Efeso 5:11 - Biblía Axweesantá Hhohho' ar Mungú 2004

¹¹ Ma aldinku'uumisaara' nee mukdá' tlehhema'aá giwtír tlehhiít. Ala tlehhemi'iidá' na geehhooeesaak.

Ya/abtór hho' 1977

¹¹ Ma aldinku'uumisaara' nee mukdá' tlehhema'aá giwtír tlehhiít, kudá' gídaabár kooma'aaká. Ala tlehhemi'iidá' na geehhooeesaak.

Efeso 5:11 Iomraidhean Croise

IIMU/UUNGW 20:16

Dír Sararo iri oó', «Aníng peésár afi qoomár kumuú wák ar doohho aga haniís dír hhiyaawók, tí ilaawók ngi hheehhe'es dír geeraá mukók sleémeero. Nee daqaní kiíng tiri gan'amuwók i ki/is dír muu sleémeero.»

WARA'AMI 141:5

Heé ganaá' án i slahhi, asma i gurbuu' ar sla'aari. Ala aníng a ya/aamaaká múk tlákw iwa iimbalaaxi. Asma án daqisleém firo aga mawiiká, as tlehhmi'ii'ín awa tlakw ngiwa sií'.

AXWEESANOÓ SAGALOOA 1:10

Garmaaeé', múk tlakweemaá tlehhaahhiít bur afa /aslín, kuúng ma ya/amaar.

AXWEESANOÓ SAGALOOA 1:31

As adoorí mamaá gadiyérhúng i /agá', gur'erhúng iri tlaanduumít as al/aymarhúng.

AXWEESANOÓ SAGALOOA 13:18

Heé intsaahhatisa ga sla'aaká kun oh nee narakw nee waasla'amu, Ala heé gurbu'uungw gu alqaytsimiít ku ilaiwawaa/.

AXWEESANOÓ SAGALOOA 15:12

Heé múk waaqaqaá' kuwa naanaqi ga slaiiká, sleeme i daqayká amór heé sagalooe.

AXWEESANOÓ SAGALOOA 19:25

Heé niqusmo slahheek daqaní heé iimiboó/ dahar gu sláy, Heé muruú tsatsahhaám naanaqeek daqaní xu'uti ga sláy.

AXWEESANOÓ SAGALOOA 25:12

Axweesanoó gurbu'uungw oo heé sagaloó' dír heé gu axamiisa, a adór sixmoó sahaábu oo taa parootuús.

AXWEESANOÓ SAGALOOA 28:4

Mukdá' dabér siasií', múk tlákw gun xirfayeemiis, Ala kudá' dabér uhimá' nee múk tlákw tin ayá'.

AXWEESANOÓ SAGALOOA 29:1

Heé ta gurbuaaín daqtá yaariire bira da/eewa gawdeés, in wa'aá wák ar qeqtín, sleeme i kotsqotiiká.

ISAYA 29:21

Mukdá' baraá kwasleemaro axweesanoó múk hhitatiím, mukdá' gan'amuú hee gu warqeés ar lamemooín, mukwí sleémeero ku qwaarees.

YEREMIA 15:17

Aga iwiitiiká dír dinku'uumár múk aa yaanda hhe'ees laqaá aga alqwalala/aniiká, aníng ana kilooeé' iwiít as /uuruuwók iwa gawaaeé'. Asma iga hatsís buhhtaawoge.

TLAHHOÓ LAÁWI 19:17

«Hhiyaawók mu magoódií tseegaar baraá muunaáwoge, ala ti kaahi sleere' umuú daqto nee inslaawmoowók as kahhó' tlakweema kiwa tlehha'aaká.

Matayo 18:15

«Hhiyaawók kuúng bura sadakuús, tláw gurbueek, kuúng nee inós kiloohúng. Kuúng bura iiárií qaás, hhiyaawók ugwa sleér.

Luka 3:19

Ala geeraharusmo Herode Herodia gana duúx. Herodia a harér hhiyaawós. Yohane Herode guna iigahhaát as tlakweemaadá' nee tlakweemaá hatlá' sleeme awa aa tlehhiít.

Tlehhema'aá ya/Abuuse 26:18

Kuúng ilaaín in qaytsitís, nee inooín in warqés baraá giwtír wa aleeró, tari dah baraá gwa/aateema, nee in baraá /uuruú Neetlángw wa dúx, nee kiri húp amór Mungú. As kahhó' tlakweemaaín kiwa gurtlay, nee niwa aaluusér Mungú tleehhiitiya' baraá tla/ángw kudá' taa hhoohhoeés, asma aníng iwa haratlinti'iiyé'.› »

Rumi 13:12

Xweera naa harafaakiyé', tlaatla/aangw naa haranakaá/. Gawaá adoorihe tlehhmi'iidá' ki mawaán, nee xosluudaá slaqwara awa gwa/aateema ki oohaán.

Rumi 16:17

Hhaee'eé', án kuungá' nu harhheehhe'eés, ti harmagahhe' dír mukdá' tlaahhír qamiima nee kudá' dukuutsér qamiima. Asma inooín intsaahhasadár haratlintaao kuungá' taa sleeré' kaa sií'. Kuungá' ti paratle' dir'ine.

Rumi 6:21

Qoomaadaádae gár taa sleeré' a milá? Gár taa sleeré' a muruuwí hám ta sa murumitá'aáke. Ala alhhe'eesoó muruuwí a gwa'ara.

Galatia 6:8

Asma tlehhema'aá hee a adór dahaasiingw. Ala hee baraá slafiingose gár aa dahaasín bar tidá' slaqwa i sla', gár i bu'un a gwa'ara. Ala gár aa dahaasín bar tidá' Qeeru i slai, gár i bu'un a slafíngw alhhe'eesay wásl.

Efeso 4:22

Gawaá adoorihe gár kuungá' tunduwa hariím a slafingwhúng kuduú aáng un meerá'. Munerhúng na warqesaak, ta adoodár aange, asma munerhúng aáng i baraá hhitiruumit as ilatleerír al/ayma.

Efeso 5:12

Asma muruudá' ta tlehhahhiti baraá lu/aaráy wa ale, tam kuwa axweesi a mure kángw kilá' wa ale.

Efeso 5:7

Gawaá adoorihe nee múk adór kwí ma aldinku'uumisaara'.

Kolosai 1:12

Daqaní kuungá' Baabá kuri sluufmisá' ar qwal/amaaye, kudá' naa aleesleemuú i haniis oo tawa al dinku'uumisa' nee múk hhohhó' oo Mungú baraá aalír waawuti'iimár gwa/aateemaawo.

1 Tesalonike 5:7

Asma mukdá' guú', i guaain a xweera, nee mukdá' ooniimiít, i oonimaamiti a xweera.

2 Tesalonike 3:14

Heé axweesanoó baraá barwaárí gwa sii', heé adoorí ga/aawaak, ma aldinku'uusara' nee inós as dakuúsarós ngiwa tsaahhi.

2 Tesalonike 3:6

Hháe, atén kuungá' nu hara'ayiimaán ar aleesleemuudá' taa atén i haniís nee Aako Yesu Kristo, ti paratle' nee hhae sleémeero awa tli/uuse, kudaádá' hara'ayaarén ngaa si'iye'.

1 Timoteo 5:20

Kudá' tlakweema gaa tleehh iigahhaateek dír geeraá muu sleémeero wa ale as awa hatlá' iwa da'ayuutiya'.

1 Timoteo 5:22

Hee dákw i qaasaro ma gaanslimaar. Slám tlakweemaá múk hatlá' mi eeharaar. Kuúng kumiít baraá hhoohhooariro.

1 Timoteo 6:5

nee tlaampa'amisuú baloó faakaaká. Muruuwí sleémeero kun tlehhiit nee múk fuqurangw'ín aa hhitiruut, slám mukwí daxta looeema tsaahharo gi aleeslayká. Inooín ka xui diíni a gár slaasláwár úr huwahuuw.

2 Timoteo 3:5

Inooín bir ga/eér a adór múk Mungú, ala /uuruú Mungú ku ya/a/anká. Kuúng ti paratl dír múk adór kwihe.

2 Timoteo 4:2

Ya/abtoorí alki/iiteek, masók tu amohhoó' qoomár hariima nee qoomár hariimaakahe. Tlakweemaá muu geehhooutiseek, iigahhamiiteek, naanaqeek ar qitla sleémeero, nee kiwa intsaahhatimis.

Tito 2:15

/Aymi'iiká' intsaahhatimiseek, muu kuwa gurkwa/amis nee kuwa naanaq ar aleesleemu sleémeero. Kuúng hee muwa waaqaá'.

Geehhoeemaá 18:4

Aníng afór hatlá' ngiri axaás ar gawaá dooraá daahh. Afoorí i kat, «Muk'eé', kuungá' ti'iité' baraawose, as ma dinku'uumisaara' nee inós baraá tlakweemaawose, nee slám as kuungá' mutunduwa muúx dinkwa nee inós.