Efeso 4:9 - Biblía Axweesantá Hhohho' ar Mungú 2004

⁹ Ala /aymuuwí gídaabárós a milá, kwí tawa kaahi, «Ina tsa/án». Gídaabárós a ina ala geerií aweér sleeme baraá yaamaá baraay.

Ya/abtór hho' 1977

⁹ Ala /aymuuwí gídaabárós a milá, kwí tawa kaahi, “Ina tsa/án”. Gídaabárós a ina ala geerí aweér sleeme baraá yaamaá baraay.

Efeso 4:9 Iomraidhean Croise

IIMU/UUNGW 11:5

AAKOÓ MUNGÚ nay aweér baraá yaamu as gixsa nee tsitsini ngiwa ari, tidá' taa tleéhh nee muu.

WARA'AMI 139:15

Fadueé' ki geetlakweeká diroge, qoomár án tiwa tleéhh ar sufa, án ina aán tiwa haragaás ar adór qoom baraá guruú aayor'eene.

WARA'AMI 63:9

Ala kudá' slafingw'eé' leelehhiitá' as nguwa hhitina', ni daraahiye' ay baraá gi'i.

WARA'AMI 8:5

Kuúng ugwa uráy i hanís tsaxwaá tawa alqon nee malayke, kuri ilaiwa/amér úr i hanís nee xirif.

TI'INAANGW 19:20

Qoomár AAKOÓ MUNGÚ iwa aweér gawaá tloomár Sinai, inós Mose guna gawaá ságw tloomár wa ateét, Mose iri amoodií tsa/án.

AXWEESANOÓ SAGALOOA 30:4

Heé a gawaá doorí tsa/an niri yaamií aweér a heemá? Heé fur'a gaa gawaá tsa/oó dakós i oh a heemá? Nee oo ma'aay gaa pasltá inqwarirós ar oh a heemá? Heé bihhér yaamu gaa tleehh a heemá? Umuuwós a heemá? Umuú garmaawós a heemá? Looeemaawo u xú'.

ISAYA 44:23

Kuungaá doóri, daaé', asma AAKOÓ MUNGÚ tí gana tleéhh. Kuungaá ilo awa baraá yaamu, kuungaá tlóm'i, daaé' ar qwala/. Kiíngasír gara, nee xaa'aá baraasí diriiá', daaé', asma AAKOÓ MUNGÚ múk Yakobo gwaa ba/amís inós xirif guri sláy baraá yaamaá Israeliwo.

ESEKIELI 31:14

Adoorí ina tleehharút asma xaai sleémeero kudaá dír ma'aay mindiwa tlenaanuyé' ay gawaá doori. Xa'anoó hatlá' oo taa eemiís tlenaango adór kwí mingiwa malé áy. Asma umuú gaa alhhe'eesaywós a gwa'ara, tam muu sleeme a adoorí, sleémeero ta /eet baraá gi'i.›

Matayo 12:40

Asma adoodá' Yona ira baraá guruú siyó wa hoót deelo tám, tlaatla/aangw nee xweeraawo, tam Garmoó Hee sleeme in baraá guruú yaamuú wa hoot.

Yohana 20:17

Yesu Maria gari báy, «Aníng mi kwatiitaar asma aga ki/iiká amór Baabá. Ala kiíng tláw amór hhaee'eé', ki beer, ‹Aníng a tsa/ám amór Baabuúeé', nee inós a Baabuúhúng sleeme, amór Munguúeé', nee inós a Munguúhúng sleeme.› »

Yohana 3:13

Slám heé aa gawaá doorí tsa/an i kaahh, aqo har Garmoó Hee kudá' naa gawaá doorí wa aweer.

Yohana 6:33

Asma mikaátér Mungú a tidá' awdiit gawaá doorí wa ale, nee muu guri slafíngw i hanís.»

Yohana 6:38

Asma aníng naa gawaá doorí wa aweeriiká tidá' ni slaa' ngiwa tleehh, ala a sla'aarír kudá' aníng iga ya/aaw ngiwa tleehh.

Yohana 6:41

Aluuwo múk Yahudi iri qununuú/, tari oó', «Ahaá, mis kaahi, ‹Aníng a mikaáteedá' naa gawaá doorí wa awet.› »

Yohana 6:51

Aníng an mikaáteedá' slafíngw koom, tidá' naa awet gawaá doorí wa ale. Hee bar mikaáteerí ngaa /aáy, i slafaafín ay alhhe'eesay wasle. Nee mikaáteerí án ni haniis a slaqwte'eé' ar kilá', as muu slafiingw nguwa slay.»

Yohana 6:58

Tí an mikaáteedá' naa gawaá doorí wa awet. Mikaáteerí nee tidá' baabi'iihúng naa /ayiyé' a wakeeká. Asma inooín tam mikaáteedá' kaa /ayi, ala qatlo kaa mayká. Ala heé mikaáteerí ga /aáy i slaaf ay alhhe'eesay wasle.»

Yohana 6:62

Ala a adoomá bál Garmoó Hee bura aandé', bir tsa/a/án amoodá' geera i dahhi?

Yohana 8:14

Yesu giri báy, «Aníng tam ti kilooeé' lamabu'uuma, lamabu'ungw'eé' oo ló', asma aníng amór ni daahh a xuú', nee amór ni kaw sleeme. Ala kuungá' a xua'aaká amór ni daahh laqaá tam amór ni kaw.

Ebrania 2:7

Qoomarka niinawe inós una qás tawa heé niiná dír malaykeero. Kuúng una slamángwí dahás oo xirif nee oo ilaiwa/ame.

Ebrania 2:9

Ala heé taa araán a Yesu. Inós qoomarka niinawe kuna qaás tawa heé niiná dír malaykeero, as kahhó' ar gurtleemuú Munguhe inós gwa'ara ngiwa tsaqi as daanduú umuúqo hee. Ala hamí kwaa slamángw xirif nee oo ilaiwa/ameérí dahaás, as slahh'amuuduú gwa'ara aa sláy.