Efeso 4:12 - Biblía Axweesantá Hhohho' ar Mungú 2004

¹² Gadiyér'ín a tí, múk hhohhó' oo Mungú kuwa amohhe'eemisi, as inooín Mungú nguwa sagadiyusiya', as slaqwtá Kristo kawa kwa/amisi.

Ya/abtór hho' 1977

¹² Gadiyér'ín a tí, múk hhohhó' oo Mungú kuwa amohhe'eemisi, as inooín Mungú nguwa sagadiyusiya', as slaqwtá Kristo kawa kwa/amisi.

Efeso 4:12 Iomraidhean Croise

Luka 22:32

Ala aníng kuúng ugwa aleefiriím as haratlintaaoorók makawa arbaá/. Ala kuúng qoomár bara hhu'u'uún, hhaeewók ki /uurií qás.»

Tlehhema'aá ya/Abuuse 1:17

Inós geeraawo nee atén a dinkwa, asma inós sleeme kuna tsawaár as gadiyeérí atén ta tleehhaan kawa al tleehhaan nee inós.»

Tlehhema'aá ya/Abuuse 1:25

asma pa/aangwí nguwa oohi nee gadiyeérír ya/abusi'iima, tí Yuda aa dakuús, iri amoorós i tláy.»

Tlehhema'aá ya/Abuuse 11:23

Qoomár inós iwa hardáh, tsuuqaá Mungú ngiwa ár, ina qwalaá/, giri báy, «Aako ooha hhe'eesaak baraá munerhunge.»

Tlehhema'aá ya/Abuuse 20:24

Ala bar án kilooeene slafingw'eé' u gaárí xuaaká. Ala gár gídaabár koom a masók slafingw'eé' kudá' nee Aako un alhhe'eés, nee gadiyér'eé' tidá' naa ilaaóh dír Aako Yésú wa ale, ngiwa alhhe'ees. Nee gadiyeérí an alki/ituú Ya/abtór hho' daanduú gurtleemuú Mungú.

Tlehhema'aá ya/Abuuse 20:28

Kuungá' kilá' munerhúng harmagahhaak, nee kríshaanáydá' sleémeero, kudá' Qeeruú hhoohhoó' oo Mungú kuungá' nuwa qaás tawa xuumuuser'ín. As múk Aako kuwa de'eenda', kudá' inós aa tlaáxw ar tseereerós ar kilá'.

Tlehhema'aá ya/Abuuse 9:31

Múk kríshaanáy amohhooa gari sláy baraá yaamaá Yudeawo nee Galilayaro, nee yaamaá Samaria. Tari gawdúy gawaá loohír Aakoowo, Aako kuri ilaiwawaá/, Qeeruú hhoohhoó' oo Mungú gina gurkwa/amís, nee faaror'ín iri doogigiín.

Rumi 12:5

Gawaá adoorihe atén sleémeero a adór slaqwtá wák baraá Kristowo, nee umuúqo heewo baraarene a diqtá kudá' hatlá' sleémeero.

Rumi 12:7

Hee aleesleemuú i kon bar oo muu alee/iimis, heewí muu ngu alee/iimisi. Heé aleesleemuú intsaahhatimis gu koóm, i intsaahhatimisi.

Rumi 14:19

Ala bar adoosíng, gár atén tiwa hariím tidá' wayduú huwaahuuw tla/angwrene an tleehhaán, nee tidá' haratlintaaór umuúqo heewo ga kwa/amis.

Rumi 15:14

Hhaee'eé', aníng a xuú' adór kuungá' tar hatsá' hhooeemaawo. Nee slám kuungá' xu'uti sleémeero a koondá', nee a aleesleerá' kuungá' kiloohúng tiwa gurbu'uunda'.

Rumi 15:2

Umuúqo heewo baraá tla/angwrene masók inslaawmoowós gun sla'atimis as hhooeema ngiwa slay, nee as iwa kwa/i baraá haratlintaaoorose.

Rumi 15:29

Qoomár án binda hardáh, nin hardáh ar tsuuqaá yaariir awa Kristo.

1 Korinto 12:27

Gawaá adoorihe kuungá' a slaqwtá Kristo, nee umuúqo heewo dirhunge a diqito'ór wák gawaá slaqwtihe.

1 Korinto 12:7

Ala aleesleemuuduú Qeeruú hhoohhoó' oo Mungú gu geehhooeemiís, ku hanmiis dír umuúqo heewo ar adoodá' alee/isoó huwahuuw dír múk kríshaanayhe.

1 Korinto 14:12

Kuungá' sleeme an adoorí. Kuungá' aleesleemuú Qeeru un ló'wa leelehhitá'. Gawaá adoorihe kuungá' aleesleemuuduú Qeeru ak leelehhaak, kudá' múk kríshaanoó kwa/amís.

1 Korinto 14:14

Asma aníng bara firiím ar tsifrír xuawasl, qeeruueé' i firiirín, ala fuqurangw'eé' gár i slaslay i káhh.

1 Korinto 14:26

Ala hháe, adór ta laqa' a adoomá? Qoomár kuungá' bar aga burumburité', umuúqo heewo dirhunge barnaxes i daa'ángw kón, laqaá axweesantá intsaahhasa, laqaá axweesantá taa amoorós i geehhooeés, nee laqaá axweesantá tsifrír xuawaslen, laqaá ilaharmisuú axweesantadá', masók muruuwí sleémeero in tleehharuut as múk kríshaanáy kuwa kwa/amisi.

2 korinto 12:19

Án ngi slaá' qoomaarí sleémeero kuungá' a kata' atén gár tas adoorír axweesaan a tin kiloorén aleekal/aamaán dír geeraahunge, aasla'áy, a adoosingeeká. Tí ta axweesaan, an axweesaán ar baraá Kristo, dír geeraá Mungú wa ale. Ala sla'aaruuser'eé', tí sleémeero ana axweesaán as kuungá' tawa kwa/a'.

2 korinto 13:11

Hám daxta, hhaee'eé', alaáhhooá' ngi geexáw. Kumiité' baraá gan'amuuwo. Gurbu'uungw ya/aa/amaak. Ti axweesani axamise'. Hooté' ar wayda. Nee Munguúduú sla'aari nee oo wayduú hanmaamiís masók i dinkwa nee kuungá'.

2 korinto 13:9

Asma kuungá' bar /uuru u koondá', direne a qwala/ tam atén ti daqeetlakwene. Gár atén ta firiirimaan a tí, kuungá' masók a múk ganaá' tleehhitá'.

2 korinto 3:8

xáy, xirfuú gadiyér Qeeru ku ak úreéke ló'wa ale?

2 korinto 4:1

Gadiyeérí atén ta tleehhaan Mungú ngina atén i haniís as gurtleemuuwós. Gawaá adoorihe atén a mune siaanaaká.

2 korinto 5:18

Ala muruuwí sleémeero amór i dahhi a amór Mungú. Inós atén tina dirósií haraki/ís ar loohír Kristo, nee gadiyér haraki/imis ngiri dirén i haniís.

2 korinto 6:3

Baraá umuúqo gaaro atén hee u dukuutsmoó i qaasanaaká, as gadiyeérén makawa niqimís.

2 korinto 7:1

Sla'aaruuser'eé', al'axweesantí sleémeero a toorén. Gawaá adoorihe, atén ti kilootén hhoohhooeesaán baraá umuúqo slasla/aruú gawaá slaqwa nee oo baraá qeeruuwo. Nee tawa hootaan ar slafíngw ló'wa hhohhó', Mungú kuwa ilaiwawa/aan.

Efeso 1:23

nee mukdá' tawa slaqwtós. Mukwí sleémeero aa haáts inose, inósuudá' umuúqo gaaro ga boo/eemiís baraá muu sleémeerowo.

Efeso 4:16

Inós slaqwa sleémeero gan haragaas dinkwárií alé, gari dinkwárií nigihhitis ar kanuúdá' Mungú naa haniís. Inós umuúqo diqto gan aleesleemií hanmiis, gadiyeérós tidá' taa haniís ngiwa tlehh. Gawaá adoorihe slaqwa sleémeero in uraareér, nee tiri kwa/amís ar baraá sla'aari.

Efeso 4:29

Axweesanoó tlákw mu kaahara', ala masók a axweesanoó muu gu kwa/amís, nee kudá' amoqwaareemisaaká. Gawaá adoorihe axweesanayhúng i tsuuqaá huwi dír mukdá' kuungá' nu iiárií qamiima.

Efeso 4:4

Slaqwa a wak, tam Qeeru a wak, adoodá' kuungá' tundura ateét nee Mungú, as harahhifór wák kawa sleera'.

Kolosai 1:24

Hám daxta a qwalalaá/ asma tiwa slahh'eemisi as kuungá'. Án baraá slaqwte'eene birti slahh'eemiis, a slahh'eemisuú Kristo un boo/eemiís, kudá' aa meet baraá slahh'eemisuuwós as slaqwtós. Slaqwtós an múk kríshaanáy.

Kolosai 1:28

Inós an kwí ni alki/iitaan, muu sleémeero un gurbu'uumaán. Umuúqo heewo un intsaahhatimiisaán ar sagalooa sleémeero tidá' Mungú ni amoorén i hanmiisi. Asma gár ta sla'aan a umuú heewo un amohhe'eemisaán iwa sihhiiti dír geeraá Mungú tawa heé aa kwaa/ baraá Kristoowo.

Kolosai 4:17

Arkipo ku beera', «Gadiyeérók tidá' tinda haniís baraá Aakoowo ga/aaweek, as kawa boo/es.»

1 Timoteo 1:12

Aníng Kristo Yesu Aakoorén un sluufmiís, kudá' aníng iga /uurií haniis. Slám un sluufmiís asma aníng ina harafaár tawa heé inkihhimuú koóm, iri qaás baraá gadiyeérós i alé,

2 Timoteo 4:11

Luka kilós in diirí, an heé aa dir'eéní meet. Marko leelehhang, nee kuúng ni alhardatá', asma inós a alee/isusmoó hhoó' dir'eene.

2 Timoteo 4:5

Ala kuúng masók tin harmagáhh baraá mura' sleémeerowo. Kuúng qiqtliím baraá slahh'amuú ta sleera. Ya/abtór hho' alki/iiteek tawa gadiyeérók. Gadiyeérók boo/eeseek.

Ebrania 13:17

Kuungá' geeraharuuserhúng ilaiwawa/aak, nee adoodá' inooín ta kaahi tlehhiitaak. Asma inooín munerhúng ngin ga/aayá' xweera nee tlaatla/aango. Asma faarór gadiyér'ín ngi ooiyá' dír Mungú i alé. Kuungá' bar iga ilaiwawa/é', inooín daqaní gadiyér'ín ngi tleehhiyá' ar qwala/, ala ar gurhaamirooká. Ala barnaxes kan tleehh ar gurhaami gadiyér'ín daqaní gár dirhunge i bu' i káhh.

Ebrania 6:1

Gawaá adoorihe intsaahhasadá' sleémeero ar iimu/uuma daanduú Kristowo masók an alií geexawaán, nee tari geerií kumiitaán baraá intsaahhasadá' hee gu kwa/as baraá slafíngw qeeruuwo. Atén a sla'aanaaká intsaahhasadár iimu/uuma kawa malé inki/aan, tidá' hee iwa hhu'u'un nee tlehhma'aá slafa'aaká ngiwa may, nee Mungú nguwa haratlintii'i;