Efeso 4:15 - Biblía Axweesantá Hhohho' ar Mungú 2004

¹⁵ Ala atén gár tiwa hariím masók an hootaán ar baraá looeema ar loohír sla'aari. Gawaá adoorihe an uraarawaán ay dír Kristo ngway i hardahaan. Nee inós an saga.

Ya/abtór hho' 1977

¹⁵ Ala atén gár tiwa hariím masók an hootaán ar baraá looeema ar loohír sla'aari. Gawaá adoorihe an uraarawaán ay dír Kristo ngway i hardahaan. Nee inós an saga.

Efeso 4:15 Iomraidhean Croise

WARA'AMI 32:2

Heé amohhoó' a kudá' AAKOÓ MUNGÚ i tlakweemií harafaditiiká, nee baraá muunaáwose ku waqooda wásl.

SEKARIA 8:16

Adoorí na tleehhaak: Umuú heewo nee inslaawmoowós looeema ki axweesi, kwasleemadaá looeema na tleehhaak awa wayda ngu huwá' baraá marayhunge.

MALAKI 4:2

Ala kuungaásingá' umuueé' ilaiwawa/á', /uuruueé' oo ba/ama nun i hardah, adór looár naa tsiirihh, tidá' hungu/uumiis baraá tsiiraahhoorose. Kuungá' tari ti'itá', tay /an/anusá' ar qwala/, adór tsa/eetaá naa baraá diitór wa ti'itiye'.

Yohana 1:47

Qoomár Yesu Natanaeli nguwa ár iwa amoorós kay, Yesu iri oó', «Ga/aaweek, heewí a heé Israelú kilá'. Waaqooda i káhh baraawose.»

Rumi 12:9

Sla'aarirhúng masók i hhaahhafíngw koondaaká. Tidá' tlaakw aahhaak, nee tidá' hhoo' eeharaak.

1 Korinto 11:3

Ala aníng a slaá' kuungá' kawa xua' adór Kristo tar ságw umuú hhawaata, nee hhawaata an ságw hareerós, nee Mungú an ságw Kristo.

2 korinto 4:2

Atén tlehhemi'iidá' sleémeero awa getlakw nee awa murér koomá' iga mawaán. Al/ayma a tlehhiitanaaká, nee slám axweesantá Mungú a warqeemisanaaká. Ala atén tin kiloorén xu'utisaán dír umuúqo heewo, ar looeema kiwa alki/iitaan ar geehhooeema dír geeraá Munguhe.

2 korinto 8:8

Aníng adoorí a kaahaaká as nuwa hara'ayiyiim. Ala aníng kángw múk hatlá' un káh, adór inooín ilakaaharu kura tlehhiít baraá alee/isaywihe. Kaangwí aníng una káh as sla'aarirhúng ngiwa tsaahh adór tar ar ló'.

Efeso 1:22

Mungú mura' sleémeero gwa gawaá dabaawós i qaás. Slám inós gun uráy haniis, as inós tawa ságw mukdá' inós gwa haratlintii',

Efeso 1:4

Inós iimír yaamu ngiwa tleehhiiká, atén tina qaroó tsawaár ar baraá Kristo, as tawa múk taa hhoohhooeés oo xaslxaanslír koomaaká dír geeraawose asma sla'aarirós.

Efeso 2:21

Inós do' sleémeero gun kón, nee gun tlehhiit, as iwa doó Mungú oo hhoohhoó' tleehhiiti ar baraá Aako.

Efeso 4:25

Gawaá adoorihe, lama mawaak. Kuungá' looeema kilooín na axweesaak baraá tla/angwhunge. Asma atén sleémeero a diqoó slaqwtá wák, tidár Kristo.

Efeso 5:23

Asma hhawaata a ságw hare, adoodár Kristo tar ságw mukós. Nee inós a Ba/amusmooín sleeme, nee inooín an slaqwtós.

1 Petro 1:22

Kuungá' taa hhoohhooesé' asma looeema kiwa ilaiwawa/é', as tawa hota' ar sla'aarír hhaahhafiingw wasl dír hhaeewo. Gawaá adoorihe kuungá' ti ló'wa sla'aaslae' ar mune sleémeero.

1 Petro 2:2

Adoodár na/aá qaweero ilwa ngir ilatleeruumaamisiya', kuungá' sleeme ilwadaá ló' awa axweesantá Mungú, ilatleeruusaak, as kuungá' axweesantí nuwa ureemis ay dír ba/ama kay i hardata,

2 Petro 3:18

Kuungá' kumiité' tawa urareera' Aakoorén nee Ba/amusmoorén Yesu Kristo kuwa xua', nee tawa gawduura' ar loohír tsuuqaawós kudá' ni tawó hanmamiisi dirhúng i alé. Inós i xirfuuti iimír hamí ay alhhe'eesaay wasle. Amin.

1 Yohana 3:18

Laqwalór ninakw, sla'aarirén miwa axweesantá tawo tleehhít, ala masók sla'aarirén an sla'aarír tlehhema'aá koom, nee ar looeema.

HAR'OHUUSE 16:15

Inós guri beér, «Xáy ala adór kuúng tar kat, ‹Aán kiíng i slaá',› bartaqane muunaáwók ku saáw dir'eene. Ay nee hamí iga niqís sagaáwa tám wa ale, adór kuúng tur aleeslay ngaa ooiká dir'eene.»