU 33:27

Heewí iri dír geeraá múk wa daa', iri ooi, ‹Aníng tlakweema ina tleéhh gan'amu nguri sií'. Ala aníng tlehhmuuwihe taa doohhisiiká.

WARA'AMI 119:128

Adoorihe an hoót ar hara'ayarók, lohdaá al/ayma i waák.

WARA'AMI 119:75

AAKOÓ MUNGÚ, aníng a xuú' kuúng sakwasleema an tléhh ar loohír ganaa', nee bir múx gár is mux i deer.

WARA'AMI 19:8

Dabér AAKOÓ MUNGÚ i ganá', muuná gu qwal/atimís, hara'ayár AAKOÓ MUNGÚ i ganá', hee gu daharés.

AXWEESANOÓ SAGALOOA 1:8

Garmaaeé', gár baabuúwók i kaahi iiárií i qaaseek, tam dabér aayiírók ma siaar.

AXWEESANOÓ SAGALOOA 23:22

Baabuúwók kudá' ugwa laqwaal iiárií qaaseek, tam aayiírók bira diín ma waaqaa'aar.

AXWEESANOÓ SAGALOOA 30:11

Qartaka i deer ar baabi'ii'ín lu'umis, Slám amuuín ngi hhooeemáy slaiaaká.

AXWEESANOÓ SAGALOOA 30:17

Heé baabuúwós gu niqiím Nee heé aayiirós iialooesaro ga waaqaseseém Heé adoorí xwaa'arór baraá xatsa gu ila' tu/uún Nee kuri /aay nee gwares.

AXWEESANOÓ SAGALOOA 6:20

Garmaaeé', hara'ayár baabuúwók ooheek, tam intsaahhatisár aayiírók ma siaar.

YEREMIA 35:14

Hara'ayaadá' Yonadabu garmoó Rekabu, aa na/iiwós i hara'ayín ar difaái ngiwa wahiaaká nga boo/eesiyé'. Inooín difaái ka wahanká tám ay laarí, asma hara'ayadár baabuúín ngina iialooeesiyé'.› Ala tidá' aníng ni kuungá' i axweemamiís umuú daqto, kuungá' iga iiárií qasi'iiká.

YEREMIA 35:18

Ala Yeremia múk doo Rekabu guri báy, AAKOÓ MUNGÚ Aleesleemusmo, Munguú Israeli i kaahi, «Asma kuungá' hara'ayár baabuúhúng Yonadabu kawa iialooeesé', nee intsaahhasarós kawa eehadá', nee tidá' sleémeero na kuungá' báy kay oté',

YEREMIA 35:8

Atén afór Yonadabu baabuúrén, ana ilaiwawa/aán, tidá' sleémeero atén tiwa hara'ayín, ar difaái ngiwa wahaanaaká baraá slafingwrén sleémeero, ateénaá kilá', nee tlaawayrene, nee daaqayrene, laqaá tam dasuurén.

HOSEA 14:9

Heé sagaloó' muruuwí ngu tsaahhi. Heé daharuú koóm muruuwí ngu xui. Asma lohdaá AAKOÓ MUNGÚ i ganaaiyá', nee múk ganaá' lohuudá' gin eehar. Ala múk tlákw in dukuuts baraadae.

TLAHHOÓ LAÁWI 19:3

Umuú heewo gár kuwa hariím a baabuúwós nee aayoorose gin ilaiwawaa/, nee deelór Sabaátor'eé' gan amohhe'eemiis. Aníng a AAKOÓ MUNGÚ, Munguúhúng.

Luka 2:51

Tari al aweér ay Nasareti. Inós iri kumiít xwayliteérós ngiwa iialooeemiisi. Aayírós tí sleémeero gari alhoorén baraá muunaáwose.

Rumi 12:2

Kuungá' baraá slafingwhunge ma hootara' ar adoodá' múk baraaká' yaamu ir hooti. Ala masók kuungá' tundun warqees baraá inslawayhunge, ar inslawayhúng kuwa /abeemiisi, as Mungú gár i slai kawa tsahha'. Asma gár i slai a tidá' hhoo', tidá' inós gu qwal/atimis, nee tidá' qoom.

Rumi 16:2

Inós ilaoohaak tawa Krishanto'ór adór kuungá'. Ilaoohaak ar adoodá' múk Mungú wa hariim. Inós umuúqo gár i sla'a dirhunge alee/iisaak. Asma inós múk yaariír gwa alee/iimaamís, tam aníng sleeme.

Rumi 7:12

Gawaá adoorihe dabe ka hhoohhoo', nee hara'aya sleeme ka hhoohhoo', slám i ganá' nee ka hhoo'.

1 Korinto 15:58

Gawaá adoorihe, hhaee'eé' awa sla'aaruúse, kuungá' gawduwé', ma daaraaxaatara', kumiité' ló'wa alé baraá gadiyér Aakoowo umuúqo daqto. Asma kuungá' a xuá' baraá Aakoowo gadiyérhúng tidá' ta tlehhahhita' a taworooká.

DABE 21:18

«Hee barnaxes garmoó iawásl oo aa dee/anuut gu kón, garmoó baabuúwós nee aayoorose gi iialooeemisaaka, handá' tam ku naanaaqi i axamisiiká,

1 Timoteo 5:4

Ala kwaalo'o barnaxes i na/aá koón, laqaá na/aá naangós, na/iiká' gár kiwa hariím a hariímar'ín ngin xuiyá' ar múk dooín nguwa amohhe'eemisiya', nee xwaylitér'ín ngiwa ga/aya'. Asma adoorí Mungú gu sla'atamís.

1 Petro 2:13

Kuungá' iialooemisé' as Aako dír muu sleémeero oo aleesleemuú kooma, kudá' taa uráy hanmiís nee muu. Iialooemisé' dír waawutmoowo, asma inós i aleesleemuú kón ta muu sleémeerowo.

RUTI 3:5

Ruti iri ó', «Ka hhoo', adoosíng kiíng naa ó' aníng a tleéhh.»

1 SAMUELI 17:20

Looaytleérose Daudi ina matlaatlér boo/ ti'iít, bee/aangw guna geexáy dír de'eemo. Muruú /aymaadá' taa oó' nee baabuúwós Yese guri huúw. Iwa hardáh dír xafayduú múk Israeli, gina harati'iít naxés ta slaaqw dír yaamuudaá slaqwarár wa ale ta uu'umín.