Efeso 4:10 - Biblía Axweesantá Hhohho' ar Mungú 2004

¹⁰ Kudá' aa aweer an kudá' aa tsa/an sleeme. Ina tsa/án gáwtá kilá', doori sleémeero gay waaraáhh, as mura' sleémeero nguwa hatsiisi, as inós iwa deér.

Ya/abtór hho' 1977

¹⁰ Kudá' aa aweer an kudá' aa tsa/an sleeme. Ina tsa/án gawtá kilá' i alé, doori sleémeero gay waaraáhh, as mura' sleémeero nguwa hatsiisi, as inós iwa deér.

Efeso 4:10 Iomraidhean Croise

Matayo 24:34

Án a kah, muruuwí sleémeero i boo/ dír mukú de'emaaká' ir kumiiti.

Luka 24:44

Aluuwo Yesu giri báy, «Kaangwí a kudá' naa káh qoomár niwa dinkwár i dirii' nee kuungá', niwa káh tidá' sleémeero taa gooín daanduueén i alé, baraá hara'ayár Mosewo, nee baraá gooír aaruuseero, nee baraá Wara'amto, gár iwa hariin aqo in bó/ sleémeero.»

Yohana 1:16

Asma baraá hatsmuuwose atén tsuuqa ina slaslawaán daanduú kuqá' wa ale.

Yohana 19:24

Askaári iri kilooín axwés iwa kat, «Hiyaay u feehhisaanaaká. Ala un tsawdoórí tleehhaán, áx heé gu sláw a heemá.» Adoorí ina tleehharút asma Gooi iwa bo/, tidá' kah, «Tlabaaeé' kina qasmiís baraá tla/angw'ín wa ale. Nee hiyay'eé' kuna tsawdoórí tleéhh.» An adoodár askaáridá' aa tléhh.

Yohana 19:28

Qoomár Yesu ngiwa tsaáhh adór umuú gaaro ira tleehharút, iri oó', «Aga waxiít.» Adoorí gana oó' as Gooi iwa bo/.

Yohana 19:36

Kaangwí ina tleehharút as Gooi iwa bo/, tidá' kah, «Tam fartós ar ta geeqay i káhh.»

Tlehhema'aá ya/Abuuse 1:11

Mukdá' iri oó', «Aá múk Galilaya, asma milá mas sihhimitá' tawa dooraá ga/eerá'? Yésuuwí gawaá doori tsa/a/ám ni kii/, ar adoosíng kura aandé' iwa tsa/a/an gawaá doori.»

Tlehhema'aá ya/Abuuse 1:9

Axweesanaywí ooaro nguwa hhe'eés, qoomár inooín kuwa ga/ay, inós kurir gáwtí tláy, huunki guri ilaaót dír ilaaín wa ale.

Tlehhema'aá ya/Abuuse 2:33

Gawaá adoorihe kuri xirfayeés, guri tsa/aás ay dákw /iyáy oo Mungú, nee al'axweesantadár Qeeruú hhoohhoó' oo Mungú gari dír Baabá wa ilaaóh. Nee nguri amooréní haniís. Nee hám an kaangwí kuungá' ta ga/eera' nee ta axamisa'.

Tlehhema'aá ya/Abuuse 3:18

Ar tlehhmuuwihe Mungú adoodá' aa geerií axweés ar loohír aaruuseerós sleémeero, tidá' iwa káh, Kristowós gár kuwa hariím a kun slahh'eemiís.

2 korinto 12:2

Aníng heeko wák u xuú' oo baraá Kristo. Kureeraá mibaá nee tsiyáhh naa waarahhii'i heewí kuna ar tláy gawaá doori ay baraá dooraá tám. (Inós qoomaadae tim slaqwtá kón, aníng a xuaaká, laqaá tim slaqwtá konká, aníng a xuaaká, Mungú ga xuu'.)

Efeso 3:19

Nee slám kawa tsahha' sla'aarirós tidá' xu'uti sleémeero ga baa/ as kawa yaariír. Gawaá adoorihe Mungú inósuú kilá' kuungá' nu ló'wa hatsiisi munguiimarose.

Kolosai 1:19

Asma Mungú gana slaá' Munguiimarós sleémeero iwa baraá Garmá i diri'.

Kolosai 2:9

Asma Mungú nee munguiimarós sleémeero i baraá Kristó wa hoot, gídaabá baraá slaqwtós.

1 Timoteo 3:16

Ar ló', naaqór haratlintaaoorén ka ló'wa ur. Mungú kuna geehhooatís ar slaqsoó hee. Gan'amuuwós kuna laqán nee Qeeru. Inós kuri ár nee malayke. Kaangós kuri alki/iít dír xoorduuwo, inós kuri haratlintií' baraá yaamuwo, kurir tláy gawaá doori.

Ebrania 4:14

Gawaá adoorihe atén haratlintaaoorén tidá' ta koomaan masók an ló'wa oohaán. Asma atén kaahamusmoó úr oo Mungú u koomaán. Inós aa waaraáhh ar tla/ángw doori ay dír geeraá Mungú. Inós an Yesu, Garmoó Mungú.

Ebrania 7:26

Gawaá adoorihe Yesu an kaahamusmoó úr oo Mungú oo atén ti gaa wa buú'. Asma inós ku hhoohhoó'. Nee slám inós i tlakweemaá konká, nee i xaslxaanslír konká. Nee slám kwaa paraátl dír tlakuuseero, nee kwaa tsa/aás kway harwaarahhaás doori sleémeerowo.

Ebrania 8:1

Gár ak ur baraá muruuwí taa axweesani a tí, atén kaahamusmoó úr oo adoorí hamí u koomaán. Inós aa iwiít dákw doó /iyáy oo kitángw aleesleemu oo Munguúduú aleesleemuú koóm dooriwo.