Efeso 4:25 - Biblía Axweesantá Hhohho' ar Mungú 2004

²⁵ Gawaá adoorihe, lama mawaak. Kuungá' looeema kilooín na axweesaak baraá tla/angwhunge. Asma atén sleémeero a diqoó slaqwtá wák, tidár Kristo.

Ya/abtór hho' 1977

²⁵ Gawaá adoorihe, lama mawaak. Kuungá' looeema kilooín na axweesaak baraá tla/angwhunge. Asma atén sleémeero a diqoó slaqwtá wák, tidár Kristo.

Efeso 4:25 Iomraidhean Croise

1 WAAWITÁ 13:18

Aakooduú Beteli iri oó', «Aníng a aarusmo adór kuúng wa alé, AAKOÓ MUNGÚ nee aníng aga axweesaán ar loohír malaykamoowós ina báy, ‹Heesíng ki/isang amór do'ók, muruú /ayma ngu /ayi nee ma'aay ngi wahi.› » Ala aakoodá' heedaáduú AAKOÓ MUNGÚ gun tawó al/agín.

WARA'AMI 119:29

Aníng mi baraá loohír tlaákw ar ohisaar, ar hhooeemaawoge aníng intsaahhatisáng hara'ayaroge.

WARA'AMI 15:2

Aqo har kudá' daba' hhohhó', nee hota ganaá', kudá' looeemaá baraá muunaáwós ngi axweés.

WARA'AMI 52:3

Kuúng tlakweema ina ak gurií bá/ ta hhoeemaawo. Nee lama an ak slá' ta looeemaawo.

TI'INAANGW 23:7

Kuúng axweesanoó lama geewakaweek, múk dakuús wásl nee oo gan'amuú kooma mi tsu/aar, asma aníng tlakusmo u gan'amií harafaraaká.

AXWEESANOÓ SAGALOOA 12:17

Heé looeemaá axweemamiís lamabu'úngw ló' gun kah, Ala lamabu'usmoó lamusmo gár i kaahi a al/ayma.

AXWEESANOÓ SAGALOOA 12:19

Axweesantá ló' i baloó qwatká. Ala axweesanoó lama oo qoomár niina.

AXWEESANOÓ SAGALOOA 12:22

AAKOÓ MUNGÚ heé lamusmo gu waak. Ala mukdá' sleémeero oo inkihhimúr hoót gun saqwalalaa/.

AXWEESANOÓ SAGALOOA 21:6

Daqaari'iima bara sleér ar lama, a adór quuír ta ufaáhh slám a xotloompír gwa'ara.

AXWEESANOÓ SAGALOOA 24:28

Inslaawaywók mu tawo daandeemo axweesaar, tam afkoge lama ma kaahaar.

AXWEESANOÓ SAGALOOA 6:17

Xumsór daara/aangw, nee afkú lama gaa intsaahh, nee dabaá tseerdaá dakuús wásl ngi ku'umiisá'.

AXWEESANOÓ SAGALOOA 8:7

Afkwe'eé' gár i aain a looeema, muruú tlákw u waák kaahaango.

ISAYA 63:8

Asma inós ina oó', «Looeemaawo mukwí a muk'eé', na/iieé' kudaá al/aymuuseerooká.» Nee inós tari ba/amusmooín.

ISAYA 9:15

Sage an bariisér ilaiwa/amér koom, hhayshe an aaruuseedá' lamtá intsaahhatimisá'.

HOSEA 4:2

A har lo'o nee lameemo tlaqa, nee tsu/uta nee fiiso nee fuqi, nee digeemi fe/it nee tsu/utár muu.

TLAHHOÓ LAÁWI 19:11

«Ma fisiisimaara', ma al/agiimara', laqaá miti lamemií kaahara'.

SEKARIA 8:16

Adoorí na tleehhaak: Umuú heewo nee inslaawmoowós looeema ki axweesi, kwasleemadaá looeema na tleehhaak awa wayda ngu huwá' baraá marayhunge.

SEKARIA 8:19

«Gwaawitór slahhángw tsiyáhh, nee ar slahhángw kooán, nee ar slahhángw faanqw, nee slahhángw mibaangw, a deelór tawa naagisi qwala/ nee bar/uuwo, nee a deelór ur dír múk doó Yudawo, gawaá adoorihe looeema nee wayda sla'aak.»

Yohana 8:44

Kuungá' amór ta dahha' a amór baabuúhúng, Neetlaangw, nee ilatleerír baabuúhúng an tidá' ta sla'a' tlehhmuuwo. Inós a tsu/utusmo iimír iimu/uungo, tam aa sihhiitiiká baraá looeemá i alé, asma looeema baraawose i kahhiyá'. Bir lamtá axwees, a tós kilós gan axwees, asma inós a lamusmo nee a baabuú lama.

Rumi 12:5

Gawaá adoorihe atén sleémeero a adór slaqwtá wák baraá Kristowo, nee umuúqo heewo baraarene a diqtá kudá' hatlá' sleémeero.

1 Korinto 10:17

Atén a slaqwtá wák, tam atén ti yaariire, asma mukatmo a wak, nee atén sleémeero tlaqtá mukatmoodá' wák a ilaohiimaán.

2 korinto 7:14

Ala bar án kuungá' naa xirfayeés dír geeraawós wa ale, aníng taa mureekeesiiká. Asma axweesanayrén kudá' kuungá' nura xirfayeemisaán dír geeraá Titó wa ale, aa geehhooúy adór tar axweesanoó ló', adoodá' axweesanaydá' sleémeero atén naa dirhúngií kaahaán adór tar ló' sleeme.

Efeso 4:15

Ala atén gár tiwa hariím masók an hootaán ar baraá looeema ar loohír sla'aari. Gawaá adoorihe an uraarawaán ay dír Kristo ngway i hardahaan. Nee inós an saga.

Efeso 4:22

Gawaá adoorihe gár kuungá' tunduwa hariím a slafingwhúng kuduú aáng un meerá'. Munerhúng na warqesaak, ta adoodár aange, asma munerhúng aáng i baraá hhitiruumit as ilatleerír al/ayma.

Efeso 4:31

Ala kuungá' magoódár baraahúng i dirii' hingeesaak, nee xarslamaaye sleémeero, nee buhhta, nee kaantiingw nee /ooslisliingw, nee tlakweema sleémeero awa hatlá' mindiwa deeruutiyé'.

Efeso 5:30

Asma atén a diqoó slaqwtós.

Kolosai 3:8

Ala daxta kuungá' muruuwí sleémeero hingeesaak dirhunge, buhhta nee xarasleema, nee magoót nee daanda axweesani, nee /ooslisliingw.

Kolosai 3:9

Kuungá' kiloohúng miti lamtí tlaaqara'. Asma kuungá' munerhúng tidá' ar aáng aga warqesé', dinkwa nee tlehhemi'iiwós kudá' tlakwe.

1 Timoteo 1:10

Nee kana qaás as fuquuse nee as hhawaateedá' fuquusá' nee hhawaataá hatlá', laqaá /ameenár fuquus nee /ameenár hatlá', nee slám kana qaás as mukdá' muu gu halaanu'uumárár tlehhiít nee lamuuse, nee mukdá' tawó lo'ór huwahuúw. Nee hara'aya kana qaás as daanduú umuúqo /aymuuwo oo nee intsaahhasár ló' ti slaslaawa'aaká.

1 Timoteo 4:2

Intsaahhasarí amór i dahh a amór mukduú lamuuse. Afoodá' hho' ar baraá muner'ín aa hhitirút adór gár taa daá/ ar muqslír da/a/aam.

Tito 1:12

Heé ayaaín, nee slám a aarusmooín oo kilá' ina oó', «Múk Krete a lamuuse umuúqo deelooro, inooín a makaá tlakw, slám a hheehhuuse nee a tli/uuse.»

Tito 1:2

nee sleeme as harahhifór slafíngw alhhe'eesay wásl kawa slay, kudá' Mungú aa qaroó geerií al'axweés iimír iimu/uungo, Mungú lama ga ooiiká.

Ebrania 12:1

Asma atén taa harweér nee lamabu'uuseerí yaariir adór huunkár alé. Gawaá adoorihe atén sleeme gár tiwa hariím a muruudá' sleémeero atén ti iilooeemiís un kwahhaán, nee tin paraatlaán nee tlakweemaadá' sleémeero atén taa oohiye', nee slám atén tawa geerií ta'aimaan ar qitla baraá qwaatloodá' taa dír geeraarén i qaasi.

Yakobo 1:21

Gawaá adoorihe, slasla/aru sleémeero hingeesaak, nee tlakweema sleémeerowo. Axweesantadá' tinda baraá munerhúngií dahaás ilaoohaak ar tsatsa'areema, tidá' kuungá' ba/amisaro nu aleeslaw.

1 Petro 2:1

Gawaá adoorihe tlakweema sleémeero hingeesaak, lama nee hhaahhafiingw sleémeero, nee da/i nee /ayseeno sleémeero.

Geehhoeemaá 21:8

Ala mukduú da'ayuuse, nee kudá' naa haratlinti'ii'iiká, nee kudá' buhhtimisá', nee mukdá' múk tsuú/, nee múk fuquuse, nee da/aluuse, nee múk munguaá hatlá' haratlintaatií', nee lamuuse sleémeero, dir'ín a baraá tlawtadá' asltá kiberiíti iwa ohahiin. Gaarí an gwa'arár tsár.»

Geehhoeemaá 22:15

Amór tsee/aá gixsaro seeaawe i deer, nee da/aluuse, nee fuquuse, nee tsu/utuuse nee kuduú munguaá hatlá' haratlintaatií', nee mukdá' sleémeero axweesanoó lama gwa intsaahh axweesanto.

HAR'OHUUSE 16:11

Samson gari báy, «Barnaxes iga tseegiyé' ar hhutleemaá taa gaár tseegiiká, daqaní /uuruueé' i faak, aníng tari adór heé hatlá'.»