Efeso 5:6 - Biblía Axweesantá Hhohho' ar Mungú 2004

⁶ Hee munduwa al/aáy ar /ayma'aá tawo. Asma múk muruuwí tlehhiít xarasleemaá Mungú ngun i hardihiyá' asma tawa iialooeemisiiká.

Ya/abtór hho' 1977

⁶ Hee munduwa al/aáy ar /ayma'aá gídaabár kooma'aaká. Asma múk ilaiwa/ame wásl sakwasleemár Mungú gun i hardarat as tlehhema'aá adoorí.

Efeso 5:6 Iomraidhean Croise

2 WAAWITÁ 18:20

Xáy ka xu' axweesantá tawo a qeeruúwo nee an /uuruúwo baraá slaqwaraaro? Heesíng a heemá taa harahhíf tam aníng iri áhh?

WARA'AMI 78:31

Mungú iri ló'wa buúhh as inooín, kudá' /uureemaá koomá' giri tsuú/, masoombár Israeli gari daásl.

YEREMIA 27:9

Naagáy kángw aaruuserhúng mu axamiisara', laqaá kángw mukdá' tlaa/aá xuaaiím, laqaá iigu'utuuserhúng tí aariiriim, laqaá kudá' giaá duxuumá', laqaá qwaslaarerhúng tidá' kuungá' nu babaw, ‹Waawutmoó Babuloni mu ilaiwawa/aara'.›

YEREMIA 29:31

«Ya/abtoorí huweek dír muu sleémeero kuduú baraá looháy dirií', Anuú AAKOÓ MUNGÚ daanduú Shemaya oo Nehelamuwo a kah, ‹Shemaya ina kilós aariirín aníng ngwa ya/aawiiká, nee kuungá' lamtós kari haratlintié'.›

YEREMIA 37:9

Anuú AAKOÓ MUNGÚ a kah, miti kiloohúng al/agiimara' tawa kata', ‹Slaqwaruuseedár Kaldayo aa tleér.› Asma i baloó tleeraaká.

MIKA 3:5

AAKOÓ MUNGÚ i kaahi, «Aaruuse muk'eé' gu sadakumís, asma hee barnaxes ngwa gaárí haniís, gun bay, ‹Wayda u sleér,› ala hee bar gaa ngaa haniisiiká, gun i aarín iwa kaahi, ‹Slaqwara ga sláy.› »

Matayo 24:24

Asma kristo lama nee aaruusér lamuuseero ni ti'iitiyá' Inooín layu nee muruú waa/oo/amooro ngu tleehhiyá' as múk yaariír kuwa al/ayi, bir ya/aán tam mukdá' Mungú aa tsawaár sleeme.

Matayo 24:4

Yesu iri oó', «Ti harmagahhe', hee munduwa al/aáy.

Marko 13:22

Asma kristo lama nee aaruusér lamuusero ni ti'iitiyá'. Inooín layu nee muruú waa/oo/amooro ngu tleehhiyá' as múk yaariír kuwa al/ayi, bir ya/aán tam mukdá' Mungú aa tsawaár sleeme.

Marko 13:5

Yesu iri dir'ínií axweés iwa kaahi, «Ti harmagahhe', hee munduwa al/aáy.

Rumi 1:18

Asma Mungú xarasleemaawós gina geehhooatís gawaá doorí wa ale daanduú múk tlakuuse nee oo aa dee/aanuut, kudá' looeema gaa sii' ar tlakweemaaín.

Kolosai 2:18

Mukko i deer, oo ti kilooín niinaweemiís ar al/ayma, nee adoorí ngi sa qwalaala/iyá', slám i malaykér firiiriná'. Nee tin kilooín xirfayeemisiyá' as iigu'utuuín, gár tas daara/an ar kilá' i káhh, a inslaway'ín oo tlákw. Múk adór kwí munduwa al/aáy nee qeemuuhúng guri hayoh.

Kolosai 2:4

Tí án ngina dirhúngií oó' as kahhó' hee munduwa al/aáy ar axweesanoó tawo oo lama.

Kolosai 2:8

Ti harmagahhe', hee munduwa naáxw ar axweesanaywós oo tawo oo gaa wásl oo al/ayma. Asma axweesanaydá' amór naa daáhh a amór unuú muu, a amór Kristoowooká.

Kolosai 3:6

Gawaá adoorihe sakwasleemár Mungú nin hardát dír mukdá' inós gu iilooeemisaaká as muruuwí.

2 Tesalonike 2:3

Umuúqo heewo munduwa al/aáy ar umuúqo loohiro. Asma deeloodá' i hardatká ay dír dee/aanuudá' Mungú kuwa si'i ii iimu/un, nee Heedá' Tlaákw, kudá' ta hhaamisi, ay dír i geehhoouy.

Ebrania 13:9

Kuungá' intsaahhasár dimbadimbé ar hatlá' munduwa paslís baraá loohír ganaa'a. Asma gár muneerén ga gawdees a tsuuqaá Mungú, ala a hara'ayár dimbadimbeheeká ar daanduú muruú /ayma. Asma mukdá' hara'ayaarí gaa eehaar, alee/isoó taa sláy i kaahh dír hara'ayaarihe.

Ebrania 3:19

Gawaá adoorihe aga araán adór dahmu ngura aleeslay'iiká, asma Mungú ngwa haratlinti'ii'iiká.

1 Petro 2:8

Nee kaa malé gooín, «tlaa/ár inooín gi dukuuts, nee tlaa/ár inooín ta i huui.» Inooín Axweesantadá' haratlintaaooro kan siaasii'. Gawaá adoorihe axweesantadá' iri dukuutsmo tleehhít dir'ine, asma gaarí an gár Mungú aa qoomeés daandeemooine iimír iimu/uungo.

1 Yohana 4:1

Sla'aaruúse, umuú gár ta kaahi ma haratlintatiaara', ala alqaytsitaak, áx amór i dahh a amór Mungúhe. Asma aaruusér yaariir ar lama naa ti'ít.