Efeso 4:29 - Biblía Axweesantá Hhohho' ar Mungú 2004

²⁹ Axweesanoó tlákw mu kaahara', ala masók a axweesanoó muu gu kwa/amís, nee kudá' amoqwaareemisaaká. Gawaá adoorihe axweesanayhúng i tsuuqaá huwi dír mukdá' kuungá' nu iiárií qamiima.

Ya/abtór hho' 1977

²⁹ Axweesanoó tlákw mu kaahara', ala masók a axweesanoó gídaabár koóm, kudá' muu gu kwa/amís, nee kudá' amoqwaareemisaaká. Gawaá adoorihe axweesanayhúng i tsuuqaá huuwi dír mukdá' kuungá' nu iiár i qamiima.

Efeso 4:29 Iomraidhean Croise

WARA'AMI 45:2

Kuúng tu ló'wa hhoohhoó' ta múk hatlae. Ar afkoge axweesanoó tsuuqaá huwahuúw un kát. Gawaá adoorihe Mungú kuúng ugwa tsuúq ay alhhe'eesay wasle.

WARA'AMI 5:9

Axweesanoó wakuuser'eé' i looeemaá konká, gár i slaiya' aqo hhita. Baraá afer'ine axweesanoó ti'iimiít oo al/ayma. Afer'ín i háts axweesanoó tsu/utár muko.

WARA'AMI 52:2

Kuúng muruú tlákw un qoomeemés, lama an axwés umuú qoomaaro. Tsifraangók a adór asla.

WARA'AMI 71:24

Aníng gan'amuuwók un alki/iít tlaatla/aangw sleémeero, asma kaa mureekeés nee kiri niqmís kudá' aníng i gár tlaákw i sla'á'.

AXWEESANOÓ SAGALOOA 12:13

Tlakusmo kun oh nee axweesanoó afkós, Ala heé hota ganaá' in kotsqoot baraá slahh'amuuwo.

AXWEESANOÓ SAGALOOA 15:23

Hee bar /aymuú qoóm gwaa oó' afkose i qwal/atimis, nee /aymuú sla'amuút bar kunga oó' qoomár iwa harina i tsuu'.

AXWEESANOÓ SAGALOOA 15:7

Afér múk sagelooén xu'uti gan alki/ít, Inslawoó daktana adoorí ga i diri'iiká.

AXWEESANOÓ SAGALOOA 16:21

Heé sagaloó' kun bay heé daharuú koóm, nee axweesanoó sla'atamís muu gu afaa/aslín.

DAHARUSMO 10:12

Axweesantá heé sagaloó' inósuú kilá' gun /ís, ala axweesantá daktani slafiingósuú kilá' gun qwaarés.

ISAYA 50:4

Aakoó MUNGÚ aníng iga intsaahhatís axweesantá qooma as múk a diqay tsatmiit nguwa /uurií haniís. Umuú matlaatleero in tleemiis as nguwa iiaárií qaas gawaá tidá' iwa intsaahhatimisi.

Matayo 5:16

Gawaá adoorihe gwa/aateemaahúng i gwa/aatiye' dír geeraá muko, as tlehhemi'iihúng awa hhohho' kiwa ari, nee Baabuúhúng kuduú gawaá doorí dirií' kuwa xirfayeesi.»

Luka 4:22

Axweesantós giri qwal/ás, axweesantá gurtleemu tidá' aa afkósár axweés kari waa/oó/, tay káh, «Kwí a garmoó Yosefuwookáhe?»

Yohana 1:37

Eeharuuseedá' tsár Yohane gwa axas qoomár iwa axweesi, Yesu guri eehát.

Rumi 14:19

Ala bar adoosíng, gár atén tiwa hariím tidá' wayduú huwaahuuw tla/angwrene an tleehhaán, nee tidá' haratlintaaór umuúqo heewo ga kwa/amis.

Rumi 15:2

Umuúqo heewo baraá tla/angwrene masók inslaawmoowós gun sla'atimis as hhooeema ngiwa slay, nee as iwa kwa/i baraá haratlintaaoorose.

1 Korinto 14:19

Ala dír dinkwár kríshaanayhe aníng a slaá' /ayma'aá kooán ngiwa oo' ar fuqurangw'eé', as múk hatlá' nguwa intsaahhatis, ta /ayma'aá kumuú wák ngiwa ooa awa tsifrír xuawaslen.

Efeso 4:12

Gadiyér'ín a tí, múk hhohhó' oo Mungú kuwa amohhe'eemisi, as inooín Mungú nguwa sagadiyusiya', as slaqwtá Kristo kawa kwa/amisi.

Efeso 4:16

Inós slaqwa sleémeero gan haragaas dinkwárií alé, gari dinkwárií nigihhitis ar kanuúdá' Mungú naa haniís. Inós umuúqo diqto gan aleesleemií hanmiis, gadiyeérós tidá' taa haniís ngiwa tlehh. Gawaá adoorihe slaqwa sleémeero in uraareér, nee tiri kwa/amís ar baraá sla'aari.

Kolosai 4:6

Axweesanayhúng umuúqo daqto masók a axweesanoó tsatsaa'arén, nee oo gídaabár koóm, as umuúqo heewo oo gár yaahamiís, gaarós tidá' i yaahamiisi ngiwa tsaahhi ar hariima.

1 Tesalonike 5:11

Gawaá adoorihe kuungá' ti kiloohúng gurkwa/amise', nee ti alee/iimisé', adoosíng hamí ta tlehhita'.

1 Petro 2:12

Slafingwhúng masók i tlehhema'aá hhohhó' laqaaqán dír geeraá múk xoorduuwo. As qoomár inooín burtundu /ayseenií tlaaq, tawa kaahi, a muruú tlákw tlehhitá', ala inooín tlehhemi'iihúng awa hhohho' birka ara'ár, daqaní inooín Mungú ku xirfayees bál inós birna hardáh.

1 Petro 3:1

Kuungá' tlaáwaay sleeme, iialooemisé' dír hhawaateehunge, asma tam hhawaateehúng kudá' axweesantá Mungú ngaa haratlinti'ii'iiká, ngi haratlinti'iye' as tlehhemi'iihúng, tam kaa ádbaykahe.

2 Petro 2:18

Asma inooín axweesanoó urén kun kah oo gaa wásl. Nee ilatleerír slaqwa kan ar gadiyuus as múk aa sangw haratlintii' kuwa al/ayi, mukdá' baraá tla/ángw tlakuuse ngaa sangw geexay.