Efeso 4:6 - Biblía Axweesantá Hhohho' ar Mungú 2004

⁶ Mungú a wak, nee inós a Baabuú muu sleémeero. Inós i gáwtí dirii' dír muu sleémeerowo, nee i gadiyuus baraá muu sleémeeró wa ale, slám i baraá muu sleémeeró i dirii'.

Ya/abtór hho' 1977

⁶ Mungú a wak, nee inós a Baabuú muu sleémeero. Inós i gawtí dirii' dír muu sleémeerowo, nee i gadiyuus baraá muu sleémeeró wa ale, slám i baraá muu sleémeeró i dirii'.

Efeso 4:6 Iomraidhean Croise

IIMU/UUNGW 14:19

Inós Abramu guna tsuúq, iri oó', «Abrámu, kuúng tu tsuuqi nee Munguú Gáwtí dirií', tleehharusmoó doori nee yaamu,

WARA'AMI 95:3

Asma AAKOÓ MUNGÚ inós a Munguú ak úr, nee waawutmoó úr dír mungui sleémeero.

ISAYA 63:16

Asma kuúng an baabuúrén, tam Abrahamu atén ti xuiikahe nee tam Israeli ti tsatsahhankahe. Kuúngú AAKOÓ MUNGÚ an baabuúrén, kuúng an gweerusmoorén, iimír aange umuuwók an kwí.

MALAKI 2:10

Xáy, atén sleémeero baabuúrén a wákeéke? Munguú taa tleehh a wákeéke? Ahaá baré umuúqo heewo hhiyaawós gun muruú tlákw i tlehhiit, alqadaá baabi'iirén in hhititimaán.

FAARO 16:22

Ala Mose nee Aroni tari gur'ér qaqtín tawa kaahi, «Aá AAKOÓ MUNGÚ Kudaádá' oo slafíngw muu sleémeero, xáy heé wák bira dakuús, aqo xooro sleémeero an i búhha?»

Matayo 6:13

Atén miti baraá iiara'aduú uhisar, ala atén ti ba/amis kudá' tlaakwe. [ Asma waawuti'iima a tók, nee aleesleemu, nee xirif, ay alhhe'eesay wasle. Amin.]›

Matayo 6:9

Gawaá adoorihe kuungá' bar firiiriindá', ta oa', ‹Baabuúrén oo gawaá doorí dirií', umuuwók i xirfuuti,

Yohana 14:23

Yesu iri oó', «Hee bar aníng i slaa', axweesante'eé' ga oh, nee inós kway slaa' nee Baabuúeé'. Aníng nee Baabuúeé' nay hardahaán amoorós, hootaarén kiri baraawósí tleehhaán.

Yohana 17:26

Án kuúng ugwa dir'íní xu'utís, slám u malé xu'utís, as sla'aaridá' án kuúng ira slá', masók i baraaín, nee aníng sleeme masók a baraaín.»

Yohana 20:17

Yesu Maria gari báy, «Aníng mi kwatiitaar asma aga ki/iiká amór Baabá. Ala kiíng tláw amór hhaee'eé', ki beer, ‹Aníng a tsa/ám amór Baabuúeé', nee inós a Baabuúhúng sleeme, amór Munguúeé', nee inós a Munguúhúng sleeme.› »

Rumi 11:36

Asma mura' sleémeero inós guna tleéhh, slám i kumiit as aleesleemuuwós, nee in deer as inós. Inós i xirfuuti ay alhhe'eesaay wasle. Amin.

1 Korinto 12:6

/Uureemaá dimbadimbé awa gadiyuusá' i dayá', ala Munguúdá' gadiyeédá' sleémeero ga tlehhahhiít, inós a wak.

1 Korinto 8:6

Tam adoorihe direne Mungú a wak, inós an Baabá. Mura' sleémeero ina tleehharuút ar inós. Nee atén an dawaán as inós. Nee slám Aako a wak, inós an Yesu Kristo. Mura' sleémeero ina tleehharuút ar inós nee atén an dawaán ar inós.

2 korinto 6:16

Slám Doó Munguú nee munguaá hatlá', adór tir slaslaya' a adoomá? Asma atén an Doó Munguú kudá' slaáf. Asma Munguú ina oó', «Aníng a baraaín wa hoót, nee nay baraá tla/angw'ín wa hi'iimiít. Aníng tari Munguúín, nee inooín tari muk'eé'.»

Efeso 1:21

Guri waawuti'iimár i haniís daanduú geeraharuuse sleémeero, nee kudá' sleémeero aleesleemuú koomá', nee kudá' /uuruú koomá' nee daanduú kudá' sleémeero waawuti'ii'imá'. Inós kwaa qaás daanduú ume sleémeero ar mukdá' aleesleemuú koóm, kudá' baraá yaamuukií diriiá', nee kudá' baraá yaamaá hardahá' sleeme.

Efeso 2:22

Baraawose kuungá' tundu tlehhiit dinkwa nee inooín, tawa doó Mungú iwa hooti ar Qeeruuwós.

Efeso 3:17

as Kristo iwa baraá munerhúng wa hooti ar haratlintaao. Án Mungú u firiiriím as kahhó' kuungá' dee/aruuhúng nee iihhafiirirhúng iwa baraá sla'aari,

Efeso 6:23

Wayda masók i dír hhae sleémeero, nee sla'aari nee haratlintaao, ar amór Mungú Baabá daahh, nee amór Aako Yesu Kristo.

DABE 6:4

«Gimsé' iia qaasaak, kuungaá múk Israeli! AAKOÓ MUNGÚ an Munguúrén, AAKOÓ MUNGÚ inós kilós an Mungú.

1 Yohana 3:24

Heé hara'ayár Mungú ga iialooeemiís, in baraawós wa hoot, nee Mungú i baraawós. Gawaá adoorihe a xuaán adór inós ir baraarén wa hoót, ar Qeeruú hhoohhoó' oo Mungú naa atén i haniís.