Efeso 5:29 - Biblía Axweesantá Hhohho' ar Mungú 2004

²⁹ Heé slaqwtós gaa aahh i kaahh. Ala gan /aymiis, nee gan amohhe'eemiis. Adoorí an adoodá' Kristo mukós ngur amohhe'eemisi.

Ya/abtór hho' 1977

²⁹ Heé slaqwtós gaa aahh i kaahh. Ala gan /aymiis, nee gan amohhe'eemiis. Adoorí an adoodá' Kristo mukós ngur amohhe'eemisi.

Efeso 5:29 Iomraidhean Croise

IIMU/UUNGW 2:23

Heedá' iri oó', «Daxta tí an tidá' aníng wa hariim, tí a fartá baraá faduueé' daahh, nee fu'unaá baraá fu'unaay'eé' dahhá'. Tí kan bay /ameeni asma dír kawa sláy a baraá hhawaata.

AXWEESANOÓ SAGALOOA 11:17

Heé gurhhoó' a kilós tina sa hhooáy, Ala heé xaraásl tin kilós slahh'eemiis.

DAHARUSMO 4:5

Daktani dabaawós gin da/eewií ót alhhe'eesayo fu'unaá slaqwtós giri sakí/ /aymaro.

ISAYA 40:11

Daqtós gan /aymiis adór de'eemusmoó wa ale, nee deeloó bee/aangw gun gawaá dabaawósií oh, giri gawaá da/eewawósár loohiis, bee/ángw du'umiís idaahharo gun tseegiis.

ESEKIELI 34:27

Xaa'aá baraá qamu mamu ngi laqwaaliyá', yaamu mamaá yaariir ngi laqwaaliyá', nee mamuudá' niri hootiyá' ar wayda. Qoomár aníng him'eedá' inooín kira tsegiít bara tsaát, nee in tuú/ baraá dabaá kudá' ngaa lawaale tleehhi'i, aníng daqaní i tsaahhiyá' adór tar AAKOÓ MUNGÚ.

Matayo 23:37

«Aá Yerusalému, Yerusalému, kiídá' aaruusér tsu/aa/iim, nee mukdá' tinda amoorók i ya/aáw un tlaqwaaqút ar tlaa/e. A sagaáwa magá' án mukók nguwa dinkwárí burumburtá wa slaá', adoodár koonki tsiioorós ngir baraá hhaampi'iiwósií burumburaariin, ala kuungá' aga ya/aandi'iiká.

Matayo 6:26

Tsir/o ga/aawaak, i dahaasiindaaká, i bu'uundaaká, tam muruú /aymár i burumburiin baraá kuuntáy i kaahh. Tam adoorihe Baabuúhúng oo gawaá doori gan /aymiis. Kuungá' a ak tsiníheéke ta tsir/ooro?

Rumi 1:31

tari daktu'uút múk inkihhimuú koomaaká, múk muk'ín gu sla'aaká, nee múk gurtleemuú koomaaká.

Efeso 5:28

Gawaá adoorihe hhawaate gár kiwa hariím a /ameenar'ín kan slaa' adoodá' slaqooín kir slai. Asma heé hareerós ga slaá', inós ti kilós slaa'.

Efeso 5:30

Asma atén a diqoó slaqwtós.

Efeso 5:31

Asma Gooi i kat, «Gaarí an gár hee baabuúwós nee aayoorós ngis geexay, nee tari hoot nee hareerós. Nee kuká' tsár tari slaqwtá wák.»