Efeso 4:31 - Biblía Axweesantá Hhohho' ar Mungú 2004

³¹ Ala kuungá' magoódár baraahúng i dirii' hingeesaak, nee xarslamaaye sleémeero, nee buhhta, nee kaantiingw nee /ooslisliingw, nee tlakweema sleémeero awa hatlá' mindiwa deeruutiyé'.

Ya/abtór hho' 1977

³¹ Ala kuungá' magoódár baraahúng i dirii' hingeesaak, nee xarslamaaye sleémeero, nee buhhta, nee kaantiingw nee /ooslisliingw, nee tlakweema sleémeero awa hatlá' mindiwa deeruutiyé'.

Efeso 4:31 Iomraidhean Croise

IIMU/UUNGW 27:41

Esau Yakobo guri aáhh as tsuuqaá taa haniís nee baabuúwós. Esau iri baraá muunaáwós i oó', «Deelór baabá kuwa sa tsuunqumiisi naa naká/. Daqaní hhiyaaeé' Yakobo un gaás.»

IIMU/UUNGW 37:21

Reubeni adoodá' ngiwa axaás, guna slaá' nguwa ba/amiisi gawaá dabaaín wa alé, iri oó', «Aasla'áy, muwa gaasaán, na'asé'.»

IIMU/UUNGW 37:4

Hhaeewós ngiwa tsaahhiyé' adór Yosefu kur ló' wa slai nee baabá ta inooine, Yosefu kuri ló' wa aáhh, tay sangw waydúr hootiiká.

IIMU/UUNGW 4:8

Kaini hhiyaawós Abeli guri báy, «Góh, a baraá qaymór kawaán.» Tawa baraá qaymór i hardáh, Kaini Abeli guri hara/akuút, guri gaás.

2 SAMUELI 13:22

Absalomu axweesantá amór Amnoni gari máy, asma Amnoni nee hho'oorós tawa alqaát.

2 SAMUELI 19:27

Ala inós aníng ina kaantaatín dirógí ale, aakooeé' waawutámo. Ala kuúng, aakooeé' waawútmo, kuúng a adór malaykamoó Mungú. Umuúqo gár ta aán ar qoom dir'eé' tleehhang.

2 SAMUELI 19:43

Múk Israeli múk Yuda guri mu/aywaáts, «Atén a gan'amuú koomaán sagaáwa mibaangw daanduú waawutmoowo, kuungá' ba/a, tam daanduú Daudiwo sleeme. Asma milá, mista waaqaé'? Xáy, a aténeéke múk aa geerií oo' waawutmo kungu ki/isi?» Ala axweesanoó múk Yuda i xaraasl ta axweesanoó múk Israeliwo.

WARA'AMI 101:5

Heé inslaawmoowós gu qawti /aysántií tlaáq, u qwaareés. Heé hi/inír ar xumiís nee oo daara/aám, u ilií oohaaká.

WARA'AMI 140:11

Foolusmo gár hhoo' mingiwa sláy baraaká' yaamuwo. Heé tlaákw ku giiri nee muruú tlákw as kuwa dahhi.

WARA'AMI 15:3

A heedá' múk kaantimaaká, a heé gár tlaakw ga sla'aaká ngiwa mulqumoowósí tleehhi, laqaá tam inslaawmoowós nguwa safooli.

WARA'AMI 37:8

Mune gu/eek, buhhta maweek, ma buhhabuhhaar asma alhhe'eesaywo a tlakweema in tléhh.

WARA'AMI 50:20

Aga iwít hhiyaawók kuwa kaantiin, garmoó aayoorók ugwa /aysántí tsát.

WARA'AMI 64:3

Kudá' afer'ín ngaa duuqiye' adór tsati'ií wa ale, /ayma'aá afa tli/a ngin tlaquutiyá' adór maheeri.

AXWEESANOÓ SAGALOOA 10:12

Aahhi i foluú huwaahúp, ala sla'aari tlakweema sleémeero gin lú/.

AXWEESANOÓ SAGALOOA 10:18

Heé aahhirós gaa luu/ a hhaahhafusmo, heé daanduú heé axweés a daktani.

AXWEESANOÓ SAGALOOA 14:17

Heé tawo xwar'amiít buhhtaawo a daktani, Ala heé fuqurángw koóm i qiqtlín.

AXWEESANOÓ SAGALOOA 18:8

Kaantusmo i afa hhohhoaa'áy adór muruú /aymár tsuú', Axweesantós sleémeero in dát baraá muuná.

AXWEESANOÓ SAGALOOA 19:12

Buhhtaá waawutmo a adór /orootlór diraangw, Ala hhooeemaawós a adór har'uú baraá tsaaráy.

AXWEESANOÓ SAGALOOA 25:23

Fur'ár baskú daahh i tluwoó huwaahúp, Adoorí an adór kaantusmo gila ngir haahuwi.

AXWEESANOÓ SAGALOOA 26:20

Migír bir kaahh, asla in gwá'. Heé harauhmís bir kaahh gila sleeme i faakiyá'.

AXWEESANOÓ SAGALOOA 29:22

Heé xaraásl a gila gin dukún Nee heé buhhta isláhh gár yaariir ga tlakwees.

AXWEESANOÓ SAGALOOA 29:9

Heé sagaloó' bar ti axweesani tlaxuná' nee heé daktani, heedaáduú daktani in daa/atúy buhhtaawo iri hhán qaseengo sleeme i xasliitiiká.

AXWEESANOÓ SAGALOOA 6:19

Lamabu'usmoó lama, oo lama iwa tawó tluwit, nee heé múk harauhmís.

DAHARUSMO 7:9

Ma gaanslár buhhaar baraawoge, asma buhhta i baraá munér daktana.

YEREMIA 6:28

Inooín sleémeero naa dee/anutiyé', ki sage gawden. Inooín an múk tawo hi'imiít as muu kuwa kaantin. Ki gawden adór muqslír sirdaa/aat nee muqsli. Inooín sleémeero a múk a hhitruut.

YEREMIA 9:4

«Umuú heewo ti harmagaahhi dír inslaawmowose. Nee hhiya' mu harahhifaar, umuú heewo a al/aymusmo nee umuú inslaawmowo a kaantusmo.

Tlehhema'aá ya/Abuuse 21:30

Gixsa sleémeero iri amoqwát, múk baraá gixsa sleémeero iri amoodií ta'aaín, Paulo kuri óh, kuri duuruxún, kuri duúx baraá Doó Munguhe, hamtidár kilae afér do' kari tseék.

Rumi 3:14

Afer'ín gár iwa háts a lu'umis nee afa tli/a.

1 Korinto 14:20

Hhaee'eé', kuungá' masók a adór na/aá ninakweeká baraá fuqureerihunge. Baraá muruú tlakwe kuungá' masók a adór na/aá ninakw, ala baraá fuqureerihunge kuungá' masók a múk urén.

1 Korinto 5:8

Gawaá adoorihe atén deelór ur masók an tleehhaán. Ala mawa tleehhaán ar mikaáteedár aáng taa sluuftimís, tidár tlakweema nee slasla/aruwo. Ala masók deelór ur an tleehhaán ar mikaáteedá' /aben ar taa sluuftisiiká, tidár hhohhoaari nee looeema.

2 korinto 12:20

Asma aníng gár ni da'ayumiit a tí, án binda amorhúngií hardáh, án kuungá' adoodá' nur slaa' dooqa nu adoodá' i awaaká. Nee slám a da'ayumiít as kuungá' aníng iwa aanda' ar adoodá' kuungá' ta sla'a'aaká. A da'ayumiít dooqa án kuungá' dír ni aw a baraá gila, nee gur'e nuwa ohiin, nee xaraasleema, nee fola, nee tloqmis, nee kaantiingw, nee daara/aangw nee tlaahhi.

Galatia 5:20

nee slaqsa'aá mungui kiwa haratlintaati'i, nee da/ari, nee wakaari, nee gila, nee da/i, nee buhhta, nee fola, nee tlaahhi qamiingw, nee partlito,

Efeso 4:22

Gawaá adoorihe gár kuungá' tunduwa hariím a slafingwhúng kuduú aáng un meerá'. Munerhúng na warqesaak, ta adoodár aange, asma munerhúng aáng i baraá hhitiruumit as ilatleerír al/ayma.

Efeso 4:25

Gawaá adoorihe, lama mawaak. Kuungá' looeema kilooín na axweesaak baraá tla/angwhunge. Asma atén sleémeero a diqoó slaqwtá wák, tidár Kristo.

Efeso 4:26

Kuungá' bar aga buhhabuhhé', ti harmagahhe', tlakweema mi tleehhara'. Nee buhhtaasíng mindiwa baraá munerhúng wa kumiitiyé' looa gar wa dát.

Kolosai 3:19

Kuungá' hhawaáte, tlaawayhúng sla'asla'aak, slám mu buhhtimiisara'.

Kolosai 3:8

Ala daxta kuungá' muruuwí sleémeero hingeesaak dirhunge, buhhta nee xarasleema, nee magoót nee daanda axweesani, nee /ooslisliingw.

1 Timoteo 3:11

Tlaaway'ín sleeme masók a /ameenár daharuú koom, masók a takaahuuseerooká. Inooín masók a múk qoóm, nee masók ta inkihhimuú kón baraá mura' sleémeerowo.

1 Timoteo 3:3

Inós masók a heé ooniitusmoowooká, heé xaraslaaká, masók a heé tsá', masók a heé kaanganusmowooká, slám masók a heé peésár ilatleerusaaká.

1 Timoteo 5:13

Slám inooín waaweeraay ngun deliitiyá', nee gawaá adoorihe tli/a ngiri intsaahhiyá'. Ala a har tli/a kiloseká. Tam niri takaahuuse tleehhitiyá'. Nee sleeme tawa darahi baraá muruú muu, kudá' inooín wa hariimaaká.

2 Timoteo 2:23

Ala kuúng ma haragwaa'aar baraá tlaampa'amisuú dakti'iima, kudá' sagalooa wásl, asma a xú' adór tlaampa'amisuuwí gár i huwi tar gila.

2 Timoteo 3:3

Slám a múk múk maray'ín sla'aaká, a múk wayduú tlehhitaaká. Nee slám inooín a múk /ayseenuuse, múk slaqooín ila/aamaaká, múk xaraásl, múk hhooeemaá sla'aaká,

Tito 1:7

Asma geeraharusmoó múk kríshaanáy gadiyér Mungú kaa dabaawós i qaás. Gawaá adoorihe a gár hariím inós tawa heé xaslxaansli wásl. Inós masók a heé ti kilós sla'atimisaaká, nee a heé buhhtaawo inslaahheeká, masók a xufutusmoowooká nee a heé xaraslaaká. Nee slám masók a heé slaasláwár mure ga sla'aaká.

Tito 2:3

/Ameenár aa uraareer ka beer sleeme, gár tunduwa hariím masók an hotá' ar adoodá' múk hhohhó' oo Mungú ir hotaatin. Nee slám kuungá' daandeemaá muu mi kaahara', nee xufta ma intsaahhara'. Ala kuungá' masók tidá' hho' an intsaahhatimisá',

Yakobo 1:19

Hhaee'eé' awa sla'aaruúse, tí xuaak, umuúqo heewo masók ku inslaáhh gaa axaasaro, ala miwa gaanslín ilawatsto, laqaá buhhtaawo.

Yakobo 3:14

Ala kuungá' barnaxes da/itá tlarara/aay a koondá' baraá munerhunge, nee barnaxes ti kiloohúng sla'á', ma daara/aamara' tiwa kiloohúng xirfayeemisa', lama kari tsatá' daanduú looeema.

Yakobo 4:11

Hháe, miti /ayseenáy tlaaqara'. Heé hhiyaawós gu /aysantí tlaáq, laqaá gu sakwasleemuút, heewí a hara'aya gan /aysantí tlaaq laqaá gan sakwasleemuut. Ala kuúng hara'aya bara sakwasleemút, kuúng a heé hara'ayár iialooeemisaaká, ala aga sakwasleemusmo tleehhít.

1 Petro 2:1

Gawaá adoorihe tlakweema sleémeero hingeesaak, lama nee hhaahhafiingw sleémeero, nee da/i nee /ayseeno sleémeero.

1 Yohana 3:12

Atén mawa adór Kaini tleehhitaán. Inós bartá kudá' tlaákw gana áy, hhiyaawós guri gaás. Kaini hhiyaawós gár ngusa gaás a milá? Gár ngusa gaás a tlehhemi'iiwós kin tlakw, ala awa hhiyaawós in ganaaiyá'.

1 Yohana 3:15

Umuúqo heé hhiyaawós gwa aahh, an kudá' múk tsu/a/iím. Nee kuungá' a xuá' adór heé múk tsu/a/iím slafíngw alhhe'eesay wásl ngur konká baraawose.

Geehhoeemaá 12:10

Aníng afór ur ngiri axaás gawaá doorí i alé, i kat, «Iimír hamí ba/ama nee /uuru nee waawuti'iima a ar Munguúrén, nee aleesleemu a oo Kristowós. Asma sakwasleemusmooduú hhaeerén kwaa yaamií kwaáhh, kudá' inooín gi sakwasleemaamuút dír geeraá Munguúrene tlaatla/aangw nee xweeraawo.